[Naki]

Fëmia im pi alkool



Rëndësia e problemit




Pirja e pijeve alkoolike nuk është dukuri e rrallë te fëmijët në moshën adoleshente. Në këtë moshë fëmijët duan të provojnë gjëra të reja dhe të ndaluara, shpesh kjo është mënyra të jenë të pranuar në shoqëri etj. Disa fëmijë pinë rregullisht dhe në fakt ata janë me rrezik të bëhen alkoolistë. Ky rrezik është më i madh, në qoftë se njëri prej prindërve është alkoolist. Mendimi juaj personal për pijen, ndikon në masë të madhe mbi mendimin e fëmijës për alkoolin. Përdorimi i alkoolit në këtë moshë, për shkak të aftësisë të zvogëluar që të parashikohen pasojat, shpesh shpie deri në sjellje të rrezikshme (ngarje veture në gjendje të alkoolizuar, mosndërmarrja e masave për seks të sigurtë etj). Eksperimentimi me alkool mund të sjell deri te përdorimi i drogave tjera.

Pse fëmijët pijnë alkool?
Shkaqet për shkak të cilave fëmijët marrin alkool mund të jenë nga më të ndryshme.

• Ata mund të pijnë nën presionin e shokëve, që të jenë të pranuar në shoqëri.
• Disa fëmijë vuajnë nga ndjenja e vetëmosvlerësimit dhe alkooli u ndihmon të ndjehen më mirë dhe të lirohen nga stresi.
• Te tjerë, në këtë mënyrë tregojnë se janë të pavarur dhe e shprehin revoltën e tyre kundër rregullave që u imponohen.

Cilat janë shenjat se fëmija im pi alkool?
Nuk ka shenja specifike që do të kishin treguar se fëmija juaj konsumon alkol. Në mënyrë të ngjashme manifestohen edhe sëmundjet tjera të varësisë, karakteristike për atë moshë. Shenja të cilat duhet t'ua tërheqin dhe t'u kahëzojnë se diçka ndodh me fëmijën tuaj janë këta që vijojnë: bie në mësime, mbyllet në vehte, e ndërron stilin e veshjes, i ndërron shokët e deri atëhershëm, përnjëherë i ndërron shprehitë e të fjeturit dhe të ushqimit. Shpesh është i lodhur. Sytë i ka të skuqura, sjellja është e ndryshuar, bëhet iritabil, shpesh është prezent disponim i zvogëluar, bile ndonjëherë edhe tentativë për vetëvrasje. Ikën nga shtëpia ose ka probleme me disciplinën në shkollë. E humb interesin për aktivitetet e zakonshme, e braktis hobin e deri atëhershëm.

Si të veproj nëse fëmija im pi?
Bëhuni të qetë, paniku nuk i ndihmon askujt. Bindeni fëmijën se e doni ende dhe i sqaroni për brengën tuaj. Inkurajoeni të merret me aktivitete të ndryshme dhe e favorizoni shoqërinë me shokë të tjerë. Kini besim tek ai, por i tregoni se nuk mund të ketë liri të pafundme. Mos lejoni të shkojë në vende, ku nuk ka kontroll. Parashtroni rregulla të qarta. Kontrollojeni ku shkon, le t'ju paraqitet, të dini se ç'ndodh. Ndonjëherë është mirë të caktoni disa ndalesa. p.sh. kufizojeni kohën deri sa është e lejuar dalja ose kufizojeni kohën kur do t'ia jepni veturën. Nëse probleme të ngjashme ka shoku me të cilin del, mirë është të bisedoni me prindërit e atij fëmije.

A mund të parandalohet alkoolizmi?
Si edhe çdo prevencë tjetër, që të jetë e suksesshme aktivitetet duhet të fillohen mjaft herët, qysh nga fëmijëria e hershme.

• Fëmijët janë të prirur të imitojnë dhe prandaj shembulli i prindërit është shumë i rëndësishëm. Prindërit çdo herë duhet të pinë me kujdes dhe asnjëherë të mos lejojnë të vozisin në gjendje të dehur. Në rrethin tonë ekziston traditë e keqe baballarët/gjyshërit i ftojnë trashëgimtarët meshkuj të gëlltisin nga pija, të cilën e pijnë ata. Mos lejoni sjellje të tillë. Përdorimi i alkoolit në shtëpi duhet të vihet nën kontroll.

• Asnjëherë nuk duhet lejuar alkooli të shfrytëzohet si mënyrë për ballafaqim me problemet. I tregoni fëmijës suaj se për tu kënaqur nuk ka nevojë të pihet. Flisni me të për konsumimin e alkoolit dhe bëhuni të hapur për çfardo pyetje. Njiheni me faktet për alkoolin dhe si ndikon ai në organizmin e njeriut.
• Njihuni me shokët e tij. Mos lejoni fëmija juaj të shkojë në ahengje, ku pihet alkool dhe ku nuk ka kontroll. Nëse shkon në aheng të tillë propozojini që ju ta merrni me veturë së bashku me shokët, e kështu ta mënjanoni rrezikun të ngasë veturë në gjendje të alkoolizuar. Mësojeni t'ju informojë se ku shkon. Kini besim te fëmija juaj. Vërreni gjërat e mira që i bën dhe i potenconi haptazi. Shpërbleheni nëse sjell vendime të drejta.

Ku të drejtoheni për ndihmë?

• Mjeku juaj
• Psikolog
• Grupe lokale për përmbajtje për heqjen dorë nga alkooli

marrë nga shëndeti