[sherri]

Përshëndetje,
Kjo temë vie duke marrë shkas nga kriza që kohëve të fundit ka "pllakosur" ekonominë botërore - sidomos rritjen stratosferike të çmimeve të artikujve ushqimorë, pakësimin e rezervave të ushqimit, tronditjes së sistemit bankar në nivel global - krizën ekonomike në shkallë botërore në përgjithësi, që sipas expertëve ekonomik si pasojë sigurisht do të ketë vrasjet masive të popullsisë - sidomos të rajoneve të varfëra!
Vrasësi: uria dhe luftërat për rezervat (burimet) e ushqimit.

E kam shkruar në titull të temës "Edhe njëherë", sepse prej kohës (1798) kur ka dalë në dritë kjo teoria e Tomas Maltusit, vazhdimisht është hudhur poshtë por gjithmonë është kthyer e rikthyer si temë kryesore në qarqet e expertëve të politikës ekonomike (edhe ekonomisë politike).
Tomas Maltusi njihet si një Socialfilozof britanik, nacionalekonomist, Profesor i Historisë dhe i Ekonomisë Politike.
Në qendër të mendimeve të tij për zhvillimin ekonomik dhe shoqëror qëndron problemi i Mbipopullimit.
Në librin e tij "Principet e Popullsisë", Maltusi thotë se popullsia rritet në formën eksponenciale, kurse rezervat e ushqimit dhe prodhimit rriten në formën lineare.
Forma eksponenciale ndryshe quhet edhe progresion gjeometrik: në këtë rast rritja është psh: 1, 2, 4, 8, 16, 32, 64, 128... pra secila shifër e ardhshme dyfishohet,
kurse forma lineare ndryshe quhet edhe progresino aritmetik: ku rritja është psh: 1, 2, 3, 4, 5, 6...
Nëse një çift bashkëshortor ka 4 fëmijë, atëherë mundësia është që këta fëmijë të krijojnë edhe secili nga katër çifte të tjera, prej tyre pastaj secili poaq të tjera e kështu me radhë...
Në popullsi poashtu ekziston anektoda sipas së cilës: kur mbreti kishte pyetur këshilltarin e vet se çka kërkonte si shpërblim për shërbimin e tij, ai iu kishte përgjigjur se kërkon vetëm një kokërr gruri me kusht që çdo ditë të merrte dyfishin e sasisë së grurit që merrte. Mbretit iu kishte dukur kërkesë e thjeshtë dhe menjëherë kishte pranuar. Dmth në ditën e parë këshilltari mori 1 kokërr grurë, në ditën e dytë 2 kokrra, në të tretën 4, pastaj 8, 16... sipas anektodës, në ditën e 28-të ishin zbrazur të gjithë hambarët e mbretërisë...
Pra në këtë progresion dhe shpejtësi rritet edhe numri i popullsisë në botë.
Në krahasim me këtë rritja ekonimike as që mund të krahasohet sepse është tepër më e vështirë dhe më e ngadalshme.
...nejse, për të mos "torturuar" më tepër me këto shifra ata që e njohin këtë teori... desha të cek shumë shkurt edhe ato që Maltusi kishtë dhenë si "zgjidhje" të problemit të mbijetesës. Pra zgjidhja e vetme sipas tij ishte "ndalja e rritjes së popullsisë", kjo do të arrihej, përmes luftërave, krizave të thella, epidemive, politikave të organizimit të familjes... si dhe shumë forma të tjera ("jonjerëzore").
Pas revolucioneve shoqërore dhe industriale, teoritë e Maltusit ishin anatemuar dhe hedhur poshtë si të pabaza e të dështuara...
POR!
Ruanda, Darfuri, Çadi, Nigeria... iraku, afganistani... dollari, euro... kriza e kredive, imobilieve - kreditë banesore, biokarburantet... e të ngjashme që na sjellin sot titujt kryesorë të lajmeve në botë...
a na kujtojnë, fatkeqësisht, edhe njëherë Maltusin dhe teorinë e tij (të cilën unë, sinqerisht, gjithmonë e kam trajtuar si teori fashiste, raciste dhe jonjerëzore).

p.s.
të gjithë diskutuesve që u intereson tema dhe përmbajtja, iu dëshiroj lexim dhe diskutim të suksesshëm
__________________
O shpirti im, mos ëndërro për jetën e pavdekshme, por shterro fushën e së mundshmes.

E solla ket shkrim nga panta_rhei, exluzivisht per Qeverin e (pergjumur)re.

Nuk e di pse esht zhvendose tek ekonomia&biznesi,kure ky shkrime i duhet pikerisht politikes,dhe qeveris,te ciles i ka humb rruga n'oborr. Kure uria po kanos Globin!,qeveria,expertet e ketyre ceshtjeve(nese kemi expert)po merren me gjana dytsore,po i qesin popullit hi syve me do asfaltime rrugesh,me disa projekte,qe shtetet tjera i kan harruar,edhe pse te randeshishme per Kosoven,tash esht urgjente te mendohet per BUKEN.
Nese ket gjendje ne infrastruktur e kishim me vite e shekuj,mundemi edhe nje kohe te presim...kriza e ushqimit(bukes) po e kanos gjith boten,e te paret qe do te psojn nga kjo jan-jemi ne popujt e varfer,qe nuk jemi ne gjendje momentalisht te sigurojm as 30% te ushqymit,nga ekonomia vetanake.

"Qeveria e re" pas tre muajve arriti te shpall nje program,gjysmak,e te kopjuar,pa as nje analiz pa as nje strategji te cart,pa u parapa krizat e mundeshme,dhe perballimi me to.
Deria sa dy termocentralet(dinosauret) exzistuse,vazhdojne ta mbulojn token me te mire qe ka Kosova,me hi,ndotin ambientin,shkatrrojn shendetin e popullates...keta planifikojn ndertimin e TEC.te ri Kosova C...pastaj Kosova D....KosovaE........e keshtu do te bejm termocentrale ac sa kemi shkronja ne alfabet.Token e bukes ta shendrrojm ne deponi te mbeturinave te ketyre TEC-eve.
Shqiperia ka marre nje inciative per ndertimin e nje centrali energjetik berthamor,qe esht e vetmja zgjidhje afatgjate per stabilizimin me energji elektrike.Kishte me qen shume me randsi qe qeveria e Kosoves te baj per-pjekje qe ket ta bejn se bashku me Shqiperin,te jet nje investim i perbashket,te ndertohet nje Central berthamor i fuqishem,qe do ti plotsonte nevojat e dy shteteve,ndoshta edhe me gjer?,
Si po shifet kjo qeveri po ndihet si me faj qe shpalli pamvarsin,esht totalisht e hutuar,nuk ka ide si tutje..bashkpunimin me shtetin ame,as qe guxojn ta parashtrojn,me keq se ne kohen e shkinis.
Gjothesesi na duhet bashkpunim kombetar,te perballohen krizat te cilat vec kan fillu te shfaqen...te perballohen sa esht e mundur me gjate..perndrshe,kriza globale nga "Mbipopullimi" qe teoria e Tomas Maltusit e thekson, do te vij nje dite.