[egi]

Konaku i Jashar Pashës – paraqet tipin më karakteristik të ndërtimit të shtëpive të vjetra për banim nga shekulli i kaluar. Në brendi të ndërtesës posaqërisht theksohen: hamamet, dollapet, raftet, dritaret si dhe tavanat jashtëzakonisht të dekoruara në pikëpamje artistike në oda.

Si monument historik i mesjetës preferohet të vizitohet Kisha ortodokse e cila e ka statusin e Patriarkanës për besimtarët ortodoks. Patriarkana gjendet disa qindra metra nga qendra e qytetit në rrugën që qon kah Gryka e Rugovës. Është e rëndësishme të ceket se bukuria dhe rëndësia e këtij Manastiri është pranuar nga UNESCO, i cili e ka shpallut këtë vend si pasuri n¨derkombëtare kulturore. Mbrenda në kishë ka ikona dhe freska nga shekulli XI dhe XII por gjithashtu dhe nga periudhat më të vonshme.

Kisha ortodokse

Kisha katolike »Shën Katarina« si ndërtesë është e kohës së re (1928). Si famulli kisha e Shën Katarinës ekziston që nga Kocili i I-rë i Arbërit (1703) i udhëhequr nga Papa Klemente. Shumë interesante dhe tërheqëse për qdo vizitues të huaj është »Qarshia e gjatë« me dyqanet krakteristike orientale. Aty ende mund të hasni në shitore origjinale të artizanateve të ndryshme duke filluar nga qeleshgjintë, zgjunagjinjtë, rrobaqepësit e ndryshëm, leshëlnurësit, punuesit e sexhadeve, saraqët, këpucëtarët, orëndreqësit, argjentarët e mirëfilltë etj..Pjesa më e ruajtur e »Qarshisë së gjatë« është pjesa e sajë e quajtur »rrethishtja« në mes të cilës gjendet fontana e vjetër.

Kisha e "Shën Katarinës"

Mulliri i Haxhi Zekës është muliri i parë në Kosovë dhe regjion i cili ka pasur një teknologji më të përparuar të sjellur nga Austria. Me këtë mulli ka filluar ekonomia industriale në këtë vend, andaj dhe është mjaft interesant për ta vizituar.