[Arb]

Athu a e din Presidenti Bush qe Tacici eshte pjesemarres i rregullt i takimeve te Internacionales Socialiste...

Nuk i ka ne qef Bushi zagaret Komuniste. Atyne nuk u jep doren.



Rama: Ka fituar Kosova demokratike

Kryetari i Partisë Socialiste, Edi Rama, u shpreh se zgjedhjet në Kosovë u fituan nga arkitekti i një politike të re për një Kosovë europiane.
I kam telefonuar mbrëmë fituesit të zgjedhjeve në Kosovë, mikut tim Hashim Thaçi dhe i kam uruar, në emër të të gjithë socialistëve dhe progresistëve shqiptarë, këtë fitore të madhe të demokracisë, e cila, kemi rënë në një mëndje, nuk është fitorja e një partie, por në radhë të parë e të gjithë popullit shqiptar të Kosovës. Dje ka fituar Kosova demokratike, e lirë dhe de facto e pavarur. Ka fituar pluralizmi dhe bashkëjetesa qytetare, në një shoqëri ku secili ka mundur të zgjedhë në paqe dhe më pas të ndjekë në qetësi, një garë të lirë dhe të ndershme të standardeve të Europës, ku Kosova tanimë po përgatitet të bëjë pjesë si një shtet i ri tha Rama, gjatë një konference për shtyp.
Më tej, ai theksoi se në këto zgjedhje ka fituar sigurisht edhe një forcë politike e re, në përqasjen ndaj vendit dhe problemeve të rënda të tij. Ka fituar një lider që ka ditur të transformohet nga komadanti i Ushtrisë Çlirimtare të Kosovës, në arkitektin e një politike të re ndërtuese për Kosovën europiane.
Partia Socialiste e Shqipërisë dhe Partia Demokratike e Kosovës janë së bashku pjesë e familjes së Internacionales Socialiste dhe e tryezës së socialistëve europianë. Ne do të punojmë së bashku më Hashim Thaçin dhe me Partinë Demokratike të Kosovës për t’i dhënë jetë, përditë e më shumë, një politike të re në hapësirën shqiptare dhe në të gjithë rajonin, tha zoti Rama