[legenda]

Sejdiu e Thaçi kërkojnë njohjen e Kosovës





Prishtinë,
18 shkurt


Presidenti i Kosovës, Fatmir Sejdiu së bashku me me kryeministrin Hashim Thaçi i kanë dërguar shkresa për njohje të pavarësisë nga shtete të tjera të botës dhe se pritet së shpejti të fillojnë njohjet ndërkombëtare për Kosovën shtet të pavarur e sovran.


Kështu tha sot kryeministri Thaçi gjatë mbledhjes së parë të Qeverisë së Kosovës pas shpalljes së pavarësisë së vendit si shtet demokratik dhe sovran. Ai tha se janë vetëm çështje minutash dhe orësh, ku shumë shtete të botës do të fillojnë njohjen e shtetit më të ri në Botë Kosovës. Kryeministri Thaçi falënderoi të gjithë qytetarët e vendit për një festim dinjitoz të kësaj dite, për mirëkuptimin për shpalljen e pavarësisë së Kosovës. "Populli ka festuar me dinjitet e krenari dhe ky është mesazh shumë i mirë për botën, ku nga sot Kosova është pjesë e botës demokratike", theksoi Thaçi. Ai tha se mesazhe urimi për shpalljen e pavarësisë kanë marrë nga shumë presidentë të botës, kryeministrave dhe tanimë pritet veç njohja në minutat dhe orët në vijim. "Sot është dita e parë e punës pas pavarësisë së Kosovës dhe kërkoj nga ju ministra menjëherë angazhim dhe përgjegjësi shtetërore",

.....


QIK