[MemphiSx]

Pse nuk ka pasur përpjekje më herët për t’u bërë bashkë, pra pas 30 dhjetorit të vitit 1996 dhe para 11 majit të vitit 1998...?!
Nuk dua t’i shmangem pyetjes, por mbase këtë pyetje është më mirë t’ia shtroni atyre ngase ata e kanë ditur se ku është adresa e UÇK-së, ndërsa unë nuk e kam ditur se ku është adresa e LKÇK-së...
A mos ka ndikuar “Çlirimi” i jashtëzakonshëm që ju të mos afroheni?!
Tek unë dhe te bashkëluftëtarët e mi “Çlirimi” i jashtëzakonshëm nuk ka pasur as ndikimin më të vogël. Kemi bërë punë të madhe që numri i “Çlirimi”-t të jashtëzakonshëm të mos ketë ndikim. Mua nuk më ka pëlqyer ajo që është shkruar në “Çlirimi”-n e jashtëzakonshëm.
Pse s’t’ka pëlqyer?
Nuk mund të them se është dënuar lufta e UÇK-së, por nuk është pranuar forma e veprimit të UÇK-së dhe është quajtur formë terroriste...
Ju mendoni se nuk ka qenë terroriste forma e veprimit të UÇK-së në fillim?!
Pse ju mendoni që ka qenë terroriste?
Unë po ju pyes juve: mendoni se nuk ka qenë terroriste forma e veprimit të UÇK-së në fillim?!
Të them të drejtën unë nuk kam nevojë ta arsyetoj se a ka qenë terroriste a jo. Objektivi i UÇK-së dhe forma e veprimit nuk ka pasur të bëjë asgjë me terrorizëm. Ti ndoshta nuk e kupton se çka do të thotë terrorizëm. Objektivi i UÇK-së kanë qenë forcat policore dhe ushtarake të Serbisë.
Objektivi ka qenë në rregull, por, s’mund të thuhet se edhe forma ka qenë në rregull...
Edhe forma ka qenë në rregull. Ma thuaj ti një veprim që s’ka qenë në rregull!
Ka pasur raste kur ju keni sulmuar objekte që e keni ditur se janë me civilë...
A është varrë ndonjë civil?!
Kjo nuk është me rëndësi! Me rëndësi është që ju keni sulmuar dhe ka mundur të vritet ndonjë civil...
Raste të tilla ka pasur! Në fakt, nuk ka pasur!
Për shembull, aksioni në shkollën e mesme të mjekësisë “Dr. Ali Sokoli” në Prishtinë, të cilin aksion UÇK-ja e ka marrë përsipër dhe dihet fare mirë se aty ka pasur vetëm civilë të nacionalitetit serb...
Ne e kemi marrë përsipër atë aksion dhe ne e kemi bërë atë aksion. Në oborr të shkollës nuk ka pasur asnjë njeri, pra bomba është hedhur në oborrin e shkollës dhe nëse iu kujtohet komunikata që ka nxjerrë UÇK-ja ka qenë një mesazh për kolonët serbë që janë kthyer nga një luftë në një luftë tjetër. Ky nuk ka qenë akt terrorist, por një manifestim politik. Këto gjëra ndodhin...
A e keni ditur ju që në atë objekt ka pasur vetëm civilë dhe a e keni ditur se në bazë të Konventës së Gjenevës të vitit 1949 nuk keni të drejtë të sulmoni në një objekt ku ka civilë...
Mua më ka interesuar liria ime. Dhe më ka interesuar që të përdor mjetet dhe format më të mira dhe prapëseprapë mendoj se e kemi bërë punën më të duhur. A është terrorizëm pse ata e kanë dëgjuar një krismë?
Ju e keni ditur se aty ka civilë dhe keni hedhur bombë! I keni shqetësuar! I keni terrorizuar!
Punë e madhe nëse janë shqetësuar! Ata njerëz kanë ardhur nga një luftë, pra nga Kroacia dhe Bosnjë Hercegovina dhe një krismë më shumë për ta nuk është asgjë.
Më e rëndësishme është liria jonë! S’ka rëndësi se a e terrorizojmë dikë për ta arritur lirinë?!
Po pra!