[Llapjani_HH]

Kreu i Policisë se EULEX nuk lejohet të vizitojë spitalin e Mitrovicës

Kreu i Policisë të EULEX, Rainer Kuhn dhe komandanti i Njësisë Vepruese të Veriut të KFOR, gjenerali francez Michel Yakovlef nuk janë lejuar të vizitojnë zjarrfikësit në spitalin e veriut të Mitrovicës. Zyrtarët e KFOR-it dhe të EULEX-it pasi kanë njoftuar drejtorinë e spitalit kanë mbërritur në dyert e tij për të vizituar 6 zjarfikësit serbë të plagosur një ditë më parë nga një shpërthim granate por nuk janë lejuar të futen brenda.Lajmi është konfirmuar nga zyrtarë të EULEX-it të cilët kanë shprehur zhgënjimin e tyre për atë që e quajnë mungesë respekti nga ana e drejtorisë së spitalit.

Kreu i policisë së EULEKS Rainer Kuhn dhe gjenerali Michel Yakovleff kanë ngelur shumë të zhgënjyer nga kjo ngjarje pasi është mjaft e cuditshme është shprehur zyrtari I Euleks duke shtuar se zyrtarët e lartë nuk janë munduar të hyjnë me forcë në mjediset e këtij spitali.Pas kësaj ngjarje Kreu I policisë së EULEKS Kuhn ka përsëritur se misioni është i vendosur që ta mbajë situatën nën kontroll në tërë territorin e Kosovës.
ALSAT


Kosovë, analistët: Pas pavarësisë institucionet të paafta për qeverisje

Pas shpalljes së pavarësisë institucionet e Kosovës nuk kanë qenë të afta dhe të përgatitura për të qeverisur vendin.Ky është vlerësimi i analistëve Ramush Tahiri dhe Agron Bajrami,sipas të cilëve në këtë situatë ka ndikuar edhe prirja për të zgjidhur cdo problem në bashkëpunim me bashkësinë ndërkombëtare.

"Institucionet e Kosovës të themi më së buti nuk kanë qenë të afta ta qeverisin vendin sepse është bërë me bashkësinë ndërkombëtare gjithë kjo punë deri tash dhe inercioni është se duhet me bashkësinë ndërkombëtare të vazhdojnë edhe punët më tej. Mirëpo shteti varet nga forcat e veta, pra duhet të ketë ekonomi të përparuara dhe në këtë bazë nuk është gjetur shumë udhëheqja e Kosovës", u shpreh analisti Ramush Tahiri.

"Në prapavijnë e atij aspektit hitorik të vititi 2008 kemi parë edhe shumë probleme që ndërlidhen edhe me funksionalitetin e shtetit që e kemi shpallur. Një pjesë të pamundësisës për t'i përballuar si duhet këto sfida vjen edhe nga fakti që qeveria apo elita politike në përgjithësi në Kosovë nuk ka qenë e përgatitur apo nuk është e përgatitur për t'u përballur si duhet me këto", tha Agron Bajrami.Analist.

Analistët vlerësojnë se Kosova duhet të funksionojë normalisht si të gjitha shtetet e tjera pasi ky vit do të jetë më i vështirë në planin politik atë ekonomik për shkak të krizës botërore
ALSAT


Incidentet, Bogdanovic sot në Mitrovicë

• Ministri i Serbisë për Kosovën do të vizitojë sot pjesën veriore të Mitrovicës për të takuar 6 të plagosurit e 2 shpërthimeve të ndodhura të premten në mbrëmje. Bogdanovic tha se sulmet ndodhën pasi nuk funksionon ligji.

BEOGRAD- Ministri i serbisë për Kosovën, Goran Bogdanovic, pritet të vizitojë sot pjesën veriore të Mitrovicës. "Pas bisedimeve me liderët serbë, Bogdanovic do të vizitojë të plagosurit e lënduar nga 2 shpërthimet që ndodhen të premten në mbrëmje në Mitrovicë"- thuhet në deklaratën per shtyp që transmetuan sot mediat serbe.

Më tej ministri serb për Kosovën, Bogdanoviç dënoi incidentet e fundit në veri të Mitrovicës dhe theksoi se policia duhet të bëjë gjithçka për të cuar përpara drejtesisë personat përgjegjës për sulmet. Sipas tij sulmet e këtyre ditëve në veri të Mitrovicës janë pasojë e mosfunksionimit të ligjit për të siguruar mjedis të qetë dhe të sigurtë për të gjithë qytetarët serbë.

Situata është paraqitur e qetë sot në Mitrovicë pasi dy shpërthime që ndodhën të premten në mbrëmje në pjesën e banuar me shumicë serbe në qytetin e ndarë të Mitrovicës ku mbetën të plagosur 6 persona.Policia tha se shpërthimi i parë ndodhi në afërsi të një kafeneje në veri të Mitrovicës duke dëmtuar shtatë makina. Incidenti nxiti reagimin e dhunshëm të një grupi serbësh, të cilët i vunë flakën dyqanit të një shqiptari, në Lagjen e Boshnjakëve. Shpërthimi i dytë ndodhi në këtë lagje, kur zjarrfikësit po përpiqeshin të shuanin zjarrin. Tre nga të lënduarit nga ky shpërthim ishin zjarrfikës.
BalkanWeb