[Arb]

KFOR i ka reaguar ashpër kundër emitimit të një storie filmike për AKSH-në

Prishtinë, 4 tetor KFOR i ka reaguar menjëherë rreth pamjeve të stories që RTK ja e publikoi mbrëmë në lajmet qendrore, ku shiheshin persona të uniformuar të AKSH së, të maskuar.

Zëdhënësi i KFOR it ka paralajmëruar se do të luftojë çdo grup ilegal të armatosur që vepron në Kosovë.

Ai ka riktheksuar se për sigurinë e Kosovës dhe qytetarëve të saj përkujdeset KFOR i, SHPK ja dhe policia e UNMIK ut.

"Grupe të tilla të armatosura e dëmtojnë procesin në Kosovë", ka thënë zëdhënësi i KFOR it dhe ka shtuar se nëse KFOR i do të takohet me AKSH në do të reagojë fuqishëm në bashkëpunim me policinë e UNMIK ut dhe SHPK në për t'ia bërë të ditur se në Kosovë nuk ka më vend për dhunë.

"Jam i sigurtë se këta individë, apo këto grupe që po veprojnë në këtë mënyrë, duke treguar armët e tyre dhe duke kërcënuar me dhunë paqen në këtë vend, nuk janë duke punuar për imazhin e mirë për Kosovën", ka thënë zëdhënësi i KFOR it.

Ai ka shtuar se njerëzit janë lodhur me dhunë dhe se problemet zgjidhen përmes procesit demokratik. Në konferencën e rregullt për shtyp zëdhënësi i KFOR it ka thënë se drejtori i përgjithshëm i RTK së ka vendosur që storien për grupet ilegale të armatosura të mos transmetoheshin në emisionin e parëmbrëmshëm.

Por redaksia e lajmeve e RTK së ka sqaruar se vendimi që kronika të mos transmetohej parmbrëmë, por të transmetohet në emisionin e mbrëmshëm, ka qenë i redaksisë dhe është vendosur kështu për shkak të plasimit sa më profesional të kronikës në publik.

Gazetari i RTK së, thuhej në një raport të kësaj qendre televizive, ka arritur të kontaktojë një grup të armatosur të uniformuar që bartnin embleme të Armatës Kombëtare Shqiptare.

Praninë e tyre ata e arsyetojnë me kërcënimin që sipas tyre vijnë nga Serbia, sidomos pas kërcënimeve të grupit paramilitar i ashtuquajtur "Garda e Car Llazarit", se do të luftojë nëse shpallet pavarësia e Kosovës.

Gazetari i RTK së njoftoi se një grup i armatosur me emblema të Armatës Kombëtare Shqiptare lëvizin në territorin e Kosovës dhe deklarojnë se kërcënimet që vijnë nga Serbia për luftë nga paramilitarët serbë i kanë shtyrë që të mobilizohen dhe të veprojnë në Kosovë.

Armata Kombltare Shqiptare me një urdhër administrativ është shpallur organizatë terroriste nga UNMIK u vite më parë.

Reporteri i RTK së ka thënë se pas një hulumtimi të gjatë ai ka kontaktuar me disa pjesëtarë të AKSH së dhe siç u shpreh ishte dëshmitar kur ata ndalonin dhe kontrollonin veturat jo larg nga kufiri me Serbinë. Gazetari pastaj bëri të ditur se ka shkuar në një poligon të tyre ushtarak dhe me njërin prej tyre ka zhvilluar një bisedë.

QIK-u