[rilinda]

A janë të gjithë shqiptarët shqiptarë!

"Atdhetarizëm i deklaruar!" Fjalë shumë adekuate për ne shqiptarët.
Koha, kur mund të thuhej se ne shqiptarët, me të vërtetë ishim shqiptar (atdhetar), ka mbetur prapa. Atdhetarizmi është i vendosur vetëm në kujtesën tonë dhe e ruajmë si shumë monumente nëpër muze...e vizitorë të muzeve sot ka pak. Jemi larguar nga rrjedhat kombëtare duke u inkuadruar në botën moderne. Jemi bërë snobista duke imituar të tjerët, e në anën tjetër themi: "Jam krenar që jam shqiptar!" Mundohemi ta arrijmë botën duke shkelur amanetet e atyre që me të vërtetë ishin shqiptar.

Më brengos fakti se ka edhe prindër të atillë që nuk e kultivojnë gjuhën shqipe në fëmijët e tyre. Më ka ndodhur edhe të kacafytem me disa moshatare të miat, të cilat vijnë shkollë shqipe, e në klasë flasin gjuhë tjetër. Aspak nuk brengosem se pse e dinë atë gjuhë ato se "aq gjuhë sa din, aq me vlerë je", por nuk e shoh të udhës, kur ato thonë "nuk dimë të komunikojmë mes vete shqip"!!! A nuk është për tu çmendur kjo!? Pas atyre fjalë që thonë, ia krisin këngës popullore shqiptare duke përmendur heronjë shqiptarë... Paradoks i vërtetë!

Mbes me shpresën se ata shqiptarë të deklaruar, të vijnë në vete e së bashku të punojmë me përkushtim që vendi ynë të ec përpara, e fjala "atdhetarizëm i deklaruar" të shndërrohet në "atdhetarizëm të mirëfilltë".




Shëndet!
Rilinda