[Albanian eX|PerT]

Policët grekë, dhunë të miturve shqiptarë

Transmetohen imazhe të një videoje ku keqtrajtohen dy të mitur shqiptarë në burgjet e Greqisë. Skandali është shpërndarë dje në internet.Në pamjet filmike shfaqet një polic i burgjeve greke, cili keqtrajton në mënyrë çnjërëzore dy të mitur emigrantë nga Shqipëria. Sipas pamjeve filmike të regjistruara nga një telefon celuar polici i ka keqtrajtuar dy të miturit për një kohë të gjatë duke i qëlluar më sende të forta në pjesë të ndryshme të trupit. Ndërkohë që videoja është xhiruar që vitin 2006, kohë kur ka ndodhur dhe ngjarja. Por publikimi i tyre është bërë i mundur vetëm ditën e djeshme dhe nuk dihet ende se kush i ka shpërndarë në internet pamjet çnjerëzore të keqtrajtimit të dy të miturve nga Shqipëria. Në imazhet e shfaqura në faqen e internetit duket qartë polici dhe identifikimi i tij ka qenë shume i lehtë si për hetuesit që kanë marrë në shqyrtim dosjen dhe për mijëra persona që kanë parë në faqen e internetin pamjet makabre të keqtrajtimit të dy të miturve. Ndërsa identiteti i dy shqiptarëve viktima të kësaj ngjarje nuk është bërë i ditur. Pas publikimi të videos autoritet e shtetit helen kanë nisur procedimin penal për policin, i cili është protagonist i ngjarjes. Ndërsa autoritetet më të larta të shtetit fqinjë kanë dënuar këtë akti kriminal.

GAZETA SOT - Shqiperi!