[Dilaver]

Hagë: Zoran Stijoviq tha se rreth 200 shqiptarë informonin UDB-në për UÇK-në

Në Gjykatën ndërkombëtare të Hagës, ka vazhduar procesi gjyqësor ndaj ish-kryeministrit të Kosovës – Ramush Haradinajt dhe dy ish-bashkëluftëtarëve të tij – Idriz Balajt e Lahi Brahimajt. Seanca e sotme u zhvillua pa zotin Haradinaj, i cili është liruar përkohësisht nga Gjykata për të marrë pjesë në ceremoninë e varrimit të nipit të tij.
Në seancën e sotme, në cilësinë e dëshmitarit të Prokurorisë është paraqitur, ish-shefi i Sektorit analitik të Shërbimit shtetëror serb në Prishtinë, Zoran Stijoviq. Duke u përgjigjur në pyetjet e prokurorit Rej lidhur me veprimtarinë e këtij shërbimi gjatë periudhës së luftës në Kosovë, veçmas në Dukagjin, Stijoviq tha edhe se UDB-a ka pasur rreth 200 bashkëpunëtorë dhe informatorë që kanë informuar edhe për zhvillimet brenda njësive të Ushtrisë Çlirimtare të Kosovës.
Avokatët e zotit Haradinaj, Balaj e Brahimaj, janë interesuar të dinë edhe hollësi lidhur me metodologjinë e veprimit të Shërbimit të sigurimit shtetëror serb për të motivuar bashkëpunëtorët për të siguruar informacione të besueshme.
Stijoviq pohoi se varësisht nga rëndësia e informacioneve, ata që i kanë siguruar ato janë stimuluar edhe materailisht dhe në forma të tjera.

(Raport i të dërguarit special të RTK-së, Nuhi Bytyçi)



http://i38.tinypic.com/2v835l1.jpg