[Dilaver]

Arrestohen dy mjekë për vjedhje të rëndë

Të akuzuar për vjedhje të rëndë, u arrestuan nga policia mjekët, Dr. Agim Xhafa dhe Dr. Hajrullah Fejza të cilët me urdhër të prokurorit janë dërguar në Qendrën e paraburgimit në Prishtinë. Sektori për Hetimin e Krimeve Ekonomike dhe Korrupsionit pranë Drejtoratit të Krimeve të Rënda, Komanda Kryesore e Policisë në Prishtinë me urdhëresë të Gjyqtarit të Procedurës Paraprake pranë Gjykatës Komunale në Prishtinë ka kryer dje një kontroll në qytetin e Vushtrrisë me dyshimin e bazuar se është kryer vjedhje e rëndë. Aparati për operimin e perdeve të syve, në vlerë mbi 100.000 euro i cili ishte dhuruar si donacion për QKUK-në nga firma amerikane “Bauch and Lomb”, ishte dërguar në klinikën private “Xhafa Lenc” në Vushtrri me pronar Dr. Agim Xhafa, dhe jo në QKUK. Poashtu së bashku me Dr.Xhafa është arrestuar edhe Dr. Hajrullah Fejza, Shef i Sektorit për shëndet publik në Prishtinë dhe që të dytë me urdhër të prokurorit janë dërguar në qendrën e paraburgimit në Prishtinë, njofton policia.