[Fshatari]

Pacolli: Komoret njohin Kosovën
Behgjet Pacolli thotë se është njoftuar që Unioni i Komoreve ka njohur pavarësinë e Kosovës. Pacolli thotë se njohja pritet ti konfirmohet edhe Ministrisë së Punëve të Jashtme të Kosovës.

Nga Shpend Limoni më 10.04.2009 në ora 19:02
"…Republika e Komores praktikisht ka marrë vendim që ta njohë pavarësinë e Kosovës…" Unioni i Komoreve ka vendosur ta njoh pavarësinë e Kosovës. Kështu i ka thënë gazetës lideri i AKR’së Behgjet Pacolli duke theksuar se atij i është konfirmuar njohja ndërkohë që pritet që njoftimi t’i shkojë edhe Ministrisë së Punëve të Jashtme të Kosovës.
“Republika e Komores praktikisht ka marrë vendim që ta njohë pavarësinë e Kosovës. Më vonë do të njoftohet edhe Ministria e Jashtme e Kosovës por është definitive që Republika e Komores na njeh” ka thënë Pacolli.
Pacolli thotë se njohja nga Komoret është rezultat direkt i punës së tij me autoritet e atjeshme.
“Ky është edhe rezultat i vizitës time në Ligën Arabe dhe gjatë qëndrimit në Doha. Kjo është vendosur kur do të vijë njoftimi në Ministri nuk e di. A do të ndodhë nesër apo pas disa ditësh nuk e di”
Pacolli ka thënë se ka takuar zyrtarë të lartë të këtij vendi gjatë qëndrimit në Doha para disa ditësh por pohon të ketë vizituar këtë shtet dy herë tjera.
“Kjo është rezultat i punës sime 100 përqind këta të Ministrisë dyshoj se as kërkesë nuk i kanë bërë për njohje” ka thënë ai.
Ishujt Kamoros ndodhen në brigjet lindore të Afrikës në Oqeanin Indian.
___________________________________
Flm ishujve Komore!
Po rritet po rritet numri i njohjeve.
Vetem naj fuqi mbinatyrore mund te ndal njohjet e reja e te shumeta te shtetit te pavarur e sovran te Kosoves.
Çfare fuqie edhe ky shtet.