[Dani11]

Maqedoni: Kërkohet tërheqja e njohjes për Kosovën
Gazeta "Veçer" shkruan se Maqedonia duhet të mendojë për tërheqjen e vendimit për njohjen e Kosovës.
E shtunë, 30 Maj 2009 12:47



Gazeta "Veçer" e afërt me partinë maqedonase në pushtet në një shkrim të sotëm ka nënvizuar se Maqedonia duhet të mendojë për tërheqjen e vendimit për njohjen e Kosovës.

Në shkrimin e saj kryesor kjo e përditshme shkruan se Shkupi ashtu siç ka njohur Kosovën, ashtu mundet ta tërheq vendimin e saj.

"Fatin e njejtë e ka pasur Tajvani në vitin 1999 vendi i njohur nga Maqedonia, edhe përkundër kontestimit nga ana e Kinës. Por pas bllokadave të Kinës në Këshillin e Sigurimit, Maqedonia sërish vendosi marrëdhëniet me Kinën, duke tërhequr njohjen e Tajvanit si shtet. Ashtu që nëse Maqedonia nuk ka asnjë leverdi nga njohja që i bëri Kosovës dhe nëse vazhdojnë kërcënimet e njëpasnjëshme nga kosovarët dhe shqiptarët në Maqedoni me kushtëzime të ndryshme, atëherë Maqedonia ashtu siç kishte bërë njëzëri njohjen e Kosovës, ashtu mund të tërheq vendimin duke mos e njohur këtë vend fqinj", shkruan "Veçer", që konsiderohet si një nga të përditshmet më të afërta me partinë VMRO-DPME.

Kjo gazetë shkruan gjithashtu edhe për kërcënimet dhe kushtëzimet e shqiptarëve për hyrjen e vendit në NATO dhe BE, duke pranuar kërkesat edhe për ndryshimin e identitetit të maqedonasve. (INA)