[lirik]

e Avdi Lekut, njohës i gjashtë gjuhëve të huaja...
Me Avdi Lekun nga Gjakova, njihem qëmoti, kuptohet me te jam njoftuar
pasi që i njëjti ka ardhur në Zvicër për të zënë punë. Në fillim kam pasur
bindje të mirë për të dhe për këtë arsye edhe nja 2-3 raste ia kam
siguruar garancinë për punë. Me të kam qenë vazhdimisht. Para 2 vitesh
kam qenë zhirant për blerjen e veturës së tij e pasi që Avdiu nuk i pagoi
paratë, më është dashur që vlerën prej 6 500 frangash zvicerane ta bëja
unë. Prej këtij momenti marrëdhëniet me Avdiun janë ftohur edhe pse
vazhdimisht premton se huan do ta kthejë. Avdiu është njeri tepër
inteligjent, mirëpo tek shumica e punëtorëve e ka humbur autoritetin
vetëm e vetëm nga borxhet dhe malverzimet që i bënë. Në veprimtari
armiqësore ka dëshirë që vetëm ai të përmendet si njeri i madh, si njeri i
cili i pari vjen gjer te lajmet e ndryshme, gazetat, librat dhe materialet
tjera. Në kohën e fundit, disa shokë të tij kanë filluar t’i largohen e
sidomos pas dënimit të një të afërmi të Avdiut nga komuna e Deçanit, për
çka thuhet se bashkëpunon me ju. Avdiu është i armatosur me një revole
të cilën vazhdimisht e mban me vete. Tani punon si kamerier, është
njohës tepër i mirë i 6 gjuhëve. Më parë ka jetuar në Surzë e tani para
nja një muaji jeton në Lucern. Edhe pse Avdiu qysh në fillim ka qenë i
indoktrinuar, në të kanë ndikuar edhe diplomatët nga RPSSH të
akredituar në Vjenë-Austri. E di se Avdiu shpeshherë ka qenë në kontakt
me përfaqësuesit diplomatikë të Shqipërisë dhe se ata disa herë e kanë
vizituar atë në Zvicër. Me siguri nga ata është furnizuar me libra dhe
materiale tjera propagandistike si dhe me siguri ka marrë edhe
instruksione të ndryshme lidhur me veprimtarinë armiqësore. Në banesën
e tij, përveç librave tjera kam parë edhe “Titistët”. Në vitin 1982, Avdiu
ka marrë pjesë në demonstratat e organizuara anti-jugosllave