Dardania.de - Letër për disa nga vëllezërit e mi...

Dardania.de (https://www.dardania.de/vb/upload/index.php)

- Diskutime Shoqërore (https://www.dardania.de/vb/upload/forumdisplay.php?f=111)

- - Letër për disa nga vëllezërit e mi... (https://www.dardania.de/vb/upload/showthread.php?t=31903)

Letër për disa nga vëllezërit e mi...

Të dashur vëllezër dhe kolegë!

Të jesh burrë 35 vjeçar dhe të kesh një femër në moshën 17 vjeçare nuk është krenari, por pedofilizëm.
Të jesh burrë i martuar dhe baba dhe t’i ngacmosh femrat tjera nëpër rrugë është primitivizëm.
Ta rrahësh gruan nuk është fuqi apo burrëri, por është idiotizëm dhe dobësi. Kjo vetëm tregon se ke kompleks inferioriteti dhe mundohesh po atë kompleks ta balancosh.
Ta kalosh tërë kohën e lirë nëpër klube e jo me familjen tënde, tregon se nuk e meriton të jesh burrë i një gruaje apo baba.
Të kesh grua e fëmijë dhe një "të dashur" anash, tregon vetëm se nuk je burrë i plotë dhe nuk je në gjendje të mbash as një grua si duhet.

Ta ndjesh vetën më lartë se femra, tregon vetëm se ende nuk e ke kuptuar që të ka lindur një femër….
Të vozitësh nëpër autostradë si i çmendur me shpejtësi të madhe, nuk është delikt kavalieri por fakt se je vetëm një egoist që e rrezikon jetën e të tjerëve.
Të bësh krim në vendlindje, tregon se nuk e do shtetin tënd.
Të bësh krim në vendin e huaj tregon se nuk e meriton të jesh shqiptar!

Fjala burrë tek ne është keqkuptuar si duket sepse burri shqiptar është i njohur për besnikëri, për mbajtje të familjes (me një grua), për nderë dhe moral e jo për ato dukuri që i ceka më lartë. Burri shqiptar ka statut të një Adonisi, plot vetëbesim dhe nuk bie leht në kurthin e lavireve që kanë mbetur rrugëve dhe qëllim e kanë një qejf duke prishur një familje.

Burrat shqiptarë janë burra e jo burreca të shminkuara si lavire!

Thonë loti i burrit është gjithmonë i vërtetë, atëherë ndaloni të qarit për çdo gënjeshtër që e bëni apo gabim duke i ikur kështu konsekuencave dhe gënjeshtrave që i bëni.
Mësohu të jesh burrë besnik dhe me respekt ndaj femrës. Burrë që di t’i ndan gjërat duke e respektuar dhe dashur prindin por duke mos rënë në ndikimin e askujt për gruan dhe familjen e tënde. Bëhu burrë që mendon, flet dhe vepron konsekuent. Baba që luan me fëmijët. Që kalon kohë me familje duke u aktivizuar në edukimin e fëmijëve. Tregoje dashurinë ndaj gruas sepse aty marrin shembull fëmijët e tu dhe do të mësojnë të dashurojnë, të duan, gjë që është më e vlefshme në botë. Bëhu krah i fortë i gruas dhe i familjes tënde dhe këto të mbjella do t’i korrësh në pleqëri me shumë ngrohtësi familjare, respekt të madh të fëmijëve dhe dashuri shumë të sinqertë të gruas tënde.

Trego që e meriton ta quash vetën BURRË, me plot kuptimin e fjalës.

Përshëndetje të sinqerta!

(marrë nga një revistë)