[Zero Cool]

Filloi ndërtimi i rrugëve “Luigj Gurakuqi” dhe “Mentor Retkoceri” në Prishtinë Kryetari Komunës së Prishtinës Isa Mustafa, me bashkëpunëtorë mori pjesë në fillimin e ndërtimit të rrugëve “Luigj Gurakuqi” dhe “Mentor Retkoceri”, në Prishtinë, dhe vizitoi punimet në dertimin e rrugëve “Vëllezërit Fazliu”dhe “Rexhep Krasniqi”, në lagjen Kalabri. “Sot po fillojmë ndërtimin e këtyre dy rrugëve në dy lagje të qytetit, rrugë të cilat nuk janë trajtuar asnjëherë deri më tani, krahas rregullimit të rrugës do të ndërtojmë edhe kanalizimin fekal, si dhe shtratin për bartjen e reshjeve atmosferike”, tha kryetari Mustafa.

Kryetari Mustafa, kërkoi nga banorët e këtyre rrugëve që mos të pengojnë realizimin e këtyre projekteve dhe të lirojnë hapësirat e t’i largojnë rrethojat, sepse zgjerimi i rrugës dhe i kanalizimeve është në interes të vetë këtyre banorëve.

“Punët në këto rrugë janë duke shkuar mirë dhe presim që brenda 20 ditëve të përfundojë ndërtimi i rrugës “Vëllezërit Fazliu”, ndërkaq, rrugët “Rexhep Krasniqi”, Agim Qela”dhe rruga “Tahir Zjami”, siç po shihet do të përfundojnë para kohës së paraparë, tha kryetari Mustafa.

Ndërtimi i rrugës “Luigj Gurakuqi”, komunës së Prishtinës do t’i kushtojë rreth 52 mijë euro, ndërkaq punimet do t’i kryejë kompania “Labi”, nga Prishtina, në lagjen “Kodra e Diellit”.

Kurse kompania “Viadukt”, po nga Prishtina, do t’i kryej punimet në rrugën “Mentor Retkoceri “.
Për rregullimin, asfaltimin dhe kanalizimin fekal të kësaj rruge komuna ka ndarë rreth 92 mijë euro.

Ndërtimi i këtyre rrugëve pritet të përfundoj brenda 60 ditëve, njofton Zyra për marrëdhënie me publikun pranë KK Prishtinë.




RTK 12 qershor 2008 - 16:43:00