[Autori]

Tungatjeta o forumistë të rrespektuar!

Ja pas një kohe të gjatë nën regjimin e mallkuar të banit të zi, po paraqitem prap këtu në forum sa për të diskutuar edhe më tutje në tema të thashethënjeve bajatiste të pandalshme tona popullore!
Haj sa keq ish të jetohet si i banizum he Allahi kam thanë as dushmanve ma tmdhej tforumit (gjumashës e rilindës) mos ia sjellt at kob. Aj gjumashës nashta se sa për rilindën nuk ma merr mendja se dikush guxon me i dhan ban. Po veq llafi pi bje.
Po nejse!

I nderuari shoku ideologu!
Ti e di se ne nuk e kemi shprehi të standardizuar të i thurrim lëvdata e komplimente solidareske njëri tjetrit (atë punë ia lëmë të tjerëve për disponim, edhepse shumë të pakët po na janë ata, he nama e daftë), por dëshiroj gjithsesi të theksoj se tema e hapur nga ju me të vërtetë është e qëlluar dhe në mënyrë komode globalisht përkon me nevojat e obligimet qenësore të meremetimit të cështjes sonë të traumatizuar kombëtare. Qartë që siq u potencua më lartë dukuria degjeneruese në fjalë daton nga qëmoti, mirëpo për të bërë ndryshime të nevojshme brenda kësaj shoqërie tonë të ashtuquajtur laike të sotme, e që në realitet është një shoqëri në shpërbërje të plotë morale e kulturore, kurrë nuk është vonë të ndërmirren masat e para rehabilituese në kahje të preventimit të aktit përfundimtar tragjik kombëtar. Unë jam mëse i bindur se kyfarë “striptitizmi” këtyre artistëve të estradës sonë nuk iu bën aspak nderë. As atyre vetë e as familjeve të tyre përreth! Po edhe ata në njëfarë mënyre e konsiderojnë veten të jenë shqipëtarë e edhe ata në intimitetetin e tyre të mbrendshëm ushqejnë aspirata të përfitimit të sjelljeve e të qëndrimeve patriotike shqipëtare, si gjithë shqipëtaria anekënd. Megjithate, ato të nxitura nga efekti i mirënjohur i parasë nuk po munden disi kurrësesi të i vëjnë kontroll vetes. Po zgjidhen e hapareshen me ka krejt!. Kjo për faktin se tek ne akoma nuk ekzistojnë ligje të adoptuara për stopimin e këtyre dukurive anomalike. Ndoshta në ndonjë të ardhme jo edhe aq të largët ne do të kemi mundësi të i votojmë ato ligje, por tani për moment situata na është asisoji e imponuar mbi ne, që ne nuk po mundim as kokën të e ngritim nga preokupimet e hallet e një jete të mjerishme të përditshmërisë sonë katastrofike. Aty edhe hapësira e ofruar e depërtimit të lirë e të papenguar për këta “të lazdruar” tanë artistë kombëtarë. Të tmerruar ata nga idea e mosprosperimit ekonomik në jetë, po i humbin të gjitha frenët e tyre moral dhe në skenë po dalin krej të zhveshur. Me pamoral. As që pandehin të gjorët se një ditë medoemos i tërë ky kaos do të merr fund së vepruari dhe se gjithëcka në një epokë, patjetër ka për t´u kthyer në vëndin e vet të duhur. E pastaj ku do të kenë ata “fytyrë” të dalin në publik dhe të prononcohen si shqipëtarë të vërtetë. Të konsiderohen si atdhetarë të pranuar të kombit! Ata dhe gjeneratat e tyre familjare të ardhshme. Pra kësisoji analizuar ata në ardhmëri, do të përjetonin disfatë personale në planin e diferencimit të mirësajuar nacional.

Në vazhdim, kur flet për mishërimin e Sotonës në këngëtaren tonë me famë të përdalur e me diametër të përmbyllur Adelina Ismajlin, garantuar se ti atë enoncim e përdor vetëm si ilustrim të thjesht retorik për shkak se edhe ti si unë vetë je i formimit të kategorizuar filozofik se Sotona as që ekziston në botë, por veprimet e këqija të zemrës e të shpirtit të keq të të akuazuarve degjenerues estradistë tanë, mjaftojnë rrjedhshëm për përvetësimin e tërësishëm të atij sinonimi tmerrnxitës të dalur nga Ferri.
Të këndohet në shqip me vithe e gji të zbuluara! Cështë ajo cmenduri ashtu?! Po zhveshur se zhveshur, përse nuk përcaktohen për industri të porrnos atëherë?! Edhe aty përfitimet me sa di, bëhen të mëdhenja. Cfarë roli luan aty kënga shqipe pra?! Nëmos vetëm përdorimi i saj si objekt përdhosjeje e denigrimi me qëllim të fsheur të destruktimit definitiv të një tradite e kulture të tërë të madhërishme e autoktone kombëtare!
Mirëpo si që u nënvizua më lartë, cdo pjesë e mozaikut të kësaj cështje të shpartalluar të sotme një ditë me cdo kusht do të bie në vënd të vetë të paramenduar, dhe atëherë vajhalli për të gjithë këta dezintegristë të kësaj kulture tonë të lashtë e unike!
Ndërsa sa i përket punës së të dieleve më duket një aspekt i pakuptueshëm duke pasur parasysh se shumica e veprimtarëve punojnë për cdo ditë. Padalluar nga procesi kalendarik kohor. Pastaj të përkujtoj se pikërisht në ditën e Dielë n´a u realizua Pamvarësia! Me punë natyrisht! Se me të kujt ajo dihet mirë por nuk po mund të kuptoj se si këta që nuk punuan fare me asgjë, me pompozitet të furishëm, grandiozisht u instaluan në atë pamvarësi tonën se! Cka t´i bësh! Herëpasherë në histori edhe abstraktizme të këtilla manifestohen.
Mirëpo puna jonë sidoqoftë nuk ka të ndalë kurrë!
Deri sa cdo gurë i shkulur i cështjes me kodoshi e dredhi, nuk është kthyer në pozitën e vet të dikurshme në murë! E derisa cdo gjendje origjinale e indoktrinuar nisëmtare në formën e vet iniciale, nuk është përfundimisht prurë!

Po e lë me kaq kësaj here se droj që del ndokush me qortime për përzgjatje të ligjërimit njashtu si të kanë bërë edhe ty me një rast. Kur ty si ideolog të famshëm të forumit të bien në qafë me aso ngarkime fajësuese, paramendo atëherë mua një autorit të rëndomtë të shkrimeve modeste të përpilimit, se cka mund të i ndodhë!

rrespekt!