[Zana_ch]

Me manifestime të ndryshme në Prishtinë shënohet ditëlindja e ish Presidentit të SHBA-ve, Bill Clinton

Në shenjë falënderimi popullit amerikan dhe ish-Presidentit të Shteteve të Bashkuara të Amerikës, Bill Klinton, për kontributin e dhënë kolektiv dhe personal, Shoqata “Miqtë e Amerikës - Miqtë e Bill Clintonit” edhe sivjet do ta shënojë 19 gushtin, ditëlindjen e 61-të më radhë, të ish-Presidentit të SHBA-ve, Clinton.
“Kontributi personal i ish-Presidentit të Shteteve të Bashkuara të Amerikës dhe ai kolektiv i popullit amerikan për çlirimin e Kosovës dhe për rindërtimin e saj të pasluftës, kurrë nuk mund të harrohen”, shprehet kryetari i shoqatës “Miqtë e Amerikës-miqtë e Bill Clintonit”, Agim Rexhepi, duke shpjeguar qëllimin e organizimit, për të katërtën herë me radhë, të këtyre manifestimeve.

Më këtë rast, kjo shoqatë dhuroi pako ushqimore Njësitit të Komunitetit të SHPK-së në Podujevë, për t’iu shpërndarë ato familjeve më nevojtare, ndërsa para Teatrit Kombëtar, sot në orët mbrëmjes do të organizohet një manifestim kulturor, shprehet Rexhepi:

Edhe kësaj radhe, pos donatorëve të shumtë, aktivitetet e kësaj shoqate është duke i mbështetur edhe Drejtoria e Kulturës, pranë KK të Prishtinës.