[lirik]

--------------------------------------------------------------------------------

Ambasadori rus në NATO ngre tensionin. Serbët, protestë e dhunshme në Mitrovicë


Pas sulmeve serbe në ambasadat perëndimore në Beograd, Moska jo vetëm që nuk është distancuar, por ka shkuar edhe më tej, duke kërcënuar SHBA-të dhe vendet e Bashkimit Evropian. "Rusia mund të përdorë forcën nëse NATO-ja ose Bashkimi Evropian sfidon Kombet e Bashkuara rreth Kosovës, deklaroi i dërguari rus në NATO. "Nëse BE-ja punon jashtë qëndrimit të përbashkët, apo nëse NATO-ja thyen mandatin e vet në Kosovë, këto organizata do të jenë në konflikt me Kombet e Bashkuara", tha Dimitri Rogozin nga Brukseli. "Ne gjithashtu do të na duhet të veprojmë në mënyrë që rregulli të respektohet - do të përdorim dhe forcën e armatosur", tha Rogozin.

Mitrovicë

Ishte paralajmëruar se protesta e së premtes në Mitrovicë do të kishte së paku 10 mijë veta, por autobusët plot me serbë të ndalur nëpër pikat kufitare e kanë rrudhur shumë këtë shifër. Një vlerësim i KFOR-it numëronte pak më shumë se 2000 vetë. Por edhe pse jo shumë në numër, agresiviteti i tyre ishte shumë i lartë. Me xhepa të mbushur me gurë dhe shashka, ata kanë marshuar në rrugën kryesore të qytetit dhe i janë afruar urës. Me dhjetëra trupa speciale të pajisur me mburoja dhe skafandra, i prisnin aty por nuk iu është dashur të ndërhyjnë asnjë çast, pavarësisht provokimeve me mjete plasëse. Serbët kanë hedhur shashka te këmbët e policëve, për të rritur tensionin, ndërsa dy helikopterë të KFOR-it kanë vëzhguar nga lart. Me këngë nacionaliste që ju këndojnë luftërave në Bosnjë dhe Kroaci, por edhe miteve, serbët edhe në këtë protestë të mllefosur deklaruan se Kosova është zemra e Serbisë dhe se nuk e japin Kosovën. Policia ka vlerësuar se ata kanë qenë më të rrezikshëm se të gjitha ditët e tjera, prandaj i kanë larguar edhe mediat prej tyre. Protesta nuk u zhvillua në orën 12:44, një orë e zgjedhur në mënyrë simbolike që nënkupton respektimin e rezolutës 1244 për Kosovën. Policia e UNMIK-ut dhe KFOR-i vendosën të mos lejojnë hyrjen ne Kosovë të qytetarëve serbë, të cilët kishin për qëllim pjesëmarrjen në protesta. Zëdhënësi i SHPK-së, Veton Elshani, tha se disa makina me serbë në pikën kufitare të Merdarës nuk u lejuan të futen në territorin e Kosovës. "Duke filluar nga ora 22:00 e së enjtes portat kufitare 1, 3, 4, dhe 31 janë urdhëruar që të kontrollojnë dhe bastisin të gjithë personat, automjetet e veçanërisht autobusët, të cilët hyjnë në territorin e Kosovës nga ana e Serbisë", tha Elshani. Disa dhjetëra vetë udhëtuan në këmbë nga Leposaviqi dhe iu bashkëngjitën protestuesve të mllefosur. Nga ana tjetër, edhe trupat e TMK-së ishin vendosur rreth 100 metra larg urës dhe nuk kanë lejuar qarkullimin e shqiptarëve drejt saj. Ndërkohë, gjykatësit shqiptarë as të premten nuk kanë mundur të shkojnë të punojnë në veri. Kryetari i Komunës së Mitrovicës, Bajram Rexhepi, ka takuar punonjësit e gjykatës që kanë dashur të shkojnë në punë dhe i ka bindur që të kthehen në shtëpi derisa të krijohen kushtet e sigurisë. "Dje është atakuar gjyqi nga punëtorët e gjykatave paralele serbe, me qëllim që në objektet e gjykatave kosovare të vendoset departamenti i gjyqit serb, por nuk është lejuar nga forcat e UNMIK-ut dhe KFOR-it", tha Rexhepi. Sipas tij, këtyre strukturave ju është bërë thirrje që t‘i mbrojnë me çdo kusht gjykatat dhe burgun, të cilat gjenden në veri të qytetit. Ndërkohë sipas burimeve të "Shqip", të enjten në darkë është sulmuar burgu i Mitrovicës, ndërsa gardianët serbë kanë rrahur për vdekje një të burgosur shqiptar. Serbët kanë deklaruar se do të zhvillojnë protesta deri më 17 mars.

Shqip
__________________

Rusija kercnohet me ndërhyrje ushtarake në kosovë




Ky artikull i shkruar ne nji forum nga nji forumiste shqiptarë që un e huazova per kët temë me bëri te mendoj se sa larg shkon rusija ne kercnime dhe se me qfar rreziqesh luan me qfar zjarri prandj nuk po ekzagjeroj por ehapa ket temë që do ta vazhdojnë shum mendimtarë tema do te pasurohet
secili do te shpreh mendimin e tij dhe pikrisht kto kercnime te vazhdueshme te rusisë më bëjnë
te mndohem se ku ekan mbeshtetjen si guxon rusia te mendoj nderhyrjen ushtarake ne kosovë kur dihen pasojat e kaj aventure katastrofale
nuk ekzagjerova por thash nji te vertetë dhe nuk ësht vetem ky artikull por ka sa te duash ku rusija vazhdimisht kercnon
prandaj ehapa ket temë me kend llogarit ajo kur thot europa dhe perendimi do te ballafaqihet me kombet e bashkuara deri edhe ushtarakisht ajo vazdhmimisht po kercnon ne te gjitha format un nuk di a jan reklama te sajë apo e ka seriozisht