[panta_rhei]

Policia burgos mjekun që dyshohet të ketë vjedhur barna në spital Policia në Gjilan ka kapur ne flagrancë duke vjedhur barna nga Spitalin Rajonal të Gjilanit, mjekun kujdestar. Togeri Ismet Hashani, zëdhënës i SHPK-së në Gjilan ka bërë të ditur se materiali është konfiskuar nga policia, dhe me vendim të prokurorit i dyshuari mjeku dr. H. Ahmeti 58 vjeçar është ndalur në mbajtje për 72 orë. “Hetimet lidhur me rastin po vazhdojnë”, ka thënë toger Hashani.


Dr. Hafiz Ahmeti, mjek në Spitalin Rojanal të Gjilanit ka përfunduar në pranga, ngase policia e ka kapur atë në flagrancë me barna, të dyshuara të jenë marrë nga spitali për në ordinancën e tije private. Togeri Ismet Hashani, zëdhënës i SHPK-së ka bërë të ditur se “në orën e hershme të mëngjesit policia po përcillte për herë të dytë një veturë me targa vendore duke bartë disa thasë najloni nga spitali rajonal në një ordinancë private. “Policia gjatë kontrollit të makinës ka vërejtur se vozitësi mjek i punësuar në spital, kishte një sasi barnash dhe material sanitar në bagazhin e makinës”, ka treguar Hashani. Behet e ditur se me pas, me urdhër të prokurorit është bërë kontrollimi i ordinancës private në Gjilan ku është gjetur edhe një sasi tjetër më e madhe materialit sanitar pa dokumentacion që dyshohet se i dyshuari i ka marr nga Spitali Rajonal i Gjilanit. Sipas policisë materiali i kapur është konfiskuar, i dyshuari dr H. Ahmeti, është arrestuar dhe po mbahet për 72 orë. “Hetimet po i zhvillon njësiti i krimeve ekonomike”, ka thënë toger Hashani.