Propozimi i Cooper, zgjidhje afatgjatë ?
 

[B]Propozimi i Cooper, zgjidhje afatgjatë[/B]


[COLOR=#525252][FONT=georgia][FONT=verdana][B]Selvije Bajrami[/B] [COLOR=#11B3F1][B]| [/B][/COLOR]08-11-2011 00:08 CET[/FONT]
[URL="http://www.zeri.info/artikulli/1/1/37898/propozimi-i-cooper-zgjidhje-afatgjate/#"][/URL][URL="http://www.zeri.info/artikulli/1/1/37898/propozimi-i-cooper-zgjidhje-afatgjate/#"][/URL][URL="http://www.zeri.info/artikulli/1/1/37898/propozimi-i-cooper-zgjidhje-afatgjate/#"][/URL][URL="http://www.addthis.com/bookmark.php?v=250&winname=addthis&pub=xa-4dde9811192a1f62&source=tbx-250&lng=de&s=jappy&url=http%3A%2F%2Fwww.zeri.info%2Fartikulli%2F1%2F1%2F37898%2Fpropozimi-i-cooper-zgjidhje-afatgjate%2F&title=Z%C3%ABri%20%E2%80%A2%20INFO%20-%20Ditari%20-%20Politik%C3%AB%20-%20Propozimi%20i%20Cooper%2C%20zgjidhje%20afatgjat%C3%AB&ate=AT-xa-4dde9811192a1f62/-/-/4eb8d52587294b60/1&frommenu=1&uid=4eb8d525dda26963&ufbl=1&ct=1&pre=http%3A%2F%2Fzeri.info%2F&tt=0"][/URL][URL="http://www.zeri.info/artikulli/1/1/37898/propozimi-i-cooper-zgjidhje-afatgjate/#"][/URL]


Propozim-plani për menaxhimin e integruar të kufijve të Kosovës me Serbinë, i dalë së fundi nga ndërmjetësi i bisedimeve mes Kosovës dhe Serbisë, Robert Cooper, vlerësohet të jetë vetëm dëshirë e britanikut. Së paku kështu shprehet kryetari i Komisionit Parlamentar për çështje të brendshme dhe siguri në Kuvendin e Kosovës, Ahmet Isufi .
Duke iu referuar informacioneve që deri më tani nuk janë të konfi rmuara zyrtarisht as nga Prishtina as nga Beogradi, se Cooper ka ofruar një propozim për menaxhim të integruar të kufijve, që Prishtina e ka pranuar në parim dhe Serbia është në pritje të dhënies së mendimit, Ahmeti thotë se për momentin një gjë e tillë nuk mund të arrihet.
“Ky menaxhim i kufijve po bëhet me Shqipërinë, me Maqedoninë e Malin e Zi, por me Serbinë ekzistojnë raporte të tjera dhe kjo mund të jetë një dëshirë e Cooper-it, por me zhvillimet që kanë ndodhur nuk ka ndonjë përparim në këtë drejtim. Janë marrëveshjet të cilat e dini se janë arritur dhe nuk po zbatohen”, ka thënë Isufi të hënën.
Propozimi i Cooper sipas burimeve të gazetës, është ofruar rreth dy javë më parë, ndërsa tek këtë të diel serbët e strukturave paralele, duke iu referuar këtij propozimi kanë paralajmëruar se do të padisin Borko Stefanoviqin për tradhti dhe shkelje të kushtetutës serbe.
Propozimi i Cooper, sipas burimeve, është i bazuar në dokumentin e “Udhërrëfyesi për menaxhimin e integruar të kufi jve në Ballkanin”, të punuar nga Komisioni Evropian më 2007.
“Propozimi synon që me një vendim të vetëm të zgjidhet kontesti rreth mënyrës dhe procedurave të kontrollit në vendkalimet mes Kosovës dhe Serbisë. Kjo do të thotë se marrëveshja do të vlejë jo vetëm për kalimet në Brnjak dhe Jarinje, por edhe për ato në Merdar, Dheu i Bardhë dhe Muçibabë”, ka sqaruar një zyrtar ndërkombëtar.
Propozimi, sipas këtij burimi, parasheh që pikat e reja të kontrollit, që do të financoheshin nga BE, do të vendosen mes zonës neutrale dhe aty do të punonin bashkërisht policët e Kosovës, Serbisë dhe të EULEX-it. Vendkalimet do të mbikëqyreshin nga EULEX-i, i cili njëherësh do të ishte edhe garantues i zbatimit të marrëveshjes.
“Në këtë propozim të Cooper, pala kosovare e sheh zgjidhjen e kontestit të përgjithshëm me Serbinë për vendkalimet kufi tare, dhe me këtë e përmbush një kërkesë të rëndësishme të BE-së rreth bashkëpunimit ndërkufitar, ndërsa pala serbe përfiton një zgjidhje jo-ideale, siç e thotë edhe vetë Stefanoviq, por që e afron Serbinë me BE-në dhe marrjen e statusit të vendit kandidat e ndoshta edhe marrjen e datës për hapjen e bisedimeve”, ka thënë një zyrtar ndërkombëtar me kusht anonimiteti.
Nga po të njëjtat burime,“Zëri” mëson se informacioni për këtë marrëveshje të mundshme u është përcjellë kryetarëve ilegalë të komunave në veri nga njerëz brenda qeverisë serbe, gjegjësisht nga kabineti i ministrit të Jashtëm, Jeremiq, që janë kundër negociatorit Stefanoviq, në mënyrë që të dëmtojnë kredibilitetin e tij.
“Të indinjuar nga mundësia që problemi i vendkalimeve të zgjidhet me një marrëveshje të favorshme për të dyja palët, e sidomos për atë kosovare, kryetarët ilegalë janë të gatshëm që të përdorin çdo formë të mundshme që ta pengojnë jetësimin e kësaj marrëveshjeje”, ka thënë ky zyrtar.
Serbët në këtë pjesë të Kosovës, sipas të njëjtave burime, janë të dirigjuar nga partitë opozitare në Serbi dhe se atyre u konvenon vazhdimi i gjendjes së tensionit dhe konfliktit. Gazeta ka tentuar gjatë tërë ditës së hënë për të vënë kontakt me personelin e ndërmjetësit në bisedimet mes Kosovës dhe Serbisë, Borko Stefanoviq dhe me ata të ministrit serb të Punëve të Jashtme, Vuk Jeremiq, por një gjë e tillë nuk ka qenë e mundur.
Edhe shefja e bisedimeve nga pala kosovare Edita Tahiri ka qenë e pamundur të kontaktohet derisa burime të gazetës kanë sqaruar rreth detajeve që aktualisht janë vetëm propozim i ndërmjetësit Robert Cooper.

[/FONT][/COLOR]