[uck_aksh]

Postimi origjinal është bërë nga niemand

Kur bëhet fjalë për korrupsionin, të gjitha partitë në Kosovë janë njësoj: në krye të enteve e kompanive publike vendosin miqtë e militantët e tyre dhe më pas presin favore prej tyre. Edhe kryeministri i Kosovës, Hashim Thaçi, pavarësisht nga vullneti i shprehur për luftën kundër korrupsionit gjatë fushatës elektorale, nuk bën përjashtim në këtë pikë.

Militantëve të Partisë Demokratike të Kosovës si dhe miqve të tij të ngushtë u ka dhuruar postet më të rëndësishme në krye të doganave, Kompanisë Energjitike të Kosovës si dhe Postë-Telekomunikacionit. Rrjeti për Gazetari Investigative në Ballkan BIRN ka verifikuar së fundmi se në të gjitha postet drejtuese të kompanive më të rëndësishme publike ka emra që i shërbejnë kryeministrit të vendit dhe në asnjë prej tyre nuk ka një drejtues të pavarur. Sipas rrjetit investigativ, Thaçi ka bërë ndryshime të mëdha në administratën publike, duke nisur me emërimin e Skënder Krasniqit, më 28 prill 2008, në postin e presidentit të Këshillit Administrativ të Kompanisë Energjitike të Kosovës, (KEK). Naim Fetahu, shef i seksionit të PDK-së në qytetin e Podujevës është emëruar po gjatë kësaj kohe në krye të Entit të Taksave dhe Tatimeve, ndërsa një tjetër anëtar me shumë influencë i PDK-së, Sejdi Rexhepi, është emëruar shef i këshillit administrativ të Bankës Qendore të Kosovës. Për të kompletuar tablonë, kryeministri Thaçi shkarkoi pak ditë më parë edhe shefin e doganave, Naim Huruglica, me justifkkimin se ai dha një leje të paligjshme për dy kamione me mbetje toksike në Mitrovicë, por analistët pohojnë se e gjithë kjo është një përpjekje për të marrë nën kontroll një tjetër ent të rëndësishëm. Vendimi i pritur më keq ishte ai i emërimit në postin e drejtorit të Postë-Telekomunikacionit i Adnan Merovcit, një anëtar i njohur i PDK-së.

Në fakt, një këshill i përbërë nga ndërkombëtarët, nën drejtimin e UNMIK-ut vlerësoi se një tjetër kandidat, Edmond Hajrizi, ishte më i përgatitur dhe kishte një profil më të mirë për të marrë postin drejtues. Por, ndërmarrja me një kapital prej 300 millionë eurosh nuk mund t'i shpëtonte "dorës" së kryeministrit, që emëroi aty Merovcin. Analistët kujtojnë edhe rastin e Dino Hasanaj, një biznesmen shqiptaro-amerikan që është emëruar ditët e fundit në postin e drejtuesit të Agjencisë së Mirëbesimit në Kosovë, që është enti që merret me privatizimin e ndërmarrjeve publike, një proces i ndërlikuar, por shumë i rëndësishëm për Prishtinën zyrtare. Analistët pohojnë se sjellja e Thaçit dhe e PDK-së nuk është gjë e re në Kosovë. Të gjitha partitë politike, pasi kanë marrë pushtetin, kanë vepruar në këtë mënyrë. Por, ata theksojnë se ndryshimi i vetëm është se PDK-ja i ka kritikuar vazhdimisht emërimet politike gjatë kohës kur ishte në opozitë.


(Marrë nga "BIRN")

niemand a tash e ke marr vesh a po von te paska dal gjumi bre djal,