[Linka_pz]

Miratohet ky Veprim i përbashkët

Neni 1

Misioni
1. BE-ja me këtë rast e themelon misionin e BE-së për sundimin e Ligjit në Kosovë (EULEX) (në tekstin e mëtutjeshëm EULEX Kosovë)
2. EULEX Kosovë do të veprojë në përputhje me Deklaratën e misionit të shprehur në nenin 2 dhe do të kryejë detyra sipas nenit 3.

Neni 2

Deklarata e misionit
EULEX Kosovës do t’iu ndihmojë institucioneve të Kosovës, autoriteteve gjyqësore dhe agjencive për zbatimin e ligjit në përparimin e tyre drejt stabilitetit dhe besueshmërisë në zhvillimet e mëtutjeshme dhe forcimin e sistemit multietnik të drejtësisë, të policisë, të doganës, duke siguruar se këto institucione nuk do të ndikohen politikisht dhe do t’u nënshtrohen standardeve të pranuara ndërkombëtarisht dhe praktikave më të mira evropiane.
EULEX Kosovë, në bashkëpunim të plotë me programet e asistencës të Komisionit Evropian, do ta përmbushë mandatin e tij nëpërmjet monitorimit, këshillimit dhe udhëzimit, duke realizuar edhe disa përgjegjësi të caktuara ekzekutive.

Neni 3

Detyrat
Me qëllim të përmbushjes së Deklaratës së misionit të përcaktuar në nenin 2, EULEX Kosovë do të:
(a) monitorojë, këshillojë e udhëzojë institucionet kompetente kosovare në të gjitha sferat që kanë të bëjnë me sundimin e ligjit (përfshirë shërbimin doganor), ndërsa merr edhe disa përgjegjësi të caktuara ekzekutive;
(b) të sigurojë zbatimin dhe promovimin e sundimit të ligjit, të rendit publik dhe të sigurisë, sipas nevojës, në konsultim me autoritetet relevante civile ndërkombëtare në Kosovës, nëpërmjet kthimit ose anulimit të vendimeve operacionale të marra nga autoritetet kompetente të Kosovës;
(c) të ndihmojë për të siguruar se të gjitha shërbimet e sundimit të ligjit të Kosovës, përfshirë shërbimet doganore, mbahen larg ndikimeve politike;
(ç) ndihmojë që rastet e krimeve të luftës, të terrorizmit, të krimit të organizuar, të korrupsionit, të krimeve ndëretnike, të krimeve financiare/ekonomike dhe të krimeve të tjera serioze të hetohen si duhet, përfshirë, aty ku është e nevojshme, të ketë ndjekje në bazë të ligjeve në fuqi, përfshirë, edhe nga hetues ndërkombëtarë, prokurorë dhe gjykatës ndërkombëtarë që punojnë bashkë me hetues, prokurorë e gjykatës kosovarë dhe të merren masa, përfshirë, kur është e nevojshme, edhe krijimin e bashkëpunimit dhe koordinimit të strukturave ndërmjet autoriteteve policore dhe atyre persekutuese;
(d) kontribuojë për forcimin e bashkëpunimit dhe koordinimin nëpër mbarë procesin juridik, sidomos në sferën e krimit të organizuar.
(dh) kontribuojë luftës kundër korrupsionit, mashtrimit dhe krimit financiar;
(e) kontribuojë zbatimit të Strategjisë antikorrupsion të Kosovës dhe Planit të veprimit antikorrupsion.
(ë) parashohë përgjegjësi të tjera, qoftë ndarazi, qoftë në bashkëpunim me autoritetet kompetente të Kosovës, për të siguruar mbajtjen dhe promovimin e sundimit të ligjit, të rendit publik dhe sigurisë, në konsultim me agjencitë relevante të Këshillit; dhe
(f) të bëjë të mundur të gjitha aktivitetet e tij të respektojnë standardet ndërkombëtare lidhur me të drejtat e njeriut dhe barazinë gjinore.

Neni 4

Faza e planifikimit dhe e përgatitjes

1. Gjatë fazës së planifikimit dhe të përgatitjes së misionit, EUPT Kosovë do të veprojë si element kryesor i planifikimit dhe përgatitjes së EULEX Kosovës. Shefi i EUPT Kosovë do të veprojë nën autoritet të kreut të EULEX Kosovës (në tekstin e mëtutjeshëm ‘shefi i misionit’).
2. Vlerësimi i rrezikut i realizuar në kuadër të procesit të planifikimit, do të rishikohet rregullisht.
3. EUPT Kosovë do të jetë përgjegjës për rekrutimin dhe zbarkimin e kuadrimit dhe të pajisjeve të prokurimit, të shërbimeve dhe premisave të synuara për EULEX Kosovë, financuar nga buxheti i EUPT Kosovë.
4. EUPT Kosovë do të jetë përgjegjës për përpilimin e Planit të veprimit (OPLAN) dhe të zhvillimit të instrumenteve teknike të domosdoshme për zbatimin e mandatit të EULEX Kosovë. OPLANI do të marrë parasysh rrezikun e vlerësimit dhe do të përfshijë një plan sigurie. Këshilli do ta miratojë OPLAN-in.

Neni 5

Periudha e fillimit dhe e transicionit

1. Vendimi për ta nisur EULEX Kosovën do të merret nga Këshilli, posa të aprovohet OPLAN-i. Faza operative e EULEX Kosovës do të nisë me bartjen e autoritetit nga UNMIK-u.
2. Gjatë periudhës transitore, shefi i misionit mund ta prijë EUPT Kosovën për të ndërmarrë aktivitetet e domosdoshme që EULEX Kosova të jetë plotësisht operacionale në ditën e bartjes së autoritetit.

Neni 6

Struktura e EULEX Kosovës

1. EULEX Kosova do të jetë një mision i njësuar i ESDP-së përgjatë gjithë Kosovës.
2. EULEX Kosovë do të themelojë:
(a) shtabin kryesor në Prishtinë
(b) zyrat rajonale dhe lokale nëpër Kosovë
(c) elementet mbështetëse në Bruksel
(ç) zyrat e ndërlidhjes, sipas nevojës
3. Duke qenë subjekt i aranzhimeve të detajuara në OPLAN, EULEX Kosovë do të jetë i strukturuar kësisoj:
(a) Shefi i Misionit dhe kuadri, sipas OPLAN-it,
(b) komponenta policore, e vendosur në bashkëveprim me SHPK-në, përfshirë pikat e kalimeve kufitare
(c) komponentët gjyqësore, të vendosur në bashkëveprim me ministritë përkatëse, gjyqësinë e Kosovës, Agjencinë Kosovare të Pronës dhe Shërbimin Korrektues të Kosovës; dhe
(ç) komponentët doganore, të vendosur në bashkëveprim me Shërbimin Doganor të Kosovës.

Neni 7

Drejtuesi i Operacionit Civil

1. Drejtori i Kapaciteteve të Administrimit dhe të Planifikimit Civil (CPCC) do të jetë drejtues i operacionit civil për EULEX Kosovë.
2. Drejtues i Operacionit Civil, nën kontroll politik dhe drejtim strategjik të Komitetit të Sigurisë dhe Politikës (PSC) si dhe nën autoritetin e përgjithshëm të SP/PL do të zbatojë komandën dhe kontrollin e EULEX Kosovë në nivelin strategjik.
3. Drejtuesi i Operacionit Civil do të mundësojë zbatimin e duhur dhe të efektshëm të vendimeve të Këshillit, si dhe të vendimeve të PSC-së, përfshirë instruksionet në nivelin strategjik me kërkesë të shefit të Misionit dhe sigurimin e këshillave dhe mbështetjes teknike.
4. I tërë kuadri dytësor mbetet nën komandën e plotë të autoriteteve nacionale të shtetit mbështetës ose të institucionit të BE-së të përfshirë. Autoritetet nacionale do t’ia transferojnë kontrollin operacional (OPCON) personelit të vet, ekipeve dhe njësive të Drejtuesit të Operacionit Civil.
5. Drejtuesi i Operacionit Civil do të ketë përgjegjësi gjithëpërfshirëse për të siguruar se BE-së do t’i shkarkohet barra e kujdesit.
6. Drejtuesi i Operacionit Civil dhe përfaqësuesi i posaçëm i BE-së do të konsultohen mes vete.