[pirro]

Reagimet e subjketeve te ndryshme politike:

PDK
Ramë Buja, Shef i Grupit Parlamentar të PDK’së, tha se vendimi i Presidentit ishte një vendim i një burrështetasi.
“Sejdiu ka bërë shumë mirë që ka anuluar vizitën e tij në Maqedoni. E them këtë për shkak se me këtë po tregohet se ne jemi shtet dhe marrim vendime vetë”, tha Buja.

LDK
Eqrem Kryeziu, Nënkryetar i LDK’së, tha se Presidenti Sejdiu ka marrë një vendim të drejtë karshi, siç e quajti ai, lojës që ka bërë pala maqedonase.
“Normalisht se është vendim i mirë. Kosova me këtë tregoi se është shtet i barabartë me të gjitha shtete e tjera”, tha Kryeziu.

AAK
Ahmet Isufi, Nënkryetar i AAK’së, pranon se Sejdiu ka marrë një qëndrim të mirë.
“Maqedonia dëshiron të luajë me dy palë letra. Edhe ta shikojë çfarë dëshiron Serbia, por edhe shikon nga Kosova. Maqedonia po duket se ende nuk e ka kuptuar realitetin e krijuar në Kosovë. Ne jemi shtet dhe si shtet edhe do të sillemi. Sejdiu ka vepruar drejt”, tha Isufi.

AKR
Vendimin për anulim të vizitës, e ka përkrahur edhe Aleanca Kosova e Re.
“Për herë të parë pashë se po sillemi si shtet. Këtë anulim që bëri Sejdiu, e përkrahim, e mbështesim, sepse iu tregua Shkupit zyrtar se jemi shtet”, tha Ibrahim Makolli, Shef i Grupit Parlamentar të kësaj partie.

BDSH
Bashkimi Demokratik Shqiptar i Bardhyl Mahmutit, përmes një komunikate, gjithashtu dënoi ashpër qasjen joserioze dhe tendencioze të autoriteteve të Maqedonisë.
“Ndërrimi i karakterit zyrtar të vizitës së Presidentit të Kosovës, z. Fatmir Sejdiu, Maqedonisë, nga ana e instrumentit të Gruevskit me emrin Ivanov, konfirmon tendencën e kësaj qeverie për mosrespektim të vullnetit të shqiptarëve të Maqedonisë”, thuhet në reagimin e BDSH’së.