[4peace]

Postimi origjinal është bërë nga luckyman

I nderuar 4peace

me sa e di un "baba dimri" dhe "St.Nikllaus jane dy karaktere te ndryshme?!

baba dimri ekziston qe nga koha 300 p.e.s. perafersisht (ka prejardhje nga Turkija)

kurse St.Niklaus (Shen Kolli) ka qene shejt.!

tregomni nese e kome keq apo dallash

tung luckyman

luckyman,
Ka shumë gjëra lidhje me ‚babadimrin’. Ndokush kërkon e gjenë atë çka e dëshiron.

Unë mendoj që kjo traditë ende mbahet më së shumti nëpër vendet ish-komuniste, dhe ende nuk e kam të qartë me çka lidhet ai kur ‚babadimri’ lidhet me vitin e ri. Vet shprehja ‚babadimër’, siç e përdorim ne, rrjedh nga sërbishtja ose është e përkthyer (bukvalisht) nga sërbishtja, kurse serbët apo jugosllavët e kanë marrë nga rusët.

P.sh. këtu në Gjermani nuk ka ‚babadimër’ por Sankt Nikolaus, e që vishet si ‚babadimër’ (bardh e kuq mu sikurse logoja e ‚Coca-cola’-s). Kjo ditë ‚festohet’ më 6 dhjetor (ashtu ishte sivjet) kur ‚babadimri’ apo Nikollausi i viziton fëmijët… Më vonë s’ka, s’mund të hasësh më në ‚babadimra’ (me thes në shpinë apo me saj duke e tërhequr kaprronjtë). Pastaj festohen Krishtlindjet/Kërshëndellat. Më 24 dhjetor, kah mbrëmja, jipen dhuratat (quhet: „Bescherung“ në gjermanishte), sidomos fëmijëve, por dhe të vjetërve (sejcili i dhuron dikujt diçka). Pastaj, më 25 dhjetor është Krishtlindja, e që festohet kryesisht në gjirin e ngushtë familjar. Më 31 dhjetor apo natën ndërmjet 31 dhjetorit dhe 1 janarit festohet më shumë si ‚Silvester’(apo shën Vasili) se Viti i Ri. Dhe gjatë kësaj kohe nuk mund të ndeshësh askund në ‚babadimra’ a Nikollausa (siç është rasti tek ne në Kosovë e viset tjera shqiptare).

Prandaj, mua më duket më e përafërt ‚festimi’ lidhje me këto që i ceka më lart. E kjo ka të bëjë me katolikët. Ortodoksët, sipas kalendarit të tyre, po të njëjtat festa i festojnë për ca ditë më vonë. Për këtë arsye edhe tek ne është bërë traditë duke bërë pushimet e gjysmëvitit, e të cilat quhen edhe pushime të Vitit të Ri, e në fakt më shumë kanë të bëjnë me ‚fenë’ greko-ruso-serbe.


Pikërisht lidhje me këtë, para ca ditësh, e shikova një dokumentar. Aty tregohej për një ish teolog (tash ishte në penzion apo i pushuar nga ‚puna’), i cili luante rolin e ‚babadimrit’ gjat këtyre ditëve, duke i vizituar e dhuruar me peshqeshe fëmijët. Ai vet tha se kjo puna e ‚babadimrit’ është sajesë e firmës së njohur të pijeve freskuese ‚Coca-cola’. Prandaj, ky e kishte marrë mbi vete si obligim që të njëjtit fëmijë t’i vizitojë edhe më vonë, por tani i veshur si civil, si njeri i rëndomtë, me qëllim që atyre t’ua shlyejë nga mendja mitin mbi ‚babadimrin’/Nikolausin.


Prandaj edhe i shkrova shkresat e mija të mëparshme ashtu siç i shkrova: duke u bazuar në diçka, megjithëse kjo gjë mund të dëshmohet edhe në shumë mënyra tjera e me mjete tjera.


Çdo të mirë!



***