[Albanian eX|PerT]

ISLAMI DHE SINGAPORA

Shkruan: Fehim Xhafer Dragusha

Singapori është një vend shumë i vogël, me sipërfaqe tokësore prej 254 milje katror. Shtrihet në Azinë Juglindore. Numri i përgjithshëm i banorëve përafërsisht arrin shifrën deri në 4milion, ku 3.3 milionë janë shtetas apo banorë permanent .

Demografia Fetare
Sipas statistikave të bëra kohëve të fundit, 85 % e popullatës besojnë në disa besime fetare. Prej këtij grupi 51 % praktikojnë Budizmin, Taoizmin, besime të trashëguara nga stërgjyshërit, si dhe besime tjera kineze. Vetem 15,5 % të popullatës e përbëjnë Muslimanët, kurse 15 % të shtetasve e përbejnë Krishterët. Vlen të ceket se në Singaporë ka edhe Indian, shifra e tyre është 4 %, kurse numri tjetër i banorëve janë pasues të besimeve tjera, si Agnostik, Ateizëm, etj. Në Singaporë jetojnë edhe një grup Sikësh i vogël (fraksion indian), çifut (Jahudi), Protestant të cilët ia kalojnë numrin Katolikëve Romak, Zoroastrian dhe komunitete tjera fetare .
Rreth 77 % të popullatës janë Kinez Etnik, përafërsisht 14 % të tjerë janë Malaj Etnik dhe pothuajse 8 % janë me perkatesi Indiane .
Sipas asaj që kam hasur në këtë punim (Singapori – International Religious Freedom Report 2004), kam vërejtur se gati krejt etniteti malaj i përkasin besimit Islam, ndërsa etniteti Indian i përket besimit Hindu .
Fisi Kinez është i ndarë në Budizëm, Taoizëm, Krishterizëm, apo në Agnostik ose Ateizëm. Është çudi se në këtë vend ka shumë Misionarë të huaj, të cilët janë aktiv, duke përfshirë këtu: Katolikë, Mormon dhe Baptist ( SINGAPORE – International Religious Freedom Report 2004 – faqe 1 ) .

Islami në Singaporë
Feja Islame është Fe e respektuar dhe e mirëpritur në Singaporë. Këtë e vërteton fakti i shumë Kinezëve, të cilët kanë pranuar Islamin kohëve të fundit. Poashtu kemi edhe disa të dhëna ku Fenë Islame e kanë përqafuar edhe disa Indian .
Mund të themi se Islami në Singaporë, ka ndikim rrënjësor dhe në këtë vend të vogël Ezani thirret 5 herë në ditë ( Duhet cekur se gjat qëndrimit tim nje javor ne Singapore, vërejta se Ezani nuk lejohej te degjohej jashte Xhamis, thënë me mirë, Ezani thirrej mirëpo zmadhuesit e zerit ishin te kthyer nga xhamia e jo nga rruga, dhe me kete kuptova se Muslimanët jetonin nje jete shume te veshtire ne mesin e shume besimeve te kota ) .
Muslimanët falin pesë kohët e namazit në xhami, hanë ushqim të lejuar (hallall), agjërojnë gjatë Muajit të Ramazanit si dhe kryejnë obligimin e Haxhit .

Gjuhët e folura në Singaporë
Në Singaporë fliten katër gjuhë të huaja, ato janë : Mandarin, Malaje, Tamil dhe Anglishtja. Gjuha Angleze është gjuhë zyrtare e cila bënë bashkimin e shumë fiseve ndër etnike .
Në shkolla, mësimi zhvillohet në gjuhën angleze. Për ti ruajtur traditat shumë vjeçare maleje, nxënësit janë të obliguar të mësojnë edhe gjuhën maleje ( Singapore Culture – faqe 1 ) .

Kulturat Singaporiane
Në Singaporë njerëzit jetojnë në një Shoqëri Kozmopolite, në paqe dhe harmoni reciproke me kultura dhe raca të ndryshme njerëzore .
Shumë Imigrant nga Kina, India, Evropa dhe vende tjera të botës, i dhuruan Singaporës një imazh të bashkëpunimit dhe mirëkuptimit .
Siç dihet, Arabët gjithmonë ishin ata që udhëtonin nëpër vende të ndryshme të botës dhe prej këtyre vendeve kishin gjetur Singaporin qysh në vitet e hershme .
Po ta vizitosh Singaporin, do te shohësh rrugët e vjetra të ndërtuara nga Arabët si dhe veçori dhe karakteristika tjera Islame, te cilat i kam hasur edhe vet gjat vizites sime ne vitin 2005
Në Singaporë, mund të hasësh në ushqime të ndryshme, si: Ushqimi Malaj, Kinez, Indian, Indonezian, Perëndimor, Italian, Peranakan, Spanjoll, Francez, Tajlandez si dhe ushqime të përziera, te gjitha keto japin te kuptojne se Singapori eshte vend i hapur per te gjithe njerezit anekend botes .

Singapora - Vendi i Biznesit dhe i shumë Kulturave
Singapori është një vend shumë i pasur dhe plotësisht i ndërtuar. Sa i përket biznesit, është vend që renditet ndër vendet me të mira dhe me te suksesshme në Botë .
Më shumë se 7,000 kompani, nga vende të ndryshme të botes, dominojnë në këtë vend të vogël dhe të bukur .
Strategjia Gjeografike e Singaporës, i mundëson hyrjen 500 milion njerëzve në Azinë Juglindore me tregun e saj të fort prej 2.8 bilion dollar .
Singapori, poashtu konsiderohet prej vendeve me më konkurrencë për biznes .

Sistemi Edukativo-Arsimor në Singaporë
Në Singaporë, fëmiu fillon ndjekjen e mësimit parësor, në moshën e tij (saj) shtatë vjeçe. Kjo periudhë zgjat gjashtë vite .
Pas mbarimit të kësaj shkolle, ai (ajo) fillon shkollimin fillorë-themelorë dhe kjo zgjat katër vite. Poashtu Singapori shquhet më Universitetet e saja të larta, kolegjet, kembrixhët(lloj kolegji ).
Pas mbarimit të shkollës së mesme, studenti mund të zgjedh këto degë :
- Teknik (ITE) or commercial institute (MDIS, MIS, TMC, SIM ).
- Politeknik (Nanyang, Temasek, Ngee Ann, Republic, Singapori Polytechnics) per ti ndjek mesimet e diplomes .
- Institucionet e Centralizimit .
- Para-Universitetit apo Kolegjet e Reja
Përveç kësaj, Singapori ka edhe shtatë shkolla fetare Islame të cilat mbahen nga të ardhurat e Myslimanëve Malaj dhe të tjerë .
Xhamitë janë shumë të bukura dhe me gjithë numrin e madh të jo myslimanëve, vërejmë një numër të madh të xhamive dhe faltoreve .
Këtu mund ta shikoni njërën prej Xhamive të Singaporës, e cila shtrihet në qendër të qytetit :

Disa pika të rëndësishme rreth Singaporës
Singapori është pavarësuar në vitin 1965. Ishte koloni e Anglisë deri në vitin 1965 .
Në flamurin e saj gjinden pesë yje, që paraqesin: PËRPARIMIN, DEMOKRACIN, PAQEN, BARAZIN DHE DREJTËSINË.
Lulja Kombëtare e Singaporës, për herë të parë qe zbuluar në vitin 1893 nga Agnes Joaqium, Armenian. Emri i Lules " Vanda Miss Joaqium ( Education System And Schooling Options In Singapore – faqe 1,2 ) ."