[4peace]

***

Për mos me shpenzuar shumë shkronja, lidhje me këtë temë i bashkangjitem (gati) plotësisht mendimit të „rilindja“-s. Po e them „(gati) plotësisht“ vetëm për nga mënyra e shprehjes së një mendimi. (Dihet dhe duhet edhe të jet ashtu që sejcili të shprehet ashtu siç di – origjinal). Kurse për nga mendimi jam i njëjtë me atë që e ka thënë „rilindja“.
Për mua nuk luan kurrfarë roli n’cilin vend të listës jam, qoftë ajo listë e zezë apo e bardhë. Sepse nuk më intereson fort… (sikur „kënga“ e mëposhtme)

A ju intereson se cfare mendojne te tjeret per ju ?!
http://www.dardania.de/vb/upload/showthread.php?t=23768

Pra, pyetjes : „A ju intereson se cfare mendojne te tjeret per ju ?!“
Do t’i isha përgjigjur me „Jo. Aspak“.

Pse? Sepse në forum nuk ndjej konkurrencë. Madje nga as njëra anë. D.m.th. se as nuk e shoh ndokënd për konkurrent timin, në njërë anë, dhe as nuk dua t’i bëj konkurrencë dikujt. Dhe, meqë është kështu, nuk më interesojnë (top) listat e tilla.


Sipas këndvështrimit tim ka mjaft anëtarë (së bashku me moderatorë) të shkëlqyer por edhe aq të ndryshëm në stil, në shprehje e mendime sa që është e pamundur të bësh krahasime dhe mirë që është kështu. Gjë që do ta kishte vështirësuar pa masë vendosjen e kriterieve përmjet të cilave do të mund të bëhej përzgjedhja sa më e drejtë e më të mirit. Fundja, sipas mendimit tim, çdonjëri është më i miri në mënyrën e vet. Për mua personalisht më të mirët do t’i kisha veçuar vetëm përnga origjinaliteti (parimi”be what you are”) i tyre, pa marrë parasysh sa e si dijnë e duan të shprehen. Në fund të listës i kisha vendosur ata që mendojnë me tru të huaj – imitojnë. Kurse të këtillë, për fat të keq, ka shumë.

Sa më përket mua personalisht, rezultati është diku rreth 20-30:1. Kjo don të thotë që në forum 20 deri 30 hise lexoj, kurse një hise të vetme e përdori për të shkruajtur. Kurse, kohëve të fundit shkruaj vetëm në forme intervenimi, kur, siç thuhet, “nuk më durohet dot të përmbahem”. Kurse rastet e tilla janë kryesisht kur dikush e ka thënë/cituar një gjë që shkon në drejtim krejt të gabuar nga ajo që ka dashur ta thojë/shprehë. Unë jam më se i vetëdijshëm se intervenimet e tilla tingëllojnë ashpër, vrazhdtë. Pa emocione. Dikujt ato i duken si këshillë e mirë (shumë rrallë) e dikujt si sharje, shprehje arrogante/mendjemadhësie/groteskle/sarkastike (shumicës). Mirëpo, ata që më njohin (jan shumë pak) e dijnë se jam i butë, tolerant e krejt ndryshe nga ajo që iu kam lënë përshtypjen shumicës.

Ajo çka është më kryesore dhe që më brengosë më së shumti është energjia tejet negative e cila mbretëron nëpër forumet shqiptare, ku nuk bën përjashtim as dardania.de. Jam munduar ta luftoj këtë gjë por, meqë zëri im dhe i atyre pak të tjerëve të ngarkuar me energji (më) pozitive është shumë i vogël, ashtuqë edhe ndjehem i detyruar t’i përmbahem parimit “budallës lëshoja udhën”.


Gjithsejcili nga ne, duke filluar prej atij më negativit (të errëtit) e deri te ai më pozitivi, si krijesa të Zotit posedon njëfarë shkalle drite (‘nur’-i), diçka që përmban në vetvehte hyjnoren e që është dhe virtyt. Gjithsejcili nga ne posedom me “djallëzore” (jovirtyte) dhe me hyjnore (virtyte). Jovirtyti (ana negative e një njeriu), nëse punohet në atë drejtim, mund të shndërrohet në virtyt. Për këtë duhet të jet në dijeni çdonjëri, ashtuqë të mos mendojë dikush se s’mund ta përballojë të keqen, s’mund ta mposhtë “djallëzoren”. Lypset vetëm vullnet e (pak më shumë vet-) disciplinë.


Gjitha të mirat!

***