[lirik]

Vërejtjet e punëtorit operativ:
Bashkëpunëtori i sigurt, shënimet deri diku të vërtetuara dhe nga burimet
tjera. Me nga një kopje të këtij raporti është njoftuar DSHSS Pejë e Gjilan
dhe se gjatë vërtetimit dhe bisedave të ndryshme në këtë drejtim duhet
pasur kujdes të posaçëm e mos të vihet deri të dekonspirimi i
bashkëpunëtorit tepër kualitativ.
V
Vërejtjet, Çmimet dhe vendimet e eprorit;
Dërgohet :
2 x SHSSH SKPB
1 x DSHSSH - Gjilan
1 x DSHSSH -Pejë
1 x Në lëndë të bashk. “Kobra”
1 x Evidencës.
Punëtori operativ,
Sejfullah Sahatçiu
Identifikimi i Brahim Elezajt
Sekretariati Krahinor për Punë të Brendshme
Shërbimi i Sigurimit Shtetëror
Drejtorati-Gjakovë, Sektori II
punt. op. Sejfullah Sahatçiu, LRSHJ
Më 07. 01. 1985
Raport i bashkëpunëtorit
I
Burimi: Bashkëpunëtori “Kobra”
Shënimet kanë të bëjnë me veprimtarinë armiqësore të disa anëtarëve të
LRSHJ-së në Zvicër. Biseda është zhvilluar më 27. 12. 1984, në një lokal
hotelier jashtë territorit të KK Gjakovës prej orës 10-14.
Më iniciativën e bashkëpunëtorit
Shpenzime 910 dinarë
Raporti paraqitet më 5. 01. 1985.
II
Bashkëpunëtori përcjell veprimtarinë armiqësore të disa anëtarëve të
LRSHJ-së në Zvicër.
III
78
Bashkëpunëtori së pari ka bërë identifikimin edhe të një personi
pjesëmarrës në demonstratat antijugosllave të organizuara në
Zvicër/Cyrih. Bëhet fjalë për fotografinë të cilën ‘Kobra” e ka dërguar e të
cilën fotografi pas riproduktimit iu kemi dërguar së bashku me raportin
tonë nr. 724, të datës 13. 11. 1984. në anën e majtë të Rrustem
Mahmutajve, me dy grushte lart në fotografi shihet Brahm Elezaj, nga
fshati Jabllanicë e Vogël, KK Pejë, pjesëmarrës aktiv në disa demonstrata
të organizuara në Zvicër dhe lidhje e ngushtë e Rrustem Mahmutajve nga
fshati Lybeniq, KK Pejë, tani me vendbanim në Bernë. “Kobra” në
vazhdim përveç tjerash tha: “Edhe më datën 1. 12. 1984, në Luzan është
mbajtur një manifestim për nder të 28 Nëntorit, ditës së pavarësisë së
Shqipërisë, në këtë manifestim kanë marrë pjesë afër 600-700 veta.
Përveç të tjerave, kanë parë Rrustem Mahmutajn, vëllezërit Hajdar e
Adem Sadriun nga Fshati Ponoshec KK Gjakovë, Faik Cakën nga fshati
Doganaj KK Kaçanik, Shaqa N. nga Ferizaji etj. Sikurse në çdo tubim të
cilin e organizojnë anëtarët e LRSHJ-së, ashtu edhe në këtë, janë
brohoritë parulla të ndryshme si “Kosova Republikë” etj. Janë kënduar
këngë të ndryshme kushtuar RPSSH dhe PPSH, këtu, pas mbarimit të
kësaj ceremonie, Hajdar Sadria ka shitur shumë shirita të kasetofonit me
çmim 8 franka me këngë dhe valle popullore të ansambleve të RPSSH-së.
Tani, Hajdari kryesisht merret gati me shitjen e këtyre kasetave pasi ka
edhe një lloj të profitit, por si duket fitimin e tillë e shpenzon për nevoja
të LRSHJ-së. Përveç Hajdarit me punë të tilla merret edhe vëllai u tij
Ademi, por ky duke mos shitë, por duke i shpërndarë. Në një bisedë që
kisha me Hajdar Sadriun përveç tjerash më tha: “Edhe sikur Kosova të
fitojë statusin e Republikës, unë nuk do të kem vend dhe s’guxoj të shkoj
atje, por deri atëherë kur Kosova përfundimisht t'i bashkëngjitet
Shqipërisë atëherë kisha me u kthye në Jugosllavi”. Në këtë përgjigje të
Ademit iu kam drejtuar duke i thënë se ti tani nuk qenke për “Kosovën
Republikë”, në çka ai prapë m’u përgjigj “Po edhe nëse behet ajo, prapë
do të ngelë nën Jugosllavinë e për mua prapë s’do të kenë vend”. Në një
bisedë me Hajdar Sadrijun, ai më njoftoi se afati i pasaportës tani i ka
kaluar dhe se pasaportën e njëjtë nëpërmjet postës e ka dërguar në
Ambasadën tonë, duke pasur frikë se po të shkojë në Ambasadë, atë do
ta vrasin apo do ta burgosin e ta sjellin në Jugosllavi.
Pasaporta e fotokopjuar e Rrustem Mahmutajt
Meqë Rrustem Mahmutaj ka besim të madh në mua dhe asgjë nuk fsheh
nga unë, para disa ditësh ma dha pasaportën e vet që t’ia ruaja për disa
ditë, e unë pas pak të njëjtën e kam fotokopjuar e që më vonë do t’ju vije
nëpërmjet postës. Në disa raste kam shkuar në banesën e tij. Kjo banesë
shërben edhe si klub i LRSHJ-së. Këtu shpeshherë takohen Shaqa N. nga
Ferizaj, Hajdar Sadrija së bashku me vëllain Ademin e disa të tjerë dhe
79
bisedojnë për shumë çështje. Rrustemi është i martuar me një shtetase
ruse të cilës aspak nuk i pengojnë “punët” e Rrustemit. Në banesën e
këtij, në mur janë parullat “Rroftë Shqipëria dhe Enver Hoxha”, “Rrnoftë
RPSSH” si dhe në një qilim të varur në mur është e punuar me dorë
“Kosova Republikë”. Në adresën dhe emër të Rrustemit i vijnë paketa me
libra, gazeta dhe materiale tjera propagandistike. Kështu ai vazhdimisht
më furnizon me “Zërin e Popullit”, “Zëri i Kosovës”, “Ylli”, “Shqipëria e
Re” etj. Vazhdimisht me qëllim që edhe unë të shpërndaj, m’i sjellë nga
20 copë “Zëra të Popullit”, mirëpo unë ato i asgjësoj ndërsa sikurse deri
më tani nga një numër ju përcjell juve. Në një rast Rrustemit iu kamë
vënë në shërbim duke i thënë se jam i gatshëm që të fus në Jugosllavi
material propagandistik, por më parë duhet të dijë se kujt kisha me ia
dorëzuar. Në ketë, Rrustemi m’u përgjigj: “Së pari është mirë që të
sigurosh një lidhje të fortë më Universitetin e Kosovës në Prishtinë e
pastaj kishte me qenë lehtë dhe e parrezikshme qarkullimi. Kështu është
praktik edhe me të tjerët të cilët fusim materialin propagandistik. Ata
Brenda afatit p.sh dy apo tri orësh, materiali lexohet dhe po aq
ekzemplarë të shpërndarë duhet grumbulluar prapë te shpërndarësi me
qëllim që mos të bie ndonjë në dorë të UDB-së, dhe i njëjti pastaj
asgjësohet”.
UDB vendos bombë në librari
Më ka ra të dëgjoj e për këtë ka shkruar edhe gazeta zvicerane “Blick”, se
në Biell para disa ditësh, në librarinë e Beatit i cili kryekëput shet libra me
prejardhje nga Shqipëria, ka qenë e montuar një bombë me mekanizëm,
me qëllim që të çohet në ajër kjo librari. Sipas bisedave të anëtarëve të
“Lëvizjes” dhe sipas deklaratës së Beatit, gjoja se kjo bombë ka qenë e
vënë nga ana e UDB-së, dhe se gjëja ai e njeh personin i cili e ka
montuar, por ende nuk ka mund ta shohë, identifikoi dhe paraqesë
policisë zvicerane. Lidhje e ngushtë e Beatit është kushëri i Nuhi Berishës,
ish-student në Prishtinë, person me rëndësi në “Lëvizje” i cili së bashku
me Beatin kanë hapur një librari në Bernë, e cila kryekëput shet materiale
me origjinë nga RPS e Shqipërisë.
Xhafer Shatri e Hasan Mala më aktivët
Sipas mendimit tim e një mendim i tillë është edhe tek punëtorët tjerë të
punësuar në Zvicër se më aktivistët në “Lëvizje” janë Xhafer Shatri me
pseudonimin “Shpati” pastaj Shaqa N. me pseudonim “Lulëkuqja”, Hasan
Mala i njohur si “Mixha” etj. Është bindje e ime që është e vërtetë se në
“Zërin e Kosovës” paraqiten shumë pseudonime, mirëpo ato janë vetëm
mashtrime të disave se gjëja kjo “Revistë” ka shumë bashkëpunëtor dhe
se është e aftë të dijë gjithçka për vendin tonë.
80
Me