[pirro]

Ajatollahu e mbështet Ahmedinejadin

Nga Express më 19.06.2009 në ora 16:42
Lideri Suprem i Iranit, Ajatollah Ali Khamenei, tha se njerëzit e Iranit kanë zgjedhur atë që kanë dashur për president në zgjedhjet e javës së kaluar në Iran.

Khamenei tha se nuk ka pasur mashtrime në zgjedhjet e 12 qershorit, në të cilat, sipas autoriteteve, me shumicë votash ka fituar presidenti Ahmadinejad.

Khamenei iu drejtua kombit gjatë faljes së xhumasë.

Zgjedhjet presidenciale në Iran u pasuan nga protesta masive të opozitës, për shkak të rizgjedhjes president të Ahmadinejadit.

Protestuesit kanë thënë se janë bërë mashtrime gjatë zgjedhjeve dhe kanë kërkuar mbajtjen e zgjedhjeve të reja.

Hamnei tha se protestat duhet të ndalen, për shkak se, sipas tij, për rezultatin e zgjedhjeve është vendosur në kutitë e votimeve dhe nuk mund të vendoset në rrugë.

Ai theksoi se liderët politikë do të përgjigjën për çfarëdo lloj dhune.

Lideri Suprem tha se armiqtë e Iranit po përpiqen të dëmtojnë besimin e njerëzve në sistemin shtetëror, duke e vënë në pikëpyetje rezultatin e zgjedhjeve. (REL)