[amari]

Kjo dukuri ka filluar edhe në KEK me të madhin Viktor Buzhala i cili së bashku me klanin famëkeq kishte fundosur këtë ndërmarrje edhe ashtu në gjendje të mjerueshme vite me radhë, tash i punësuar në të.
Nga ky klan famëkeq nuk shpëtoi as Aeroporti me shantazhet e tyre depërtuan të punësoheshin edhe Altin Ahmeti, Shpiuni i Ramë Marës, siç njihet në shoqërinë tonë, dhe atë në një pozitë të shpikur enkas për të, dhe Valmira Deliu, madje kjo zyrtare e lartë e prokurimit. PA KOMENT!!! Për të vazhduar me Gruan e Nebi Maxhunit e shumë e shumë të tjerë.
Duke pas parasysh që Media luan një rol kyç në zhvillimin e Institucioneve Demokratike dhe zhvillimit Ekonomik të një vendi, e sidomos në kohën e tranzicionit siç jemi ne, neve na vjen shumë mirë që Gazeta Express ka botuar shkrimin famëkeq të Avni Spahiut, por mos të harrojnë se në një kohë të duhur të gjitha faktet lidhur me dëmet që klani i lartpërmendur i ka shkaktuar shoqërisë sonë, sidomos në aspektin Politik dhe Ekonomik, do të publikohen. Ndoshta atëherë do ta kenë parasysh se sa laik dhe sa të pavlerë kanë qenë dhe do të mbeten për shoqërinë Kosovare, në kurriz të të cilëve kanë blerë Shtëpitë e Tauregat.
Për fatin e zi që Kosova ka me Agjencionin Prokorrupsion, i cili si zakonisht nuk ka fakte për këto ndodhi famëkeqe edhe pse këto fakte i shohin edhe qytetarët e rëndomtë, ne kemi fatin e mirë që kjo Agjenci është në pritje, që një ditë Baton Haxhiu, Resul Sinani, Berat Buzhala e Gazmend Elshani te vizitojnë këtë Agjencion e t’u deklarojnë mënyrën e blerjes së veturave luksoze me pagat e tyre të larta të gazetarisë. Ata janë në pritje se Ibrahim Rexhepi, Viktor Buzhala, Altin Ahmeti, Valmira Deliu, Nebi Maxhuni e shumë të tjerë do t’u deklarojnë atyre se si i kanë shantazhuar menaxhmentet e Ndërmarrjeve Publike për t’u punësuar vet dhe për t’i punësuar të afërmit e tyre. Ata gjithashtu janë në pritje se disa nga këta mafiozë do të shkojnë një ditë dhe t’u deklarojnë atyre se cilat shkrime për afera Korruptive të këtyre menaxherëve i kanë futur në sirtar me kusht për t’u punësuar vet apo për të punësuar dikë, madje ky agjencion është në pritje se këto ditë Astrit Gashi, Menduh Abazi, Arsim Bilalli etj. do të bëjnë publike shifrën marramendëse të mitos që ky klan ka marrë nga IPKO për të stopuar marketingun e VALA-s, në mënyrë që IPKO të sigurojë klientelën e saj. Jemi të sigurt se posa këta mafiozë të deklarojnë vullnetarisht para Agjencionit PROKORRUPSION për krimet e rënda që i kanë bërë, ky Agjencion do t’i bëj publike.
Duke pas parasysh se në Kosovë tani për tani nuk ka vullnet institucional dhe organe të mirëfillta juridike për t’i luftuar këto dukuri mafioze, mbetemi me shpresë se qytetarët e Kosovës me kohë do të gjykojnë drejtë dhe nuk do e fajësojnë gazetarinë Kosovare në përgjithësi.
Profesioni i gazetarit çmohet lartë në të gjitha vendet Demokratike dhe është krenari të prezantohesh si gazetar. Fatkeqësisht, duke ju falënderuar këtij klani MAFIOZ, ne tani turpërohemi që jemi gazetar.

Me shpresën se edhe në Kosovë do vij dita kur gazetari do krenohet me profesionin e tij.

Kushtrim Janina
(në emër të Gazetarëve të Pakorruptuar të Kosovës)