[Shpat]

E Kosova!?

çfarë sovraniteti dhe vullneti të lirë ka, për ta shkrirë atë në këtë bashkësi të ardhshme Evropiane!?

Ne zoti Hashim, jemi dhe do të jemi vetëm një shtet me protektorat ndërkombëtar dhe asgjë tjetër. Këtë çfarë po na ndodh me pakon e Ahtisarit është vetëm një NDëRRIM, përmes një mashtrimi psikologjik masiv. Sikur tek ajo punë e fëmijës: kur fëmija i vogël të merr të loz me diçka të vlefshme, nëse ne nga frika se mos e humb apo dëmton atë send, ja marrim menjëherë nga dora, ai do të qajë, çirret dhe bërtas në mënyrë histerike. Por çfarë duhet bërë? Vetëm duhet zëvendësuar me ndonjë lodër tjetër që ka ngjyra laramane dhe ai vetë do ta gjuaj (do ta lë) atë që ka në dorë dhe do ta merr këtë lodër tjetër. Pra vepron në mënyrë të përsosur sistemi i ndërrimit.

Me sa duket kjo edhe po na ndodh me pavarësinë e Kosovës që ne po e presim dhe ju (nga Grupi i Unitetit) me të madhe po e promovoni?!!

Unë zoti Hashim, jam një intelektual i thjesht dhe ju (por edhe të tjerët) mund t’më akuzoni për mosdije dhe injorancë politike. Pranoj se është ashtu, por unë, si një votues i ardhshëm në zgjedhjet që askush nuk i di se kur do të mbahen, nuk i besoj më askujt! Por, vendosa vetëm vetë të bindem, dhe këtë e mësova pikërisht nga Lëvizja Vetëvendosje, nga këta djema të rinj dhe sikur cilësohen nga ju politikanët të “profilit të lartë”- “AXHAMI”.

Një herë në një prononcim, lideri i tyre (tani autoritet i pacenueshëm kombëtar dhe persekutuari më i madh i “Evropës demokratike” ) ALBIN KURTI, pat thënë (shkruar):

“çdo punë e nisur mbar dhe e lënë në gjysmë, me kohë, pa kusht, do ta reflektoj edhe humbjen e asaj gjysme të arritur”

A nuk kemi mjaft këso shembuj në historinë tonë? E, sa për ilustrim, ta marrim atë të fundin: Kushtetutën e vitit 1974 të RSFJ-së, ku Kosova erdhi deri në gjysmë të rrugës dhe përfundoi si Krahinë Autonome, e cila , edhe atëbotë, propagandohej se nënkuptohej si Republikë, sepse, thuhej se ishte edhe pjesë konstituive e RSFJ-së.