[LOJETARI]

Dardania 2007
"Kala e çmendurisë"
Kjo kështjellë ngjyrë gjaku, e ndërtuar mbi rrënjët e dëshirës së mbajturit gjallë mendimin shqip ,ka mbledh rreth veti mendje të shumta nga tërë rruzulli tokësor .Kështu vazhdoi edhe ky vit.
Si mbi një pëlhurë mëndafshi u derdhen përçdo ditë lava të tëra mendimesh ,epshesh ,zhgënjimesh ,hutimesh ,faljesh , lutjesh e urimesh duke qëndisur secila në formën e vet këtë pejzazh shkronjash të shumta .
Që nga çështjet madhore ,si puna e Zotit e deri te gjërat më qesharake se a më shumë kënaqet gishti apo veshi gjatë kruarjes së këtij të dytit, nuk u lanë pa u sjellë e rrotulluar herë në këtë anë ,e herë në atë anë ,nëpër mendjet e dardanëve .
Iu bënë procese historisë , e shpallëm fajtore për gjendjen e kombit tonë ,rregulluam e rirregulluam sistemin e ri shoqëror botëror ,dënuam profetët që nuk janë në anën tonë ,formuam qeverinë e re ende pa u mbajt zgjedhjet në Kosovë ,lëvizëm kufijtë e shteteve fqinje në favorin tonë sa herë bëhej vonë ,e a ta flinin ,zbuluam planete të reja , madje gati gjetëm edhe "Xhenetin" ,refuzuam çmimin Nobel sepse na dhimbsej Kadare ,
përshëndetëm njëri tjetrin në mënyrë maratonike ,kënduam e gatuam ,pimë kafe ,çaj , verë e lëngje tropikale ,derdhëm lotë mallëngjimi për antarët që iknin ,e të njëjtit i përshëndetnim të nesërmen duke u hapur dhomat e reja të stolisura me kiq oriental ,por që vinte nga zemra .
Kjo është kalaja jonë ,"kalaja e çmendurisë" ,Dardania .E cila muret i ka si membramë, po hyre nuk dole më .Dardania është pasqyrë reale e asaj se çka sillet nëpër kokat tona e nuk derdhet në realitet por ruhet me xhelozi për t`u shkarkuar në këtë faqe ,sepse këtu na pëlqen vetja më shumë .Këtu jemi të mbrojtur ,ndjehemi mirë ,s`kemi frikë as nga mendimet tona e as të tjerëve .
Uroj çaste të ëmbla për secilin edhe në 2008 .


Ps. për Jador ,
Koha nuk po më lejon më shumë ,ma ka marrë inati ,hahhaahahah