[DEA]

Në mesin e nxënësve të vrarë në Gjermani është edhe një shqiptar nga Kosova Në mesin e nëntë nxënësve të vrarë dje në shkollën Albertville të Vinnendenitndodeht, në Gjermani, është edhe një nxënës shqiptar nga Kosova. Lajmi është konfirmuar për Radio Kosovën nga drejtorja e Policisë gjermane, Renate Roesch. Ndërkohë ministri i Brendshëm i Baden-Württembergut, Heribert Rech, ka thënë se deri tani nuk ka të dhëna të mjaftueshme për të zbuluar motivet e kryerjes së sulmit. “Po, mund të konfirmoj se në mesin e nxënëseve të vrarë dje në shkollën Albertville të Vinendenit është edhe nxënësi shqiptar nga Kosova, i cili ashtu si nxënësit tjerë, ishte i moshës 14 deri në 15 vjeç”, ka deklaruar për Radio Kosovën drejtorja e policisë Renate Rosch, nga Weblinggeni

Zyrtarja e policisë gjermane nuk deshi të jepte informacione tjera më të hollësishme për shkak të hetimeve që po zhvillohen. Dje, siç dihet, një 17 vjeçar i veshur në të zeza ka hapur zjarr në ish shkollën e tij, me ç’ras ka vrarë së paku 16 persona, përpara se policia ta qëllonte për vdekje. Në mesin e viktimave, sipas burimeve policore, janë 9 nxënës, tre mësues dhe tre kalimtarë.
Policia ende nuk ka zbuluar motive që çuan 17 vjeçarin Tim K. të kryente këtë krim. Sidoqoftë Gjermania është tronditur nga ky krim.

“Ashtu si çdokush tjetër në Gjermani jam e shtangur nga ajo çfarë ndodhi në shkollën Albertville të Vinendenit. Është e paimagjinueshme se brenda pak sekondash nxënës dhe mësues u vranë dhe kalimtarë të rastit humbën jetën si pasojë e një krimi të tmerrshëm", tha kancelarja gjermane Angela Merkel. /Fadil Gashi/