Dardania.de - Revista gjermane "Stern": “Turqia, shtet turbo”

[B]Revista gjermane "Stern": “Turqia, shtet turbo”[/B]

[I]Revista në artikullin me titull “Turqia, shtet turbo”, bën komentin se “Turqia, dikur një shtet i mbyllur në guaskën e vet, po përparon në rrugën për t’u bërë superfuqi”.[/I]

[FONT=Arial]E premte 4 Nëntore 2011 23:13[/FONT]
Revista vë theksin në zhvillimin e shpejtë ekonomik dhe social të Turqisë, dhe bën këtë koment “Turqia, që dikuar jetonte brenda guaskës së vet, është kthyer në një vend të hapur me botën e jashtme falë rritjes së standardit të jetesës, të rritjes ekonomike të qëndrueshme e rritjes së eksportit dhe arkitekti i kësaj, shkruan revista është Kryeministri Rexhep Tajip Erdoan”.
Me strukturën e saj laike dhe përpjekjet e vazhdueshme për demokratizim Turqia është treguar si një vend shembull për botën arabe, shkruan revista në artikullin e saj dhe thotë se Turqia nuk mban një qëndrim indiferent ndaj zhvillimeve në rajonin e saj, ndikimi dhe pesha e saj po rriten çdo ditë e më shumë.
Revista citon edhe deklaratën e Ministrit turk të BE-së dhe Kryenegociatorin Egemen Baësh (Egemen Bağış) të ketë thënë se “Turqia ka nevojë për Evropën, por edhe Bashkimi Evropian ka nevojë për Turqinë. Ne do të vazhdojmë të presim deri sa BE-ja ta kuptojë këtë”.
Turqia ka marrë një rol qendror ndërmjet Lindjes dhe Perëndimit, ajo po përparon në rrugën për t’u bërë një superfuqi me normën e rritjes ekonomike që arrin deri në 10%, me shifrat në rritje të punësimit dhe zhvillimin e saj ekonomik, bën komentin revista “Stern”.
Në vlerësimin që i bën Kryeministrit Erdoan revista shkruan se “Ngandonjëherë edhe ata që e kritikojnë Erdoanin habiten me ato që po ndodhin në vend”, dhe vijon: "Erdoani përjeton kënaqësinë e të qenit një mysliman demokrat në botën arabe dhe Turqia duket si modeli i ri i Lindjes së Mesme”.