[Dilaver]

Kumanovë, 10 shtator — Kryeshefi i stacionit policor të fshatit Mateshë të Kumanovës Fatmir Alili është vrarë, ndërsa dy policë të tjerë janë plagosur gjatë një shkëmbim zjarri, që ka ndodhur mbrëmë rreth orës një pas mesnatës, në afërsi të fshatit Vaksicë të Kumanovës.
Ministria e Punëve të Brendshme të Maqedonisë bëri të ditur se patrulla policor përderisa ka qenë duke lëvizur në afërsi të fshatit Vaksincë me Lada Niva, mbi ta është hapur zjarr nga një grup i armatosur i udhëhequr Xaim Halili. Gjatë sulmit janë plagosur të tre policët. Komandanti i stacionit Fatmir Alili ka vdekur rrugës për në qendrën mjekësore të Kumanovës, ndërsa njëri nga dy policët që kishte marrë plagë nga armë zjarri në shpinë, është dërguar në qendrën emergjente të Shkupit. Polici i dytë me plagë në këmbë është mbajtur në spitalin e Kumanovës, ka bërë të ditur zëdhënësi i Punëve të Brendshme Ivo Kotovski. Sipas tij nga të shtënat është plagosur Zaim Alili ndërsa është vrarë vëllai i tij Skender Alili si dhe Xheladin Hyseni ka mbetur i plagosur rëndë . Pas përleshjeve Zaim Alili në gjendje të rëndë shëndetësore është bartur në spitalin e Gjilanit e më pas drejt Qendrës Klinike Universitare të Kosovës. Ndryshe Zaim Alili është nip i Xhemail Hisenit i cili u arrestua javën që lamë pas pasi që kishte ikur nga burgu i Idrizoves ku po vuante dënimin me burg prej shtatë vjetësh. Pas këtij rasti Alili kishte kërcënuar në media kryeministrin, ministrin e Punëve të Brendshme dhe kreun e Partisë Demokratike Shqiptare. Për zhvillimet e fundit në rajonin e Kumanovës ka diskutuar edhe Kuvendi i Maqedonisë, mbledhje të jashtëzakonshme ka mbajtur edhe komuna e Likovës e cila kërkoi nga qytetarët që të kontribuojnë në stabilizimin e situatës.
(RTK)