[niemand]

Autori i sulmit ndaj banesës së Thacit: "Nuk e dija që ishte shtëpia e Kryeministrit"


• Sipas policisë, 19-vjecari kishte shkuar për të vjedhur banesën, por nuk kishte pasur dijeni se objektivi i vjedhjes së tij ishte shtëpia e kryeministrit të Kosovës. Prindërit e Faslli Sejdiut denoncuan mbrëmë djalin e tyre si autori i sulmit të shtëpisë së Kryeministrit në lagjen "Arbëria" në Prishtinë.


PRISHTINE- Nuk e dija që shtëpia ishte e kryeministrit Hashim Thaci”. Kështu ka deklaruar në polici 19-vjecari Faslli Sejdiu i cili u arrestua mbrëmë si autori i sulmit në banesën e Hashim Thacit në mbrëmjen e së premtes. Sipas policisë 19-vjecari kishte shkuar për të vjedhur banesën, por nuk kishte pasur dijeni se objektivi i vjedhjes së tij ishte shtëpia e kryeministrit të Kosovës. Prindërit e 19-vjecarit denoncuan mbrëmë në rajonin e policisë në Prishtinë, djalin e tyre si autori i sulmit të shtëpisë së Kryeministrit në lagjen Arbëria. Më pas babai shoqëroi policinë në shtëpinë e tij ku dhe ndodhej 19-vjecari. I dyshuari është arrestuar dhe i është ofroruar trajtimi i nevojshëm mjekësor. Faslli Sejdiu është plagosur në krahun e djathtë, pasi u qëllua nga forcat e sigurisë së kryeministrit që ruanin banesën e Thacit, gjatë kohës që kishte tentuar të hyjë në brendësi të shtëpisë. Në momentin e sulmit në banesë ndodhej vetëm bashkëshortja dhe djali i kryeministrit, ndërsa vetë Hashim Thaci ndodhej jashtë Kosovës për një vizitë private.