[Scooby-Doo]

Ndonjë ditë, para se t’i kryesh këto adhurime, a ke menduar?
Para se të falësh namazin, a ke menduar ndonjëherë?...

Duke e dëgjuar ezanin, a ke menduar ndonjëherë se Zoti i gjithësisë të thërret në takim me Të në namaz?

Duke marrë abdest, a ke menduar ndonjëherë se je duke u përgatitur për të dalë para Mbretit të të gjithë mbretërve?

Duke shkuar në xhami, a ke menduar ndonjëherë se je duke iu përgjigjur thirrjes së të Madhëruarit, Zotit të Arshit të Madhëruar?

Kur je duke marrë tekbiretu elihram (tekbirin fillestar), a ke menduar ndonjëherë se ti do të fillosh bisedën me lutjen, thirrjen Krijuesit tënd, që dëgjon gjithçka dhe di gjithçka?

Kur lexon suren Fatiha në namaz, a ke menduar ndonjëherë se je në bisedën më të veçantë me Krijuesin e Plotfuqishëm?

Duke kryer lëvizjet në namaz, a ke menduar ndonjëherë se një numër aq i madh engjëjsh, saqë nuk e di kush numrin e tyre përveç Allahut, janë në ruku, ndërsa shumë të tjerë në sexhde para mijëra e mijëra vitesh, derisa qielli rënkoi prej numrit të shumtë të tyre?

Duke qenë në sexhde, a ke menduar ndonjëherë se ky është vendi i mirë e më madhështor ku njeriu mund të jetë më afër Krijuesit të tij?

Duke dhënë selam në fund të namazit, a ke menduar ndonjëherë që zemra jote të digjet nga malli për takimin tjetër të afërt me të Gjithëmëshirshmin, Mëshirëplotin.

A ke menduar ndonjëherë me mall për Allahun dhe takimin me Të?
Kënaqësia e madhe që përshkon zemrën, që largon problemet e dynjasë.
A ke menduar ndonjëherë se në afërsi me Allahun është xheneti i zemrës së besimtarit, e kopsht në zemrën e tij, në përpjekje të kënaqësisë së Zotit të tij.
Zemra më e butë është ajo zemër që ia ka frikën Allahut.
Fjalët më të mira janë ato që përmendin Allahun.
Dashuria më e pastër, dashuria për Allahun.
E kush zemrën e tij e ka lidhur me Allahun, është qetësuar e ka pushuar.
E kush zemrën e tij e lidh me njerëzit, nuk i pushon dhe gjithherë do të jetë i shqetësuar.
E kur të ndjesh vështirësi e mërzi, përsërit gjithmonë: “La il-lahe il-la ente subhaaneke in-ni kun-ntu mine dhaalimin”.
Ky është shërimi i zemrave, drita e tyre, e fshehta e tyre.
E përmendja e kësaj shlyen mëkatet, “La il-lahe il-l All-llah”
O Allah, ndaloja zjarrit të xhehenemit ta djegë atë që e lexon këtë shkrim dhe shpërbleje atë pa kufi!
Amin!
Thotë Muhamedi salallahu alejhi ue selem: “Transmetoni prej meje qoftë edhe një ajet." Fjala këtu është për ajet apo hadith. E ka mundësi që me dërgimin e këtij shkrimi të arrish atë vlerë të madhe për transmetimin qoftë edhe të një ajeti nga Muhamedi salallahu alejhi ue selem e të bëhet shefat (ndërmjetësim tek Allahu) për ty Ditën e Kiametit.
Shpërndaje me shpresë që të ndërmjetësojë për ty Ditën e Kiametit.