A e dini se ... ?
 

[I]Nëse Dielli do të zvogëlohej në madhësinë e një rruaze të bardhë të gjakut, atëherë Rruga e Qumështit do të ishte sa madhësia aktuale e Shteteve të Bashkuara.[/I]

Titulli: A e dini se ... ?
 

[I]Për shkak të mosbalancës gjinore, deri në vitin 2020, 24 milionë burra kinezë nuk do të jenë në gjendje të gjejnë një bashkëshorte.[/I]

Titulli: A e dini se ... ?
 

[I]Një papagall me Puck, renditet në Librin e Rekordeve Botërore Guinness si “Zogu me fjalorin më të madh në botë”. Ai është në gjendje të artikulojë 1728 fjalë në anglisht. Ai jo vetëm imiton, por krijon shpesh fraza dhe fjali të tijat.[/I]

Titulli: A e dini se ... ?
 

[I]Më 1 korrik 1916, në Betejën e Somës në Francë, një sasi eksplozivi prej gati 30 mijë kg eksploziv shpërtheu, duke krijuar një krater 300 metra të gjerë dhe 90 metra të thellë. Shpërthimi, u dëgjua deri në Londër, dhe ishte më i zhurmshmi i kryer nga njeriu në histori deri në atë moment.[/I]

Titulli: A e dini se ... ?
 

[I]Agjentët e kontrollit të trazirave (p.sh spërkatësit me piper), konsiderohen po aq të rrezikshme sa edhe armët kimike, dhe ndalohen të përdoren në luftë.[/I]

Titulli: A e dini se ... ?
 

[I]Gjatë Luftës së Dytë Botërore, një avion gjerman dhe britanik qëlluan njëri-tjetrin mbi Norvegji. Ekuipazhet arritën të mbijetonin, u takuan në tokë dhe e pastaj ndihmuan njëri-tjetrin. Dy prej tyre, vizituan pastaj si miq njëri-tjetrin disa vjet pas mbarimit të luftës. Në pjesë të ndryshme të Mbretërisë së Bashkuar, ekzistojnë shumë relike avionësh që datojnë që nga Lufta e Dytë Botërore, zhvendosja e tyre është e ndaluar me ligj. [/I]

Titulli: A e dini se ... ?
 

[I]Njerëzit kanë shanse më të mëdha për të vdekur në ditëlindjen e tyre, se sa në ndonjë ditë tjetër.[/I]

Titulli: A e dini se ... ?
 

[I]Sytë më komplekse në të gjithë mbretërinë e kafshëve i përkasin karkalecit mantis, që mund të manipulojë polarizimin e dritës, gjatë gjithë spektrit të saj të dukshëm. Kjo është të paktën 10 herë ngjyra më shumë se sa spektri ynë i dukshëm.[/I]

Titulli: A e dini se ... ?
 

[I]25 për qind e rezervave të arit në botë, thuhet se mbahen në një magazinë nën ishullin e Manhatanit në Nju Jork.[/I]

Titulli: A e dini se ... ?
 

[I]Qeveria polake, jep një “Medalje për jetën e gjatë martesore”, për çiftet që kanë qenë të martuar prej më shumë se 50 vjetësh, dhe kanë të paktën një fëmijë, të tyrin ose të adoptuar.[/I]

Titulli: A e dini se ... ?
 

[I]Në fund të Luftës së Ftohtë, Bashkimi Sovjetik, kishte një sistem radar mbi horizont, që ishte aq i fuqishëm saqë ndërhyri në sistemin elektronik global, dhe disa njerëz besonin se ai ishte një eksperiment sovjetik për kontrollin e mendjes. [/I]

Titulli: A e dini se ... ?
 

[CENTER]Se një shqiptaro-amerikan ka qenë pjesë e misionit të Apollo 11 në Hënë?[/CENTER]


[I]Ambasada Amerikane me anë të një njoftimi në Facebook ka bërë të ditur shqiptarin e parë që ka shkuar në Shtetet e Bashkuara të Amerikës i cili ka marrë pjesë në misionin “Apollo 11”. Ai është Vilson Kokalari, inxhinieri me origjinë shqiptare i cili ka qenë pjesë e rëndësishme e misionit të parë në hënë, “Apollo 11”.

Ambasada Amerikane shkruan se Vilson Kokalari, lindi në Gjirokastër dhe emigroi në SHBA në moshën 1-vjeçare.
Si inxhinier, Vilson Kokalari, luajti një rol të rëndësishëm në misionin Apollo 11. Sipas ambasadës Kokalari ishte ai që shkroi udhëzuesin që ndihmoi astronautët e “Apollo11” që të zbrisnin anijen kozmike në tokë në mënyrë të sigurt.[/I]

Titulli: A e dini se ... ?
 

[CENTER]Një ‘shoqe’ është më e rrallë se dashuria e vërtetë[/CENTER]


Ndoshta ka ardhur koha të pranojmë se një shok i keq, një shok tek i cili nuk mund të mbështetesh, s’duhet quajtur fare shok.

Herë pas here më është thënë, nga gra që njoh, se unë qënkam një shoqe e mirë. Kënaqem, por nuk e kam guximin ta them vetë këtë. Në përgjithësi, kam tendencën të mos i shtoj mbiemra fjalës ‘shok’, ose përcaktorë që i referohen hierarkisë së ndjenjave dhe besueshmërisë. Më duken të pakuptimta.

Unë nuk do të thoja kurrë, për shembull, “ajo është shoqa ime e ngushtë”, sepse nga kjo do të nxirrja përfundimin se kam edhe shokë që i pëlqej më pak, të tjerë që nuk i besoj aq shumë, të tjerë që i ndjej më pak të afërt. Dhe në qoftë se do ta bëja këtë, vetvetiu do më lindte pyetja: pse e konsideroj veten shoqe me këtë grua? Pse i konsideroj ata shokët e mi?

Fjala “mik”, në prani të hierarkive të këtij lloji, nuk është e përshtatshme. Ndoshta duhet të pranojmë se një mik i keq, një mik i pasigurt, nuk është mik. Ndoshta, për të qenë i qartë, edhe nëse është e dhimbshme, duhet të mësojmë të mos themi “një mike”, por “një grua me të cilën kaloj kohë ose kam kaluar kohë”. Problemi është se ne na ngushëllon ideja që kemi shumë miq.

Kjo na bën të ndihemi më popullor, të dashur, më pak të vetmuar. Për këtë arsye ne preferojmë të përshkruajmë si “miq” gra me të cilat kemi pak ose aspak të përbashkëta, por me të cilat, nëse është e nevojshme, plotësojmë një zbrazëti: kalojmë një pasdite në një kafene, pimë një gotë verë, asgjë në veçanti. Asnjëherë mos u shqetësoni nëse më vonë, në rastin e parë që ju jepet, i quani ato thashethemexhie, gjarpërinj, të tharta, tepër të ndjeshme.

Fakti është se një mike është aq e rrallë sa një dashuri e vërtetë. Fjala italiane për “miqësinë”, amicizia, ka të njëjtën rrënjë si folja “të dua”, amare, dhe një marrëdhënie midis miqve ka pasurinë, kompleksitetin, kontradiktat, mospërputhjet e dashurisë. Mund të them, pa frikën e ekzagjerimit, se dashuria për një shoqe, gjithmonë ka qenë një marrëdhënie shumë e ngjashme me dashurinë për njeriun më të rëndësishëm në jetën time.

Ku është dallimi? Marrëdheniet seksuale. Dhe nuk është një ndryshim i vogël. Miqësia nuk vihet vazhdimisht në rrezik nga praktikat seksuale, nga sa rrezik ka në përzierjen e ndjenjave kryelarta dhe presioni i trupave për të dhënë dhe për t’u marrë kënaqësi.

Është e vërtetë se sot, nga ajo që unë mund të shoh, miqësia seksuale është gjithnjë e më e përhapur (në italisht, ndonjëherë kam dëgjuar termin trombamiko me zemër të zjarrtë, ose “mik me përfitime”). Por është një lojë që kërkon të mbajë në gjirin e saj njëkohësisht: edhe fuqinë e përhapur të dashurisë, edhe ritin e seksit të pastër. Ne e kemi njohur njëri-tjetrin për njëfarë kohe, ne i besojmë njëri-tjetrit më tepër se të huajve, shkojmë në një bar, një restorant, të shohim një film, kemi marrëdhënie seksuale.

Por unë ende nuk do të thoja se seksi është normal midis miqve. Ashtu si dashuritë e mëdha janë të rralla, nga ana tjetër, miq të shumtë dhe të mirë janë të rrallë. Ndërkohë, të njohurit me të cilët ne mund, herë pas here, të përfundojmë në shtrat janë të shumtë gjithashtu.

Elena Ferrante për The Guardian