[Mendjen]

Po sulmet vetëvrasëse


E çka tash lidhur me sulmet vetëvrasëse; a janë edhe këto pjesë të xhihadit në rrugën e Allahut? Nga ajo që është thenë më lartë nxirret përfundimi se kjo nuk është formë e besimit. Sidoqoftë, fatkeqësisht shumë muslimanë i kanë marrë sulmet vetëvrasëse si akte virtuoze të cilat meritokan shpërblim. Profeti ka thenë : Ai që e tepron me ekstremizëm do të shkatërrohet. Sulmet vetëvrasëse pa dyshim janë ekstremitet që ka prekur disa muslimanë. Fatkeqësisht disa muslimanë (të pa udhëzuar) sot besojnë se akte të tilla e përgatisin rrugën për ringjalljen dhe rikthimin në ligjet madhështore të Islamit.

Profeti i Allahut ka thenë: Atë që e vret veten e tij me çkado qoftë Allahu do ta dënojë me zjarrin e Xhehnemit.

Disa kanë koncepte të gabuara se duke e vrarë dikush veten për qëllime Islamike, gjoja ai po bëka një vepër që meriton Parajsën. Një herë kur një njeri e vrau veten , Profeti tha: Ai është banor i Ferrit’. Kur njerëzit u befasuan nga kjo Profeti tha: ‘Dikush bën vepra që cilat në sytë e njerëzve të tjerë duken sikur vepra që e meritojnë Parajsën, por në të vërtetë ai është banor i Ferrit’.

Marrja e jetës vetvetes të cilën Allahu e ka dhënë në besë është mëkat i madh. Poashtu marrja e jetës së të tjerëve (gjë që është aq e shpeshtë në rastin e sulmeve vetëvrasëse) është poashtu e ndaluar për arsye se jeta njerëzore është me të vërtetë shumë e vlefshme:(5:32)

“… kush mbyt një njeri, pa mbytur ai ndonjë tjatër dhe pa bërë ai ndonjë shkatërrim në tokë, atëherë (krimi i tij) është si t’i kishte mbytur gjithë njerëzit. E kush e ngjall (bëhet shkak që të jetë ai gjallë) është si t’i kishte ngjallur (shpëtuar) të gjithë njerëzit.“

Kështuqë të gjitha llojet e ekstremizmave si marrja peng, vendosja e bombave në vende publike etj janë qartë të ndaluara në Islam.