[panta_rhei]

Postimi origjinal është bërë nga DilDema

Idoli im ishte Rugova, urtësia dhe mençuria e tij intelektuale, vizioni i tij prej diplomati, njeriu që u kishte munguar shqiptarëve, veçanarisht Kosovës. Kosova kishte patur dikur një Hasan Prishtinë të kësaj kategorie, por që në rrethanat në të cilat veproi ai nuk kishte as mundësi teorike të bëj më shumë, sepse shqiptarët e shtypur dhe të paarsimuar kanë mundur vetëm të vërtetojnë akuzat dhe shpifjet serbe mbi primitivizmin e popullit tonë.
Serbët kurrë nuk i skjaruan shkaqet e një niveli të tillë dhe më së pakut gjykuan arrogancën dhe çmendurinë e tyre shoviniste, rezultat i së cilës shqiptarët kishin ngelur në errësirë. Gjithëmonë patëm trima që vdesin për liri, por në liri i humbëm betejat. Shqiptarët, gjithëmonë patën trima që nuk kursyen gjakun për atdheun e tyre, por nuk patën asnjëherë një Rugovë, që betjën e fiton ende pa u futur në të.
Kosova më në fund e pati "supermenin" për të cilin kishte pritur me shekuj...
Ai fizikisht vdiq, por shpirti i tij liridashës i mbjellur në zemrat shqiptare jeton përherë i njomë!
Me te LDK-ja ishte më shumë se një parti politike, prandaj i takonin asaj të gjitha kategoritë politike të popullit shqiptar në Kosovë.
Ishte Lëvizje që mblodhi rreth vetes të gjithë ata që ndjenin se në damarët e tyre rrjedh gjak shqiptari! Si e tillë veproi deri në fund të jetës së liderit të saj edhepse pati rënje, zhagitje...Bashkë me Rugovën vdiq edhe kjo frymë që e ruante unitetin e LDK-së...
Cili do të ishte IDOLI i ri shqiptar?!
Unë nuk shoh gjë të keqe nëse një popull apo individ i përcakton vetvetes një idol i cili do t'i prij atij në jetë. Vetëm shoqërit dhe individët e çthurur nuk respektojnë e as besojnë në gjëra të shenjta individuale dhe grupore. Shoqëritë apo individët e tillë janë të denuar të tjetërsohen nga qenja e tyre humane, kombëtare.
Këto gjëra të shenjta shtetërore, kombëtare,religjioze, mund të jenë edhe figura e personalitete të shquara, që bëjnë kthesa historike në mënyrën e jetës dhe zhvillimit të individit, apo edhe kombit në tërësi.
Nxënësi në shkollë gjen idolin e tij tek ndonjëri nga arsimtarët dhe përpiqet ta imitoi atë.
Unë kur fillova të punoj në një shkollë, edhepse kisha përvojë të mirë jetësore në lëmitë shoqërore, megjithatë bëra përpjekje ta imitoj një profesor timin nga shkolla e mesme, sepse kisha fituar përshtypjen se ishte metoda më e mirë për punë me nxënës...
Pas Rugovës, vërtet nuk është aspak e lehtë për të krijuar një idol të ri nga skena politike kosovare.
A mund të jet ky idol Fatmir Sejdiu, i cili dështoi në krye të LDK-së?!
A mund të jet ky Veton Surroi, që shpesh zhgënjeu me "modernizmin" e tepruar politik?!
Nexhat Daci, që tash përpiqet të përvetësoj meritat e idolit shqiptar, të quajtur Rugovë?!
Apo Hashim Thaqi, që shpesh ishte tejet i ashpër në qëndrimet e tij dhe para opinionit dilte si kundërshtari më i madh i Rugovës?!
Gjykuar nga të gjitha aspektet, kam përshtypjen se vetëm Thaqi, tash për tash është personaliteti i vetëm në skenen politike shqiptare në Kosovë, që mund ta gëzoj epitetin e një idoli. Pse?
Mosha e tij dhe pjekuria politike në vazhdimësi, që çdo ditë udhëton kah përsosshmëria.
Meritat e pamohueshme nga lufta e fundit në Kosovë, qoftë si ushtar dhe kryerës i shumë aksioneve që i paraprinë luftës, qoftë si drejtues i saj.
Janë këto dy veti tepër të mëdha për një figurë të rangut kombëtar, me të cilat nuk posedon asnjëri nga emrat e skenës politike në Kosovë sot, përjashtuar Hashimin.
Hashim Thaqi është personaliteti më i kompletuar, me të gjitha premisat për të qenë lider i ri dhe "idol" i shumicës së shqiptarëve në Kosovë.
Unë Thaqin e njoha, në të vërtetë nuk e njoha mirë, nga Universiteti i Prishtinës, kur ai ishte Student prorektor dhe nuk munda t'i besoj sepse ishte emër i ri dhe i panjohur. Nuk prisja se ai mund të ishte një entuziast, guximtar dhe kaq trim i vendosur të realizojë qëllimet e tij,duke vene edhe jeten perballe tyre. Në të vërtetë u takuam shkurt, pak orë të një dite të vetme, në një kohë tepër të ligë. Me pengoi vrazhdesia e tij, qe tash e kuptoj se ishte me shume vendosmeri e nje te riu ,qe me kembengulje ter realizoje synimet e tij kombetare. Ishim dy koka të nxehta tipike drenicase, që nuk lëshonin pe !
Mua më mbante krenaria dhe emri i krijuar, ndërsa atë e idealeve të tij, të cilat ende ishin të panjohura për shumëkend e sidomos per mua.
Tash po më kujtohen disa vargje të Lahutës, kur vojvoda Mark Milani i Malit të Zi, pas shumë betejave të përgjakshme me shqiptarë në Malësi të Veriut do të thotë:

" Mark Milani ka ba be
me kesi trima kurre s'jam pre
Me pas dijt se janë kaq trima
zanë i kisha pobratima..."

Edhe unë, po ta dija se vërtetë ai Hashimi nga Universiteti me titullin Student Prorektor do të bëhej ky Thaqi i sotëm, gjërat do të ishin ndryshe, por ja që jemi njerëz dhe bëjmë edhe gabime. Kisha edhe une nje "idol" tjeter qe e ruajta me respekt deri sa fizikikisht u nda prej nesh.

Nese do te percaktohesha per nje idol te ri, atehere s'ka dyshim ky do te ishte Thaqi.

profili
mesazh
Postime: 0
2007-04-28

Përshëndetje DilDema,

Qenke burrë "i vendostë"... hallall, po i ndrrojshe idolat sikur qorapet...
Përveq tjerash idoli yt i radhës qenka pikerisht ai që i bëri poshtërsitë më të mëdha për ta zhdukur e shkatërruar idolin tënd të mëparshëm...
Për mendimin tim, thaqi mund të quhet më së shumti "idol i dështuar dhe i dështimit", politikisht dhe si personalitet...
Shqiptarët e Kosovës në katër palë zgjedhje të lira i treguan shumë mirë thaqit se sa vlen dhe qka meriton...
Një personalitet dhe një politikan (të krahut të luftës), që i humb zgjedhjet e para të pasluftës dhe tri palë zgjedhje pastaj, sot mund ta kenë idol vetëm ata që janë si ai (të dështuar).

ps. sa i përket shprehjes "idol"... ka njerëz që e kanë idol Skenderbeun, Mbretëreshën Teutë, Presidentin Kenedi, Elvis Pristley, James Dean... edhepse keta kanë vdekur para shumë shekujve e viteve...
Idolet krijohen, zotëri DilDema, e nuk ndërrohen... ato që ndërrohen nuk mund të quhen më idole, por pallavra.

Tung, edhe ishalla bohet hashimi ndonjiherë kryeministër