[ATEIST]

Islamizmi burimor ka filluar të lëshojë rrënjë në Kosovë që nga 1912 e këtej. Turqia kishte islamizu emrat, po jo edhe shpirtin. Monarkia jugosllave kishte paguar vazhdimisht hoxhollarë për të ligjëruar para popullit "fenë e drejtë" se si serbët janë të përcaktuar për këtë jetë kurse ne për atë tjetrën, se si serbët jetojnë në shtëpia luksoze por do shkojnë në ferr, kurse ne jetojmë keq e duhet të jetojmë sa më keq e pastaj do shkojmë në parajsë. Këto janë gjona që çdonjani mund t'i dëgjojë nga pleq që janë 60 vjeç e sipër. Në këtë rast siç shihet feja u përdorë për qëllimin e saj të vërtetë: për të shtypë një popull së pari psiqikisht që pastaj ta shtypë më lehtë fizikisht.

Siç e ceka, islami burimor ka hyrë si fe shkallë-shkallë pas pushtimit të Kosovës nga Serbia, sepse më parë njerëzit kanë ngatërruar shumë fenë islame me elemente pagane të mëhershme, saqë mund të thush lirisht se më shumë kanë qenë paganë se sa muslimanë. Madje ende ka fshatra e fise ku asnji njeri nuk ka shkuar në xhami asnjëherë, as babë as gjysh as stërgjysh e më tej.

Por varësisht nga regjioni ka dhe të tjerë që kanë ndjekur me rreptësi islamin, sidomos zonat kufitare e kanë përdorë fenë si kundërvënie ideologjike ndaj ortodoksizmit serb, mirëpo pikërisht këtë nevojë për mbrojtje të identitetit e kanë shfrytëzuar hoxhollarët për të ngulitur idetë islamike.

Feja islamike nuk ndihmon aspak për mbrojtje të identitetit shqiptar. Ajo shërben për mbrojtje të identitetit islamik. Kshu kemi dhe serbë që janë muslimanë siç është rasti i boshnjakëve, me të cilët mjaft shqiptarë kanë pasur krushqi. Pra nëse serbi është musliman, qenka i mirë? Dmth islami nuk mbron identitetin shqiptar, por thjesht atë islamik i cili është një çorbë me të gjitha llojet e mëlmesave boshnjako-arnauto-turko-arabe.

Sikur të mos ishte sundimi serb Kosova sot do ishte një krahinë ku jeta e përditshme do të përgjasonte shumë me atë të ilirëve të lashtë.

Sa për sod, feja më shumë është çështje e personit. Ka që nuk ja vënë fare në pullë, ka dhe të tjerë që madje janë proarabë. Kam njohur dhe të tjerë që mendonin se do ishte mirë një konvertim i joni në krishterim, dhe pothuajse tërë frymëzimin kanë marrë nga vepra e Barletit mbi Skënderbeun.

Serbia e ka përhapur islamin edhe për një arsye tjetër: që ne të jemi të ngjashëm me turkun, dhe të pranohet më lehtë shpërngulja e shqiptarëve me pretekst se po kthehemi në "vendin tonë".

Mbaj mend gjithashtu se deri kah vitet e 90 gjyshet na lanin me hithra, ne fëmijve, për 6 maj, jo se kjo gjë ka ndonjë vlerë brenda vetvetes, por meqenëse është trashëgimi ilire, duhet ta ketë respektin.

Aty nga vitet e '90 Serbia filloi t'i financonte gabelët që ta festonin Shëngjergjin, u blente birra mish, instrumente muzikore për të bërë muzikë, ndërsa nga ana tjetër përhapi ndër shqiptarë propagandën se Shëngjergji është festë gabelësh. Ndërsa Bajrami edhe pse festohej si nga shqiptarët si nga gabelët, askush nuk e konsideronte festë gabele, por festë shqiptare.

Ndoshta ka dhe gjëra tjera që mund t'i kem harru pa i thanë, e meqenëse çështja kërkon më shumë informim të drejtëpërdrejtë nga ato që dimë e jo ndonjë referencë, sa dita aq thashë.