Dardania.de - Dinakeria panhelene

[COLOR=#000000][SIZE=4][FONT=Times New Roman]Kur fuqitë e mëdha i dhanë ultimatum qeverisë greke për të larguar forcat ushtarake nga Korça dhe qytetet e tjera të pushtuara ushtarakisht, ajo i tërhoqi ushtritë e rregullta drejt jug-perëndimit të vendit, por la aty një numër ushtarakësh të maskuar, gjoja të sëmurë në spital. Por pa u larguar mirë ushtarët, peshkopi filogrek Gjermanos u ra kambanave dhe u bëri thirrje të “sëmurëve” të flaknin tej çarçafët dhe të rrëmbenin pushkët për të ripushtuar qytetin. Ndërkohë, 100 “dezertorë” erdhën natën dhe u bashkuan me ta dhe pushtuan lagjen Varosh dhe bashkinë e qytetit. Të nesërmen erdhën edhe 300 ushtarë të tjerë, pushtuan kishën dhe ngritën flamurin grek. Mitropolia shpalli menjëherë “Bashkimin e Korçës me Greqinë” Më 24 korrik 1914 hynë edhe një numër oficerësh gjoja dezertorë si majori Vardha, Kondul, i Ngavanis, Papa Kostas etj.. Dhe filluan plaçkitjen e dyqaneve dhe të banesave të myslimaneve, vrasjet dhe përdhunimet (Shih veprën e Petro Harizit faqe ‘84-‘87) Menjëherë pas kësaj gjendjeje u vunë në lëvizje çetat patriotike të Themistokli Gërmenjit, Sali Butkës, Gani Butkës, Mendu Zavalanit, Vangjel Gjikës, Kajo Babienit, etj..[/FONT][/SIZE][/COLOR]