Bushi pranon fajin
 

Bushi pranon fajin


Ish-presidenti amerikan, George Bush ka urdhëruar personalisht, në kohën e mandatit të tij, që një udhëheqës i burgosur i rrjetit terrorist të Al Qaedas t'i nënshtrohet metodës së kontestuar të hetimit të njohur si "waterboarding".

Ky lajm publikohet nga gazeta "Washington Post", e cila bazohet në kujtimet e ish-presidentit Bush, që pritet të dalin në librari javën e ardhshme në Amerikë.

Bush ka miratuar aplikimin e metodës së simulimit të mbytjes "waterboarding" ndaj Khalid Sheik Muhamed, ideatorit të dyshuar të sulmeve terroriste të 11 shtatorit 2001. Aktivistët për të drejtat e njeriut e kategorizojnë këtë metodë hetimi si torturë. /koha