[Llapjani_HH]

Tadiq: Askush nuk do ta kushtëzojë Serbinë me Kosovën

Kryetari i Serbisë Boris Tadiq ka deklaruar se vendin e tij drejt integrimeve euroatlantike askush nuk do ta kushtëzojë me pranimin e pavarësisë së Kosovës. Këto komente ai i ka bërë në mbledhjen e Këshillit qendror të partisë së tij Demokratike, me ç’rast ka theksuar se për këtë ka marrë fjalë të forta edhe nga nënpresidenti amerikan Joe Biden.

Sipas fjalëve të tij kjo vlen edhe për integrimet e Serbisë në NATO, kur për këtë të vijë koha. Tadiq edhe kësaj radhe ka theksuar se Serbia për Kosovën do të luftojë me të gjitha mjetet diplomatike.
RTK

Tash një muaj në QKUK nuk ka ilaçe kundër virusit HIV-AIDS

Ka më se një muaj prej kur Klinika Infektive e QKUK-së mbeti pa medikamente për trajtimin e pacientëve të prekur nga virusi HIV-AIDS. Në Kosovë, tash për tash, për medikamente kanë nevojë 8 pacientë të prekur nga ky virus, prej të cilëve edhe një familje e tërë, nënë baba dhe dy fëmijë 2 dhe 4-vjeçar, gjendja e të cilëve, në mungesë të tyre, po keqësohet nga dita në ditë.

Drejtori i Repartit për trajtimin e pacientëve të prekur nga virusi HIV në Klinikën Infektive, Dr. Ilir Tolaj tha se autoritetet shëndetësore për mungesën e këtyre medikamenteve janë paralajmëruar qysh në shtator të vitit të shkuar, por në këtë drejtim nuk është ndërmarrë asgjë.
RTK