[Linka_pz]

Shefi i Misionit
1. Shefi i Misionit do ta marrë përgjegjësinë dhe do ta ushtrojë komandën dhe kontrollin e EULEX Kosovë në terren.
2. Shefi i Misionit do të ketë komandën dhe kontrollin mbi personelin, ekipet dhe njësitë nga shtetet kontribuuese të emëruar nga Drejtuesi i Operacionit Civil tok me përgjegjësitë administrative dhe logjike, përfshirë, asetet, burimet dhe informacionet që janë në dispozicion të EULEX Kosovë. Ushtrimi i një komande dhe kontrolli të tillë do të bëhet pa paragjykime, mbështetur në parimet e pavarësisë së gjyqësisë dhe në autonominë e prokurorisë, kur merren parasysh shkarkimet e barrës së gjyqësisë së gjykatësve dhe të prokurorëve të EULEX Kosovë.
3. |Shefi i Misionit do ta instruktojë gjithë kuadrin e EULEX Kosovës, përfshirë edhe elementet mbështetëse në Bruksel, për zbatim të efektshëm të EULEX Kosovë në terren, duke pasur parasysh bashkërendimin e saj dhe menaxhimin në baza ditore, si dhe përcjelljen e instruksioneve në rrafshin strategjik të drejtuesit të operacionit civil.
4. Deri në skadimin e Veprimit të përbashkët 2006/304/CFSP, shefi i Misionit, do ta ketë mbështetjen e EUPT Kosovës, të themeluar për këtë qëllim.
5. Shefi i Misionit do të jetë përgjegjës për zbatimin e buxhetit të EULEX Kosovës. Për këtë synim, shefi i Misionit do ta nënshkruajë një kontratë me Komisionin.
6. Shefi i Misionit do të jetë përgjegjës për kontrollin disiplinar lidhur me kuadrin. Për kuadrin mbështetës, veprimet disiplinare do ta zbatohen në bazë të autoriteteve shtetërore përkatëse ose të BE-së.
7. Shefi i Misionit do ta përfaqësojë EULEX Kosovë në operacionet në rajon dhe do të mundësojë vizibilitet adekuat të EULEX Kosovës.
8. Shefi i Misionit do të bashkërendohet, sipas nevojës, me akterët e tjerë të BE-së në terren. Shefi i Misionit, pa paragjykime për zinxhirin komandues, do të marrë udhëzime lokale politike nga përfaqësuesi i posaçëm i BE-së, përfshirë edhe ato lidhur me aspektet politike të çështjeve që kanë të bëjnë me përgjegjësitë ekzekutive.
9. Shefi i Misionit do të sigurojë që EULEX Kosovë të punojë për së afërmi dhe të bashkërendohet me autoritetet kompetente të Kosovës, si dhe me akterët relevantë ndërkombëtarë, sipas nevojës, përfshirë NATO/KFOR-in, UNMIK-un, OSBE-në, shtetet e treta të përfshira në sundimin e ligjit në Kosovë dhe në Zyrën Civile Ndërkombëtare.
10. Nën përgjegjësinë e drejtpërdrejtë të shefit të Misionit, funksionimi i kontrollit të brendshëm ligjor dhe financiar do të realizohet nga personeli, pavarësisht nga kuadri përgjegjës për administrimin e EULEX Kosovë.

Neni 9

Kuadri
1. Numrat dhe kompetencat e kuadrit të EULEX Kosovë do të jetë konsistentë me Deklaratën e Misionit të përmendur në nenin 2 dhe detyrat nga neni 3, si dhe struktura e përcaktuar në nenin 6.
2. EULEX Kosovë do të përbëhet nga një kuadër i siguruar nga shtetet anëtare ose nga institucionet e BE-së. Secili shtet anëtar ose institucion i BE-së do t’i bartë shpenzimet që lidhen me kuadrin e përzgjedhur prej tij, përfshirë shpenzimet e udhëtimit deri në vend, pagat, sigurimet shëndetësore dhe honorarët pos për dëmeve dhe pagesës së rrezikut.
3. EULEX Kosovë do të rekrutojë, sipas nevojës, kuadër ndërkombëtar dhe kuadër lokal me kontratë.
4. Shtetet e treta, po ashtu, sipas nevojës, do të sigurojë kuadër për EULEX Kosovë. Secili shtet që siguron kuadër do t’i bartë shpenzimet e udhëtimit deri në vend, të pagave, sigurimet shëndetësore dhe honorarët. Si përjashtim, në rastet e arsyeshme, kur nuk ka aplikacione të kualifikuara nga shtetet anëtare, shtetas të shteteve të treta mund të rekrutohen me kontratë, në bazë të nevojës.
5. I tërë kuadri do të jetë i pajtuar nga standardet e misionit dhe nga plani i sigurisë i misionit që mbështet politikën e sigurisë së BE-së në terren. Lidhur me mbrojtjen e sekreteve të BE-së që paraqiten në kuadër të detyrave, kuadri do të duhet t’i respektojë parimet e sigurisë dhe standardet minimale të përcaktuara nga Vendimi 2001/264/EC.

Neni 10

Statusi i EULEX-it dhe stafit të tij
1. Marrëveshja për statusin e EULEX Kosovë dhe stafin e tij, përfshirë privilegjet, imunitetet dhe garancitë e mëtejme të domosdoshme për kompletim dhe funksionim të lehtë të EULEX-Kosovë, do të arrihet ashtu siç është përcaktuar.
2. Shteti ose institucionet e BE-së që kanë rekrutuar kuadër do të jenë përgjegjës për t’iu përgjigjur çfarëdo pohimi, që ka të bëjë me punësimin, që vjen apo ka të bëjë me anëtarin e personelit. Shteti apo institucioni i BE-së do të jetë përgjegjës për të ndërmarrë çfarëdo veprimi kundër personit të punësuar.
3. Kushtet e punësimit, të drejtat dhe obligimet e personelit civil ndërkombëtar apo lokal do të parashtrohen në kontratën ndërmjet shefit të Misionit dhe anëtarëve të personelit.

Neni 11

Zinxhiri komandues
1. EULEX KOSOVË do të ketë zinxhir të përbashkët komandimi, si operacion i menaxhimit të krizës.
2. Në përgjegjësi të Këshillit, PSC-ja do të ushtrojë kontroll politik dhe drejtim strategjik të EULEX Kosovë
3. Ashtu siç është parashtruar në nenin 7 Drejtuesi i Operacionit Civil, nën kontroll politik dhe drejtim strategjik të PSC-së dhe autoritetit të përgjithshëm të SP/PL do të jetë komandanti i EULEX Kosovë në nivel strategjik dhe si i tillë, do ta njoftojë shefin e Misionit me instruksione, këshilla dhe përkrahje teknike.

4. Drejtuesi i Operacionit Civil do t’i raportojë Këshillit nëpërmjet SP/PL.
5. Shefi i Misionit do të ushtrojë komandim dhe kontroll të EULEX Kosovë në nivel terreni dhe drejtpërsëdrejti do t’i japë përgjegjësi Drejtuesit të Operacionit Civil.
Neni 12
Kontrolli politik dhe drejtimi strategjik
1. Në përgjegjësi të Këshillit PSC do të ushtrojë kontroll politik dhe drejtim strategjik të EULEX- Kosovë.
2. Nga kjo Këshilli e autorizon PSC-në që të ndërmarrë vendime relevante për këtë qëllim, në pajtim me paragrafin e tretë të nenit 25 të Traktatit. Ky autorizim do të përfshijë fuqitë e ndryshimit të OPLAN-it dhe zinxhirit komandues. Po ashtu do të përfshijë fuqitë e marrjes së vendimeve pasuese që kanë të bëjnë me emërimin e shefit të Misionit. Me rekomandimin e SP/PL, Këshilli do të vendosë për objektivat dhe përfundimin e EULEX Kosovë
3. PSC-ja do t’i raportojë Këshillit në intervale të rregullta.
4. PSC-ja do të marrë raporte të rregullta dhe sipas nevojës nga Drejtuesi Civil i Operimit dhe shefi i Misionit për çështjet brenda fushës së përgjegjësisë. Planifikimi për fushat e posaçme mund të rishikohet rregullisht nga PSC-ja.

Neni 13

Pjesëmarrja e Shteteve të treta
1. Pa paragjykim rreth vendimit – në bërjen e autonomisë së BE-së dhe kornizës së saj të vetme institucionale, Shtetet e treta mund të ftohen që t’i kontribuojnë EULEX Kosovë po qe se i bartin vetë shpenzimet e personelit të angazhuar nga ata, duke përfshirë pagat, reprezentacionin dhe shpenzimet e udhëtimit nga dhe prej arenës së veprimit, dhe të kontribuojnë në shpenzimet e vazhdueshme të EULEX Kosovë, siç është përcaktuar.
2. Duke kontribuar për EULEX Kosovë, Shtetet e treta do t’i kenë të drejtat dhe obligimet e njëjta të menaxhimit prej ditës në ditë të EULEX Kosovë, sikurse shtetet anëtare që marrin pjesë në të.
3. . Nga kjo Këshilli autorizon PSC-në që të marrë vendime relevante në pranimin ose në rastin e kundërt të kontributeve të propozuara si edhe në themelimin e Komitetit të Kontribuuesve.
4. Marrëveshjet e detajuara që kanë të bëjnë më pjesëmarrjen e Shteteve të treta do të parashtrohen në një marrëveshje që do të vendoset në pajtim me nenin 24 të Traktatit. Duke i ndihmuar Presidencës SP/PL mund ta negociojë marrëveshjet në emër të saj. Kur BE-ja dhe Shteti i tretë vendosin marrëveshjen që përcakton kornizën e pjesëmarrjes së një Shteti të tretë në operacionet e BE-së të menaxhimit të krizës, dispozitat e marrëveshjes së tillë duhet të aplikohen në kontekst të EULEX Kosovë.
5.

Neni 14

Siguria
1. Komandanti Civil i Veprimit do të udhëheqë planet e shefit të Misionit për masat e sigurisë dhe të sigurojë implementimin e tyre adekuat dhe efektiv për EULEX Kosovë në pajtim me nenet 7 dhe 11 dhe në koordinim me Zyrën e sigurisë së sekretariatit të përgjithshëm të Këshillit.
2. Shefi i Misionit do të jetë përgjegjës për sigurinë e veprimit dhe për të siguruar bashkëpunim me kërkesa minimale të sigurisë të aplikueshme në operacion, në vijë me politikën e BE-së në sigurinë e personelit të vendosur jashtë BE-së në kapacitetet veprimi nën kapitullin V të Traktatit dhe instrumenteve të tij përkrahëse.
3. Shefi i Misionit do të ndihmohet nga Zyrtari i Lartë për Siguri të Misionit (ZLSM) i cili do të raportojë tek shefi i Misionit dhe po ashtu do të mbajë marrëdhënie të afërta dhe funksionale me Zyrën e sigurisë të përmendur në paragrafin 1.
4. Shefi i Misionit do të emërojë Zyrtarët rajonalë të sigurimit në lokacionet rajonale dhe lokale të EULEX Kosovë, të cilët nën autoritetin e ZLSM-së do të jetë përgjegjës për menaxhimin ditë për ditë të të gjitha aspekteve të sigurisë të elementeve përkatëse të EULEX Kosovë.
5. Stafi i EULEX-it Kosovë do të bëjë trajnimet përkatëse të sigurisë para apo pas marrjes së detyrave në pajtim me OPLAN. Ata po ashtu rregullisht do të bëjnë trajnime me honorar në terren që organizohen nga ZLSM dhe Zyrtarët rajonalë të sigurisë.
6. Shefi i Misionit duhet të sigurojë se numrat e stafit prezent të EULEX Kosovë dhe të vizitorëve të autorizuar kurrë nuk tejkalojnë mundësitë e EULEX Kosovë për t’u ofruar sigurinë apo të menaxhimit të evakuimit të tyre në situatë emergjente.
7. Shefi i Misionit do të sigurojë mbrojtjen e informatave të klasifikuara të BE-së në pajtim me Vendimin 2001/264/EC.