[Paradox_13]

Po angazhimet intensive shoqërore në Gjermani: në shkolla e gjimnaze për rininë, tek Nike, Mercedes?

Krasniqi: Gjithherë kur kam kohë, angazhohem edhe në jetën publike, dhe ky angazhim ka për qëllim kontinuitetin, forcimin e kontaktit, thellimin e bashkëpunimit me asociacione dhe institucione të ndryshme të cilat më ftojnë për ndërmarrjen e aktiviteteve në interes të përgjithshëm. Më flenë në zemër angazhimi për arritje më të mëdha të të rinjve në lëmin e arsimit, për çka propagandoj kudo dhe gjithherë. Po ashtu me moton tashmë të afirmuar në Gjermani, “Mos u bë kundërshtar i vetvetes”, angazhohem për një vetëdije më të lartë kundruall lojërave të fatit dhe tërheq vërejtjen për rrezikun nga varshmëria ndaj tyre, etj. I pa harruar më mbetet takimi me punëtorët e Mercedesit, të Nike.....pastaj me nxënësit në shumë shkolla të niveleve të ndryshme etj.

A është Luani apolitikë? Nëse jo, çfarë mendimesh ka për” rrjedhat politike në atdhe”? Cilat janë në të vërtetë meditimet politike të Luan Krasniqit kur përcjell lajmet e rrethanat politike në Kosovë, Shqipëri...

Krasniqi: Apolitik!? Nuk dua të besoj se ka ndonjë njeri që është apolitik në këtë kohë të vrullshme politike?! Kosova po ecë me hapa të sigurt drejt integrimeve evropiane dhe Veri-atlantike, dhe kjo është natyrisht motivuese për të gjithë ne... Krahas ndihmës dhe mbështetjes së madhe ndërkombëtare, e cila vazhdon të jetë e nevojshme, tash, më shumë se kurrë më parë, është i nevojshëm vizioni ynë i qartë dhe natyrisht, uniteti në veprim, uniteti rreth shtyllave kryesore të cakut tonë: zhvillimit ekonomik, thithjes së investimeve, punësimit të të rinjve, sistemit sa më cilësor të shkollimit,…kujdesit ndaj familjeve të të rënëve në luftë, mësimdhënësve, mjekëve, policëve, pensionistëve…etj! Një decenie e plotë na ndan nga çlirimi. Dhe faza e transicionit ka kaluar, apo më drejt duhet ta kishim kaluar! Tashti e kemi shtetin tonë, andaj, të arsyetohemi edhe më tutje, për problemet e dobësitë që vazhdojnë të jenë prezente në Kosovë e Shqipëri, në shoqërinë shqiptare, e kemi shumë të vështirë sot, kam frikë se do ta kemi edhe më të vështirë nesër...! Në këto rrethana të favorshme globale, nuk na amniston më asnjë njeri...aq më pak gjeneratat që vijnë!

Z. Krasniqi, të paktën ne, nuk na ka ngjarë asnjëherë që të lexojmë ndonjë prononcim tuaj, apo më drejtë ndonjë pozicionim tuajin, rreth të majtës, SPD, Die Grüne, Die Linke dhe të Djathtës, CDU, CSU dhe FDP – Liberalëve...! Natyrisht se si përkthyes profesionist në gjykatat gjermane, si një intelektual, dhe si një schëabe me prejardhje kosovare, ju keni pasë reflektime e meditime mbi tema nga më të ndryshmet, pra keni formësuar opinionin tuaj rreth politikës dhe legjislativit gjermanë...! E para na intereson... kah “ngreh” politikisht qerrja e Luan Krasniqit në Gjermani?

Krasniqi: I gëzohem përparimeve që bën Gjermania në të gjitha sferat. Është shembull për klimë konstruktive (jo-obstruksioniste mes pozitës dhe opozitës), shembull për tolerancë politike e partiake. Partitë politike këndej, kanë një qëllim të vetëm, që përmes formave të veprimit në drejtime nga më të ndryshmet, të bëjnë jetën e qytetarit të Gjermanisë dhe njeriut gjithandej - më të lumtur e më të denjë. Kjo në Gjermani po arrihet për mrekulli dhe mua natyrisht se më gëzon ky fakt dhe ky inercion i tyre fisnik...

Kur jemi te politika për Kosovën, a ekziston në fakt ndërlidhje mes dy arenave, asaj të boksit dhe arenës politike? Të jemi më të drejtpërdrejtë: Ju jeni një ndër ikonat mediale në Gjermani, gjatë emitimit të meçeve tuaja, televizioni ZDF ka arrit shifra të paimagjinueshme (disa milionëshe) të shikuesve (shikueshmërisë)... Por ajo që i intereson lexuesve tanë është se si qëndron puna me shtetin më te ri në botë - Kosovën, i cili aq shumë ka nevojë për njohje, respektivisht për afirmim pozitiv! Njëherë tjetër, para sa vitesh, për afirmim të Kosovës karshi miliona teleshikuesve anekënd botës, patët shpalosë flamurin e presidentit I. Rugova...! Tash ndërkaq, kemi shpallë Pavarësinë, kemi flamurin definitiv të Kosovës, andaj shtrohet vetvetiu pyetja: Do ta shohim ndonjëherë Luanin në TV-të Gjermane me atë flamur (përveç atij gjerman natyrisht)...?

Krasniqi: Boksi ka ngjashmëri me politikën. Por, dallimi esencial është se ne boksierët biem e ngrihemi përsëri, por ata që bien nga politika, e kanë shumë më të vështirë ri-ngritjen...! Unë nuk i përkas asnjërës nga partitë politike, por suksesit të secilës prej tyre, në ndërtimin e shtetit të fortë të Kosovës, i gëzohem gjithsesi. Mburrem që më është dhënë mundësia ta përfaqësoj sportin gjerman në arenën e boksit Internacional! Ishte Gjermania që më dha mundësitë, predispozitat dhe ambientin, që të arrij në këtë nivel... Por njëkohësisht, unë në këtë mënyrë e kam përfaqësuar edhe sportin e trevave nga vij, Kosovën e shqiptarët, dhe kjo natyrisht se më bën tejet të lumtur. Jam përpjekur gjatë gjithë kohës, pra në kontinuitet, që në rrethanat e dhëna dhe format për mua të realizueshme që të afirmoj kërkesat kosovare për shtet, liri dhe pavarësi. Në këtë funksion ka qenë dhe do të jetë edhe përdorimi i simboleve tona. Edhe aktualisht nuk po rrijë duarkryq, kudo që më jepet mundësia loboj për afirmimin pozitiv dhe për mbështetje të Kosovës. Në anën tjetër unë, në mënyrë aktive dhe krejt të natyrshme, përçoj gjithandej ku e kah arrij, edhe falënderimin tim personal, por edhe të të gjithë kosovarëve, ndaj shtetit ku jetoj – Gjermanisë! Jam shumë, shumë mirënjohës (dhe këtë e shpreh në të gjitha takimet), për gjithë atë që kanë bërë e po bëjnë për Kosovën Qeveritë Gjermane. Kjo vlen qoftë për Qeverinë – Schröder – Fischer (1999 - rreth çlirimit të Kosovës), sikurse edhe për Qeverinë aktuale të udhëhequr nga Kancelarja Merkel dhe Vicekancelari Steinmeyer, veprimtarinë e tyre rreth procesit të njohjes së Pavarësisë së Kosovës. Tutje jam falënderues edhe për mirëkuptimin e qasjen pozitive që kishin ndaj Kosovës, të gjitha partitë e Bundestagut gjerman, natyrisht, pa harruar asnjëherë edhe shoqatat e shumta humanitare dhe përgjithësisht popullin gjerman, individ e filantropë të ndryshëm që kanë dhënë e vazhdojnë të japin për Kosovën!

Prezenca Juaj gjithandej në mediueme, në forume e seminare të ndryshme gjermane e ndërkombëtare, pastaj si bartës projektesh të ndryshme shoqërore për rininë në Gjermani...dhe duke pas parasysh Netëorkun tuaj, lidhjet si i quajmë ne, mund ta mendoni veten si një lobist ekonomik e diplomatik i Kosovës, si Konsul etj...

Krasniqi: Si e theksova edhe më lartë, unë edhe pa poste e emërime zyrtare nga Kosova, kudo që kam rastin, loboj për Kosovën dhe zhvillimin e saj. Jam optimist se do të bëhet një përparim i dukshëm. Investimet e jashtme janë tash të domosdoshme, por për këtë duhet siguruar parakushtet përmes infrastrukturës jo vetëm rrugore, energjisë elektrike...etj por edhe asaj ligjore, dhe te shtetit të ligjit e ligjshmërisë...

Si e sheh Luani diasporën,...a mund të jetë diaspora jonë fuqi lobuese ekonomike dhe politike? Pastaj çfarë mendoni, si e sa po trajtohet diaspora nga Institucionet shtetërore në vend...(si implitim social e politik, vetëm kur atedheu ka nevojë, apo ?... ) ?

Krasniqi: Pa diasporën, Kosova nuk do të ishte kjo që është. Fuqia, potenciali dhe resurset e diasporës sonë kanë qenë dhe janë shumë të mëdha. Në diasporë është burim i madh kreativ, punues, intelektual dhe gjithsesi ekonomik. Ka shumë sportist në zë, njerëz të artit e kulturës, të tjerë të shkencës, shumë afarist të suksesshëm, krijues të të gjitha zhanreve! Me bashkëkombasit tanë, mburren edhe vetë vendet ku ata ndodhen. Andaj konsideroj se ky potencial duhet të shfrytëzohet gjithsesi shumë më shumë nga Institucionet e shteteve tona, nga Kosova e Shqipëria! Me një fjalë, duhet kanalizuar i gjithë ky potencial për afirmim, zhvillim dhe mirëqenie Kombëtare!

A ka në të vërtetë sfidë identitare Luan Krasniqi? Më intereson në fakt: A përballen në personalitetin tuaj identitetet e të “qenurit” njëkohësisht, kosovarë, shqiptarë dhe gjerman, plus edhe schëabe?

Krasniqi: Unë jam në gjithë botën si në shtëpinë time. Pra ndjehem më se i lumtur aty ku ndodhem, por dhe gjithandej ku ndodhet familja ime, farefisi, shokët e miqtë mi…

Në rastin e dorëzimit të Oskarit të 14 të gazetës BILD në Leipzig, Ju jeni takuar me shkëlqesin e tij, Dalaj Lama, dukeshit vërtetë i impresionur, kur deklaruat për mediat gjermane se: “Shkëlqesia e tij, Dalai Lama është një njeri i veçantë, një personalitet i madh. Ishte nder për mua ta takoj atë... Thuhet se besimi lëkundë bjeshkët. Tek një njeri aq karizmatik si Dalai Lama, njeriu fillon të besoj se vërtetë mund të lëkund bjeshkët... ” Besoni ne botën spirituale?A, fshehet fuqia fizike, edhe në fuqine spirituale ?

Krasniqi: Personalitetet e tilla unike, si shkëlqesia e tij Dalai Lama, janë burim frymëzimi...

Të bisedojmë pak për karrierën tuaj: ç´farë mund të na thoni për luftën e Juaj të fundit, ç´farë mendoni kur u bie ndërmend?

Krasniqi: Njeriu në jetë gjithnjë mëson. Por, për luftën e fundit, as që mendoj, ndonëse mund të them se akoma nuk e di se çka ndodhi me mua atë natë. Jeta megjithatë vazhdon dhe të ardhmen e shoh me optimizëm.
vijon...