[ATEIST]

Morali eshtë një tërësi normash sjelljeje. Një nga shmangiet e rëndomta në bisedat mes ateistëve e fetarëve (tek janë duke zbërthyer pohimet teiste) është kthimi i këtyre bisedave në mënyrë të njëanshme nga 1) A janë të vërteta doktrinat fetare që pohojnë se ekziston "zot", në 2) A është mirë apo jo që njeriu të besojë në këto doktrina (pavarësisht se ç'thonë)!

Për ata që besojnë në fe, në fakt iu duket sikur pika e dytë është ndonjë farë rregulli i patundur universal dhe s'ka fare pse diskutohet, kështu që e sjellin tërë gëzim bisedën në atë rrugë duke kujtuar se kanë provuar gjë me vajtjen në territorin e dogmës, se mos gjoja është besimi në "zot" ai që i detyroka njerëzit që të sillen si njerëz...

Parë nga këndvështrimi i mosbesimtarëve, duket idiotësi me brirë të pohosh se u dashka të besosh (në absurditete) meqënëse besimi qenka ai që mund të të bëjë të sillesh siç duhet në shoqërinë ku rron!... Realiteti i përditshëm tregon që tërë ata ateistë nëpër botë pa asnjë lloj besimi fetar në fakt kanë morale më të shëndosha se besimtarët, përderisa i kryejnë veprimet me arsye dhe jo nga frika se do hanë dru nga shkopi i kundpranishëm kozmik. Madje dogma e moralit fetar vetësulmohet nga vërejtja praktike se po t'i heqësh shkopin, tërë kopeja besimtare nuk do zbatojë më moralin, sepse nuk do ketë më frikë... Po me sa duket prandaj dhe ankohen fetarët kur shohin ateistët dhe antiteistët të sulmojnë fenë sy për sy. Thellë në vetvete mos dinë gjë se janë të paaftë të sillen si njerëz po nuk hëngrën dru të plotfuqishëm e të përjetshëm? Tërë retorika fetare që sillet për të mbështet fenë dhe domosdoshmërinë e fesë, në fund i kthehet fesë e fetarëve si bumerang duke i cilësu këta si ndonjë grupim subhumanësh që kanë vështirësi të sillen si njerëz, po s'u zhdepën mirë apo po nuk panë hijen e shkopit çdo orë të ditës.

Kjo në fakt është që i bën qesharakë tërë fetarët që kapen pas moralit për të provuar vërtetësinë e besimit a pohime të tjera absurde që i mësojnë nga filmat a prifti e hoxha i lagjes, dhe fakti që nuk e kuptojnë idiotësinë e kësaj taktike fatkeqësisht i bën dhe lolo... përveç që i degradon si njerëz. Duke i bërë të besojnë se sillen me moral nga frika, atëherë, këta kushtëzohen të mendojnë se po t'i hiqet frika do nisin të vrasin, presin, therin e përdhunojnë ç'të gjejnë përpara. Me "argumenta" të tilla fetarët aktualisht thonë vetë se s'janë gjë tjetër veçse kriminelë të lidhur e të mbajtur fort me litarët e fesë... kështu që ateistët i bie të jenë të këqinj sepse duke i zgjidhur nga feja po shkojnë të lirojnë kriminelët...