[Llapjani_HH]

Serbët kosovarë dhe Beogradi me akuza të ndërsjella për tradhti

Këshilli i komunave serbo- kosovare, ka akuzuar ministren e drejtësisë së Qeverisë së Serbisë për “tradhti të interesave serbe” për shkak të “presioneve ndaj gjykatësve serbë në Mitrovicë, që të përfshihen në gjykatën e Republikës së vetëshpallur të Kosovës”.

Në anën tjetër, Qeveria serbe ka hedhur poshtë këto “akuza”, duke pohuar se janë pikërisht ato që rrezikojnë interesat e komunitetit serb në Kosovë.
Në Prishtinë nuk ka informacione publike se për çfarë procesi saktësisht bëhet fjalë. (agjencitë)
RTK

10.400 euro është shumë e parave që ka marrë presidenti Sejdiu, retroaktivisht për 8 muaj

Retroaktiviteti i pagave duket të jetë model konstant dhe praktikë në institucionet e Kosovës. Kohavisioni ka zbuluar dokumentin me të cilin presidenti Fatmir Sejdiu e ka dyfishuar pagën dhe e ka kërkuar marrjen e saj retroaktivisht për 8 muaj. Më 14 gusht të vitit 2006 sekretari i Zyrës së Presidentit, Mujë Ukaj, i ka kërkuar ministrit të atëhershëm të Ekonomisë dhe të Financave, Haki Shatri, kërkesën për aprovimin e shtesës për presidentin Sejdiu. Në arsyetim thuhet se Presidentit i duhet rritur paga dyfish për shkak të angazhimit, mbingarkesës dhe përgjegjësive të veçanta që ka. Kërkohej shtesa prej 1300 eurosh dhe me aq sa kishte i bëhej rroga në 2600. Për më tepër kërkesa për shtesë që u bë në gusht kërkohej të aplikohej që prej 1 janarit të vitit 2006. Në këtë kohë president legjitim i Kosovës ishte ende Ibrahim Rugova, pasi që ishte ende gjallë. Aprovimi i Shatrit ndodhi më 30 gusht. Ish-ministri i Ekonomisë dhe i Financave, Haki Shatri, e konfirmon për Kohavisionin vendimin e marrë, duke thënë se ishte politikë e qeverisë që të motivoheshin për punë zyrtarët e lartë publikë. Kohavisioni ka kontaktuar edhe zëdhënësin e presidentit, Xhavit Beqiri, i cili ka thënë se vendimi i 2006-s ka qenë legjitim. Megjithatë, ai nuk është përgjigjur për punën e retroaktivitetit. Nëse mblidhen shtesat që Sejdiu ka marrë për 8 muaj, pas miratimit të Ministrisë së Ekonomisë dhe Financave, del që Presidenti Fatmir Sejdiu i ka marrë 10.400 euro përnjëherë retroaktivisht. Presidenti i parë i Kosovës, Ibrahim Rugova, ka marrë rreth 1300 euro pagë mujore. Të tillë e ka trashëguar edhe Presidenti Sejdiu, por ka vendosur ta evoluojë atë me kohë, duke e dyfishuar në 2612 euro, dhe tash së fundi me rritjen prej 10 % e ka çuar në 2873 euro. Meqë paga e kryeparlamentarit Jakup Krasniqi është 2420 euro, po të praktikohej diferenca që Presidenti duhet ta ketë prej 25 %, paga e të parit të Republikës do të shkonte në 3025 euro.
KTV

Këshilltarët e presidentit Sejdiu shkojnë në futboll me vetura zyrtare

Ditën e pushimit për nder të shënimit të njëvjetorit të miratimit të kushtetutës së Kosovës, presidenti Fatmir Sejdiu dhe kryeministri Hashim Thaçi kanë vendosur të pushojnë njëmend. Ata madje kanë preferuar t’ i lënë makinat e tyre në oborret e presidencës e kryeministrisë, edhe pse kanë të drejtë t’ i përdorin 24 orë në ditë. Por, këtë hap të krerëve të lartë shtetërorë nuk e kanë ndjekur vartësit e tyre. Parkingjet e kryeministrisë, presidencës e në veçanti të Kuvendit të Kosovës kanë qenë pothuajse të boshatisura ditën e pushimit të institucioneve. Praktika e shfrytëzimit të veturave zyrtare edhe jashtë orarit të punës tashmë është bërë model në institucione. Dy këshilltarët e presidentit Fatmir Sejdiu, Xhavit Beqiri dhe Korab Sejdiu, kanë preferuar t’i shfrytëzojnë veturat edhe kur shkojnë të luajnë futboll. Makina me targat 000-KS-028, në shfrytëzim të Beqirit dhe Sejdiut, është fotografuar pranë një fushe futbolli në periferi të Prishtinës. Por, këshilltari Beqiri i ka thënë KTV-së nëpërmjet telefonit se kanë të drejtë t’ i përdorin veturat për punë zyrtare, pa shpjeguar nëse loja e futbollit ka qenë në agjendën e punës së tyre atë ditë. Por, makina e Presidencës e kapur afër fushës së futbollit të martën është gjendur sot në parkingun e Presidencës. KTV-ja ka raportuar javën e shkuar për shkeljen e vendimit 04/3 për përdorimin e veturave nga zyrtarët e Qeverisë së Kosovës.
KTV

Paga më të ulta për deputetët serbë për shkak të krizës

Rrogat e deputetëve në Serbi do të ulen për shkak të krizës ekonomike, ndërsa do t'u hiqen edhe të gjitha mëditjet dhe bonueset.

Kjo është një pjesë e masave qeveritare për kursim, të cilat mbrëmë i paralajmëroi ministri serb i Ekonomisë Mllagjan Dinkiq.

"Do të ulen rrogat e kryetarit të shtetit, deputetëve, në Bankën Qendrore, në Odën Ekonomike dhe në të gjitha ndërmarrjet publike, si në nivel qendror ashtu edhe në atë lokal", deklaroi ministri Dinkiq.

Ai theksoi se të gjitha bonuset do të jenë absolutisht të ndaluara sivjet.

"Lidhur me mëditjet e deputetëve, mbajtëm takim dhe vendosëm të vazhdojmë me pezullimin e tyre derisa është kriza", theksoi Dinkiq.
Telegrafi

Përderisa shtetet tjera e në këtë rast serbia vendosin ti ulin pagat për shkak të krizës ekonomike që ka kapluar thuajse gjithë botën, politikuajt e Kosovës i rrisin pagat e tyre për 10%.
Këta mendojn vetëm për gjepin e tyre, kurse qfar ndodh me popull nuk ju intereson fare.
Deri kur kështu?

Podgorica “arsyeton” skandalin me delegacionin kosovar

Autoritetet malazeze “arsyetuan” të premten faktin pse Kosova në takimin e CEFTA-s që u mbajt gjatë dy ditëve të kaluara në Podgoricë përfaqësohej nëpërmjet UNMIK-ut, gjë që shkaktoi braktisjen e takimit nga ana e përfaqësuesve të qeverisë së Kosovës.

Përfaqësuesi i Ministrisë për zhvillim ekonomik të Qeverisë së Malit të Zi, Goran Scepanovic, tha se takimi i nën-komitetit të CEFTA-s është mbajtur konform marrëveshjes në fuqi.

“Ne i kemi propozuar delegacionit të Kosovës të kandidojë propozimin që në këtë pjesë të ndërrohet marrëveshja, e më pastaj të shohim a do të pranohet nga të pranishmit. Deri atëherë, ne edhe të gjithë ata që e përfaqësojnë marrëveshjen, janë të detyruar ta zbatojnë atë dokument, ashtu siç është, pa marrë parasysh e pëlqen dikush apo jo”, thotë Scepanovic.

Ai shton se “i kemi sqaruar delegacionit të Kosovës se Mali i Zi zbaton marrëveshjet, sikur të gjithë protokollet tjera ndërkombëtare, derisa nuk ndodh ndryshimi i tyre”, duke shtuar se “arsyetimin e Malit të Zi,si kryesues e kanë pranuar të gjithë përfaqësuesit e vendeve të tjera”.

Marrëveshjen, përveç Malit të Zi, e ka nënshkruar Bosnjë e Hercegovina, Kroacia, Shqipëria, Maqedonia, Moldavia, Serbia dhe UNMIK- në emër të Kosovës.
Scepanovic sqaron se pas përfundimit të takimit, edhe përfaqësuesi i UNMIK-ut ka thënë se është i habitur me reagimin e delegacionit të Kosovës.

Një delegacion i Ministrisë së Bujqësisë, braktisi punimit e nënkomitetit të CEFTA-s, i cili ishte mbledhur për të biseduar rreth bujqësisë në Podgoricë. Në kohën kur Kosova është përfshirë në këtë marrëveshje, shkaku i mungesës së statusit politik, është përfaqësuar nga UNMIK-u. (KosovaLive)
Gazeta expres

Kuvendit të Kosovës, s`i intereson Trusti

Kuvendi i Kosovës për të satën herë është duke mos pranuar ta fusë në rend dite çështjen e Trustit Pensional të Kosovës, i cili është duke i humbur kursimet e kosovarëve. Këtë institucion Kuvendi dhe partitë në pushtet e kanë lënë pa bord që nëntë muaj.

Humbjet e mëdha të kursimeve pensionale të qytetarëve të Kosovës nuk po i interesojnë aspak Kuvendit të Kosovës. Deputetët dhe drejtuesit e Trustit Pensional të Kosovës tash sa kohë po kërkojnë që ta fusin në rend dite çështjen e këtij institucioni dhe humbjeve që po i shkakton ai. Të paktën si Kuvend të nisë edhe emërimin e anëtarëve të bordit. Por, asnjëherë Kuvendi s`e ka marrë seriozisht këtë punë.

Para tri ditësh një grup i deputetëve prej 11 vetësh kanë dërguar edhe një herë kërkesë kryesisë së Kuvendit për ta futur në rend dite diskutimin për krizën që e ka rrok Trustin.

Kërkesat për këtë çështje i ka bërë kryesisht deputeti Driton Tali, i cili e ka adresuar edhe kërkesën e fundit. Kësaj here iu kanë bashkuar edhe 11 deputetë tjerë.
Arsyeja pse ata kërkojnë të zhvillohet një seancë për këtë institucion është se në Trust po shkaktohen humbje të mëdha buxhetore dhe humbje në kursimet e kosovarëve.

“Duke u nisur nga fakti se Fondi Pensional i TKPK është pronë e kontribuuesve kosovarë dhe se gjendja në këtë institucion është e ndjerë dhe tregon parregullsi bashkë me jo transparencë, kërkojmë që në seancën e radhës të jetë një pikë e rendit të ditës për debat situata me Trustin Pensional”, thuhet në kërkesën e deputetëve drejtuar kryesisë së Kuvendit.

Kësaj kërkese në krye me deputetin Tali iu kanë bashkuar edhe Naim Rrustemaj nga PDK`ja, Gani Geci – LDK, Naser Rugova – LDD, Ahmet Isufi – AAK, Shkumbin Demalija – AKR, Myzejene Selmani – AKR, Emrush Xhemajli – LPK, Ali Lajqi – LDK, Arsim Rexhepi – LDK, Adem Hajdaraj – LDK dhe Gani Buçinca nga PDK`ja.

Të gjithë këta deputetë thonë se në bazë të nenit 23.2 të Rregullores së Punës së Kuvendit kanë të drejtë të propozojnë dhe duhet që të futet në rend dite.Shkrimin e plotë mund ta lexoni në gazetën Express.
Gazeta expres