[niemand]

Përgaditjet për pavarësi i ka bërë e njejta kompani private që ia ka udhëhequr fushatën e zotit Thaçi

Nuk dëshiron ta komentoj vendimin e gjykatës së Hagës, kur ai dhe Idriz Balaj dolën të pafajshëm, ndërsa Lahi Brahimaj u dënua. Thotë se Hashim Thaçi është bërë horë dhe ka rrejt kur pat deklaruar se 'Qeveria udhëhiqet nga parapolitika', duke akuzuar AAK si përgjegjëse për armët e gjetura, rreth dy vite më parë. Deklaron se Qeveria e tanishme është Qeveri e keqe. Premton se si opozitë do të dijë t'i artikulojë gabimet eventuale të Qeverisë.
Thotë se Pavarësinë e fituam vet. Ramush Haradinaj, foli ekskluzivisht për INFOSOT dhe për JAVA, një javë pasi u shpall i pafajshëm nga Gjykata Ndërkombëtare e Hagës.



INFOSOT: Keni qëndruar rreth 3 vite në Hagë. Qysh e gjetët Kosovën tash kur u kthyet?

Ramush Haradinaj: Unë e kam përcjellur atë që po ndodhë në Kosovë, e kam ditur edhe pa ardhë me e pa, por jam i gëzuar që jam këtu dhe e shoh Kosovën si shtet i paravur, me mundësinë ta ndërtojmë më mirë lirinë tonë. T'i japim më shumë kuptim kësaj lirie dhe jetës, dhe ta mundësojmë jetën tonë dhe të njerëzve në Kosovë.




Kjo s’është Kosova që e kemi pritur



INFOSOT: A është Kosova momentale, qysh e keni menduar ju më herët?

Haradinaj: Unë i kam përcjellë zhvillimet, nuk ka ndonjë dallim…unë gjithë kohën kam qenë i interesuar se si jemi, ku jemi. A është Kosova qysh kemi pasur dëshirë, normalisht që nuk është.



INFOSOT: Pse?

Haradinaj: Po shikoni, ne kemi qejf me e pa vetën më mirë.



INFOSOT: Më konkretisht?

Haradinaj: Po jau jap një shembull konkret. Institucionet e vendit të shtrihen gjithkund.



INFOSOT: E keni fjalën për Veriun e Mitrovicës a po?

Haradinaj: Natyrisht. Pastaj gjyqësia e vendit, gjatë ushtrimit të këtij juridiksioni me qenë të zotë me obligimet në përgjithësi, që kanë ndaj vetës, ndaj deklarimeve, ndaj asaj që i kemi premtuar qytetarëve dhe gjithsesi edhe një ekonomi më të mirë, për të pasur një shpresë se do të kemi vende të lira të punës për njerëz.



INFOSOT: Çka duhet të bëjmë që institucionet e Kosovës ta shtrijnë autoritetin në gjithë territorin e saj?

Haradinaj: Qeveria duhet ta ketë një plan operacional, i cili mund të merr mbështetjen edhe të mekanizmave ndërkombëtarë, dhe i cili do ta ketë edhe agjendën kohore, me të cilën do ta mbërrijmë ate plan.



INFOSOT: Qysh e vlerësoni vendimin e Gjykatës së Hagës kur ju dhe Idriz Balaj u liruat, ndërsa u dënua Lahi Brahimaj?

Haradinaj: S’di çka me të thënë për besë për këtë. Nuk guxoj me komentu. Më fal që po t’ngushtoj…Mbetja e Lahisë atje është plagë e luftës…janë plagosur edhe më herët njerëzit. Edhe kjo është një lloj plage.



INFOSOT: A ka qenë vendim i drejtë për të tretë?

Haradinaj: S’di çka me thënë për këtë.



S’ka nevojë që njerëzit të frigohen prej meje





INFOSOT: Kthimin tuaj në Kosovë, mediat, opozita e atëhershme dhe disa OJQ e kanë paraqitur si kërcënim për sigurinë në Kosovë. Si e komentoni ju këtë?

Haradinaj: Jo s’besoj se e kanë thënë këtë.



INFOSOT: Pse po tuten njërëzit prej juve?

Haradinaj: S’besoj që ka frikë kurrkush prej meje. S’ka nevojë të frigohen.



INFOSOT: Po, ka pasur indikacione, kanë folur njërëzit për këtë çështje?

Haradinaj: Ndoshta ata që s’janë në rregull, atëherë kanë të drejtë të frigohen, se unë me mënyrën se si punoj dhe si i shpjegoj gjërat janë të drejpërdrejta, janë të sakta. Jam i lirë, nuk jam me mundësi që të mos i them ato që janë i vlerësoj për ta.



INFOSOT: Kush është i rrezikuar e kush përfiton me kthimin tuaj?

Haradinaj: I rrezikuar?! S’besoj që është dikush i rrezikuar prej meje. Në çfarë kuptimi?





Kjo qeveri është keq…





INFOSOT: Duke u bazuar në ato deklarata, të opozitës, mediave, etj. Ato që i përmendëm më lart.

Haradinaj: Unë nuk i kam dëgjuar ato deklarata, nuk i kam parë nuk e di ku i keni marrë ju. Nëse është, si me thënë, për atë qëllimin mediatik, që ka thënë dikush se është rrezik për Qeverinë, unë nuk mund të flasë në bazë të atyre. Unë nuk kam marrë kësi sinjale se kanë frikë njerëzit, të paktën nuk i kam dëgjuar kështu. Mirëpo, gjithsesi se ka ndryshuar pak gjendja këtu. Domethënë, ka edhe një akter…Unë e njoh qeverisjen, unë e di se çka është qeversisja dhe e di, gjithashtu, që kjo qeveri është keq.



INFOSOT: Pse?

Haradinaj: Ta jap një shembull pse është kjo qeveri shumë keq. Qeverisja sipas meje është një qark. Pse është një qark? Energjia, që ne e kemi çështje kryesore, nga ministri, KEK-u, zyrtarët kryesorë, shefat përgjegjësat në miniera për prodhim të qymyrit, vija e prodhimit të energjisë, e shpërndarjes, e inkasimit, etj., krejt këto janë hallka të një zingjiri. Pastaj, kryetarët e komunave, gjyqtarët komunal, shefat e policisë komunale, deri te klienti që ka ardhur me pagu. Kur bie ky qark, kur funksion, kur çdo gjë lidhet, atëherë duhet të presim që të ndyshojmë diçka, si për mirë si për keq. Por, diçka po ndodhë. Në fakt ka ndodhur qeverisja. Kur e kam parë unë këtë Qeveri se nuk shkojnë as me pa se si duket KEK-u, as kryeministri as ministri, e prej zyrës së vet thonë se ky është sabotim, nuk qeveriset kështu. Nuk do të ndodhë diçka e mirë kështu.



INFOSOT: Çka do të ndryshoj me kthimin tuaj?

Haradinaj: Ato që këta nuk po i bëjnë, do t’ia tregoj popullit.



Me kryetarin e AKR, Behgjet Pacolli

INFOSOT: A keni drejt me folë ju për KEK-un kur dihet se AAK është akuzuar shumë herë se nuk e ka kryer punën mirë në KEK?

Haradinaj: Jam akuzuar edhe unë, por kam dalur i pafajshëm. Jam akuzuar në Hagë, më kanë dërguar në Hagë dhe më kanë akuzuar. Dhe kam dalur i pafajshëm. Kjo akuzë që është bërë, le të konstatohet a kanë pasur të drejt a jo. Ne sot kemi një situatë të re fuqiplote, ndërsa dihet se KEK-u si kompani publike deri vonë është menaxhuar nga AKM-ja. E dini se në çfarë periudhe e ka marrë Qeveria e Kosovës, në atë kohë nuk kam qenë në qeverisje, unë tash jam në pozicionin e plotë për të qenë një parti opozitare dhe e kryej detyrën time, edhe atë të sinqertë.





Hashim, je bo horë për akuza…ke rrejt…







INFOSOT: Ministrja Pula, ka thënë se edhe tash KEK-u menaxhohet nga AKM-ja?

Haradinaj: Po a? Pse s’e ka thënë këtë më herët. Mua më vjen keq, por ata kanë thënë se i kanë marrë përgjësitë, ata kanë thënë që e udhëheqin vet.



INFOSOT: Jeni akuzuar kryesisht nga opozita e kaluar për të gjitha të këqijat që kanë ndodhur në Kosovë, për kurrupsion, krim të organizuar, kontrabandë armësh etj. Atëherë nuk keni folur për këtë duke u arsyetuar se e keni të ndaluar nga Haga. Tash që jeni i lirë, çka do të thoni për këto akuza?

Haradinaj: S’kanë guxuar të më akuzojnë për krejt këto, por i kanë lëshuar disa, nëpër OJQ. Mirë kanë bërë. Çka kanë me thënë le të thonë tash se këtu jemi. Tash mundemi me folë hapur.



INFOSOT: Por, ju çka do të thoni për këto akuza sepse keni pas thënë se kam çka flas pasi të kthehem nga Haga?

Haradinaj: Ja kam nisë unë me folë.



INFOSOT: Ne po ju pyesim për ketë çështje?

Haradinaj: Nuk e kam akoma në rend. Kur t’i vie rendi, kur të ndodhë ballafaqimi do t’ua them çka mendoj.



INFOSOT: Kur u patën zënë disa zyrtarë të Qeverisë së kaluar me armë, Hashim Thaçi pat thënë se prapa kësaj Qeverie qëndron parapolitika. Qysh e vlerësoni ju këtë?

Haradinaj: Unë i kam thënë që je bo horë që po akuzon për këto armë të vjetra që kanë mbetur në Drenicë, të luftës, të zonës së tij. Këtë e kam thënë atëherë, këtë po e them edhe sot. Ai ka rrejtë në atë kohë. S’ka logjikë kjo që ka thënë.



INFOSOT: Ka rrejtë?

Haradinaj: Ato armë nuk kanë qenë të qeverisë. Kanë qenë të zonës së Drenicës.



INFOSOT: Veç janë përfshirë disa zyrtarë të AAK?

Haradinaj: Le t’i përflet ai ato sa të dojë, por ato armë kanë qenë të zonës së UÇK të Drenicës, që kanë mbetur prej luftës. AAK nuk ka pasur në vitin 99-të. Çka kam faj unë që ka qenë aleancë edhe dikush në Drenicë, ajo është shumë mirë, por armët kanë qenë të zonës së Drenicës, prej kohës së luftës.